Rōm i

RŌM

Pahati pasal sulat itu

Rōm itu daꞌira aheya ma lahat Itali, daꞌira bay patꞌnnaꞌan Sultan Mahatinggi, ya ginꞌllal Caesar. Aheka isab kalahat-lahatan saddī ma sakalibut sꞌllang Meditera bay taꞌagaw eꞌ bangsa Rōm ati talapay niōnan lahat Rōm sabab pinagparintahan eꞌ sultan Rōm. Manjari in aꞌa kamemon patꞌnnaꞌ ma pagparintahan Rōm, sasuku aniyaꞌ kataddanganna, niōnan bangsa Rōm isab. Ya patꞌnnaꞌ ma daꞌira Rōm inān porol aꞌa Rōm maka baꞌanan aꞌa liyu. Aniyaꞌ isab mainaꞌan saga aꞌa magpangandol ma si Isa.

Jari itu bilahi si Paul pinaꞌan anibaw saga bebeyaꞌan si Isa sagōꞌ atꞌggol na halam bay makalanjal sabab aheka kinabimbangan. Angkanna iya amabeyaꞌ sulat itu ni Rōm pangahaka saga sukuꞌ si Isa mainaꞌan in iya magbamba na patibaw ni sigām dahū, boꞌ yampa palanjal ni lahat Kastilaꞌ magpataꞌu saga aꞌa mainaꞌan pasal si Isa Al-Masi.

Ma sulat itu pinahati eꞌ si Paul bang buwattingga kapaghāp manusiyaꞌ maka Tuhan, hatina ma sabab pangandol sigām sadja, nggaꞌi ka ma sabab hulas-sangsāꞌ sigām maghinang.