Kalangan i

KALANGAN

Pahati pasal Jūd itu

\it Ya itu Jūd Kalangan maka Panganduwaꞌa saga aꞌa sukuꞌ Tuhan min awal lagiꞌ sampay ni kabuwattituhan. Nabi Daꞌud ya bay magtarasul kahekaꞌanna, saguwāꞌ aniyaꞌ isab aꞌa saddī bay palamud. Ma tagnaꞌanna in kalangan itu halam bay tasulat, hal nientom maka kinalang. Saguwāꞌ palabay paꞌin patahunan taguna eꞌ bangsa Israꞌil pamudji sigām ma PANGHŪꞌ ati pinapagtimuk nihinang būk boꞌ pinabatuk ni Kitab Jabul.

Magginis saga tarasul ma deyom Jūd itu. Aniyaꞌ kalangan pamudji maka pananglit Tuhan, aniyaꞌ kalangan pangamuꞌ tabang eꞌ aꞌa kasigpitan, aniyaꞌ kalangan pangamuꞌ kaꞌampunan eꞌ aꞌa taga-dusa, aniyaꞌ kalangan pagsukulan ma sabab kahāpan min Tuhan, aniyaꞌ isab panganjunjung bang paꞌin minula saga palbantahan.

Aniyaꞌ ma jūd itu saga duwaꞌa ya tōp niusul eꞌ aꞌa dangan, aniyaꞌ tōp pinagsambahayang eꞌ katibuꞌukan bangsa Israꞌil.

Takalang saga kalangan itu eꞌ si Isa, tasambat eꞌ saga aꞌa bay anulat Kitab Injil, maka tapagguna eꞌ saga palhimpunan Almasihin min waktu tagnaꞌ sampay ni llaw itu.