Kahinangan i

KAHINANGAN

Pahati Pasal Jūd itu

Jūd itu bay sinulat eꞌ si Lukas supaya tahati eꞌ si Teyopilus pasal kahinangan saga aꞌa ya bay kawakilan eꞌ si Isa Al-Masi magnasihat lapalna. Ya na itu sulat karuwana bay tasulat eꞌ si Lukas ni si Teyopilus, aꞌa bangsahan.

Nihaka eꞌ si Lukas maitu bang buwattingga kasaplag haka pasal si Isa ni kamemon kalahat-lahatan. Tagnaꞌ pagkahi sigām Yahudi sadja ya panganasihatan eꞌ saga aꞌa kawakilan itu, puwas eꞌ saga bangsa nggaꞌi ka Yahudi, sampay paꞌabut ni lahat alawak.

Nihaka isab ma deyom sulat itu pasal Rū Sussi, ya pinaniyaꞌan saga aꞌa itu eꞌ Tuhan, panabang sigām maghinang ai-ai bay panohoꞌanna ma sigām.

Si Lukas itu bay seheꞌ si Paul ma lꞌngngananna magnasihat lapal Tuhan, sampay ma waktu kapangalabusu ma iya ma daꞌira Rōm.