10
Kabantugan si Murdikay
1 Na, bay amabayad buwis sultan Serses ma kamemon saga paglahat ya beyaꞌ ma pagsultananna, sampay ni saga lahatna katapusan alawak. 2 Kamemon kahinangan ya tahinang eꞌ sultan itu min kosogna maka min gaꞌosna, maka salsila pasal kapamalangana ma si Murdikay maka kabantugan ya pamuwan ma iya eꞌ sultan, na, waꞌi tasulat ma kitab pagsusulatan sultan, ya panulatan saga kahālan ma kasultanan bay ma lahat Persiya maka Midiya. 3 Si Murdikay ya pasunuꞌ langana ni sultan Serses, maka in iya katapusan alanga ma bangsana Yahudi. Landuꞌ toꞌongan iya pinagaddatan eꞌ saga pagkahina Yahudi sabab atukid iya angahinang kahāpan ma sigām. Aheya isab pagkaꞌinagonna ma sigām magtubuꞌ-manubuꞌ.