KALANGAN
1
JŪD KALANGAN
Palbahagiꞌan Kitab Jabul
Kalangan 1
1 Aheya kahāpan ma aꞌa
sasuku mbal ameyaꞌ garaꞌ min aꞌa jahulakaꞌ,
sasuku isab mbal paseheꞌ ma aꞌa pangandusa.
Mbal iya palamud ma saga aꞌa ya angandaliꞌit Tuhan,
2 saguwāꞌ kahōpan iya ma saraꞌ ya panohoꞌanna ma manusiyaꞌ.
Ya heꞌ kinannal eꞌna llaw-sangom.
3 Aꞌa inān saliꞌ sapantun kayu tinanom ma bihing sapaꞌ,
ya amuwan buwaꞌ ma musimna du.
Minsan painay mbal pakꞌllos dahunna.
Ai-ai hinangna, ahāp sadja tungbasna.
4 Malaingkan saga aꞌa jahulakaꞌ mbal buwattēꞌ.
Sapantun sigām hampaꞌ pai ya tabowa paleyang eꞌ baliyu.
5 Ya heꞌ sababna angkan saga aꞌa jahulakaꞌ
mbal makaraꞌawa bang taꞌabut nihukum,
mbal isab pinalamud ma sasuku abontol atayna tudju ni Tuhan.
6 Saga aꞌa abontol niayura na paꞌin eꞌ PANGHŪꞌ-Yawe,
sagōꞌ saga aꞌa jahulakaꞌ alaꞌat sadja katꞌkkahan sigām.