Rūt i

RŪT

Pahati pasal Jūd itu

Tasalsila ma jūd itu pasal dakayuꞌ dꞌnda bangsa Mowab niōnan si Rūt (‘Ruth’ ma bahasa Ingglis), ya bay makahꞌlla ni lꞌlla bangsa Israꞌil ma waktu saga maghuhukum ya amarinta ma paglahat Israꞌil. Pagpatay hꞌlla si Rūt, kapaꞌndaꞌan eꞌna kabogbogna ma matoꞌana dꞌnda ma sabab kahogot pagtaꞌatna ma Tuhan ya pagtuhanan bangsa Israꞌil. Mahuli minnaꞌan makabāk iya pagholaꞌ pabīng min kampung du bay hꞌllana. Jari ma pasal kapagpūn itu, tahinang si Rūt mboꞌ tuꞌut si Daꞌud, ya sultan babantugun ma Israꞌil.

\it Amintāng kitam min saga salsila ya tasulat ma Jūd Maghuhukum pasal kasusahan ya tumaluwaꞌ ni saga aꞌa sukuꞌ Tuhan bang sigām pataikut min iya. Saguwāꞌ kapanduꞌan kitam ma salsila si Rūt pasal kahāpan ya pinatꞌkkahan dꞌnda bangsa liyu pagka papinda magkahagad ma PANGHŪꞌ-Yawe ya pagtuhanan bangsa Israꞌil.