Yunus i

YUNUS

Pahati pasal Jūd itu

\it Ya itu salsila pasal aꞌa Yahudi niōnan si Yunus. Nabi asal iya, aꞌa sinōꞌ amasampay palman PANGHŪꞌ-Yawe ni manusiyaꞌ. Malaingkan aniyaꞌ waktu kagagga si Yunus ma panohoꞌan PANGHŪꞌ. Bay iya sinohoꞌ magnasihat pehēꞌ ni Daꞌira Niniba, ya dī daꞌira bangsa Assiriya. Sagōꞌ mbal bilahi si Yunus sabab abisa pagbanta bangsa Assiriya maka bangsa Yahudi, mbal toꞌongan tapagkahāp. Ajahulakaꞌ makalanduꞌ saga Assiriya.

Ya kahanggawan si Yunus, kalu niampun saga aꞌa Niniba pagkale sigām ma lapal si Yawe. Papuꞌutta na, palabay paꞌin saga pakaradjaꞌan ahāp-alaꞌat, bineyaꞌ eꞌ si Yunus panohoꞌan Tuhan. Ninasihatan saga aꞌa Niniba pasal mulkaꞌ Tuhan ati magsusunan na. Sagōꞌ mbal kasulutan si Yunus, gom paꞌin apꞌddiꞌ atayna maka alaꞌat pamaihuꞌanna.

Tataꞌutam min jūd itu pasal kapagbayaꞌ Tuhan ma kamemon bay tapapanjari eꞌna. In iya Tuhan patilasahun maka patiaseꞌun, sakap angampun maka angalappas ma manusiyaꞌ kamemon, minsan sigām amantahan saga aꞌa sukuꞌna.