Matiyu i

MATIYU

Pahati Pasal Jūd itu

Ya bay anulat būk itu si Matiyu, dakayuꞌ mulid si Isa min kasangpūꞌ maka duwa aꞌa ya tapeneꞌ eꞌna boꞌ tahinang aꞌa kawakilanna magnasihat Lapal Ahāp. Tagnaꞌ, si Matiyu itu bay magāꞌ sukay ma parinta Roma, sagōꞌ paglingan si Isa ma iya, niꞌbbahan eꞌna hinangna boꞌ ameyaꞌ ma iya. Bangsa Yahudi asal si Matiyu, maka aheya pagkaꞌinagonna ma pagkahina Yahudi.

Tasulat eꞌna jūd itu pamahati saga aꞌa bangsa Yahudi pasal si Isa in Al-Masi, ya bay pinagsulat na paꞌin eꞌ saga kanabi-nabihan min masa awal lagiꞌ. Angkan aholat saga Yahudi ma waktu kapiꞌitu Al-Masi angaliyusan sigām min kasigpitan. Sagōꞌ nggaꞌi ka bangsa Yahudi sadja ya minaksud ma būk itu, sampay saga manusiyaꞌ kamemon minsan ai bangsa.