YAHIYA
Pahati Pasal Jūd itu
Si Yahiya itu dakayuꞌ mulid si Isa min kasangpūꞌ maka duwa, aꞌa bay kawakilan eꞌ si Isa magnasihat lapalna. Inaꞌ si Yahiya si Salome, mulid si Isa isab bay magbeyaꞌ maka dꞌnda kaseheꞌan angayura iya.
Magdaraing asal si Yahiya maka abataꞌ lagiꞌ iya ma waktu kapangabbit si Isa ma iya. Saltaꞌ paꞌin iya maka danakanna si Yakub amahāp pokot mmaꞌ sigā ma bihing danaw, bay palabay si Isa minnaꞌan ati lingananna sigā duwangan binowa pamulid ma iya. Halam iya angꞌbba min si Isa sampay ni katoꞌana.
Nihakaꞌan kitam eꞌ si Yahiya bang ai sababanna angkan tasulat eꞌna jūd itu. Ya mohotna subay magkahagad aꞌa kamemon in si Isa bꞌnnal Anak Tuhan, pinapiꞌitu magpabaran manusiyaꞌ supaya kitam makataꞌuwan Tuhan. Jari sasuku amꞌnnal ma si Isa taga-kallum taptap sampay ni deyom sulgaꞌ.
Aniyaꞌ pituꞌ hinang makainu-inu sinalsila eꞌ si Yahiya ma jūd itu, ati pinahati kitam bang ai toꞌongan hatulan saga hinang itu. Minnēꞌ kitam makatantu in si Isa bꞌnnal-bꞌnnal bay pinapiꞌitu eꞌ Tuhan, pagka tahinang saga hinangna makainu-inu heꞌ. Tuꞌud iya magdakayuꞌ asal maka Mmaꞌna Tuhan.
Ya niangut eꞌ si Yahiya in aꞌa kamemon subay magkahagad sampay ameyaꞌ ma si Isa, sabab saddī min si Isa halam aniyaꞌ labayan pasampayan sigām tudju ni Tuhan.