MAGHUHUKUM
Pahati pasal Jūd itu
Tasalsila ma Jūd Maghuhukum itu kahālan kabangsahan Israꞌil ma waktu halam aniyaꞌ pagnakuraꞌan sigām tantu. Saga mpat hatus tahun tꞌggolna, tinagnaꞌan min waktu katꞌkka sigām ni lahat Kanaꞌan maka kamatay si Yussaꞌ, sampay ni waktu kapagsultan si Saꞌul. Ya sinalsila maitu saga aꞌa babantugun ya niōnan ‘maghuhukum’, sagōꞌ ya kahekaꞌan sigām aꞌa ataꞌu magbonoꞌ. Si Samson ya landuꞌ abantug ma saga maghuhukum itu, tabassa salsilana ma Bāb 13-16. Aniyaꞌ panduꞌ landuꞌ ahāp ma jūd itu, hatina in bangsa Israꞌil mbal makatatas luwal bang sigām angisbat Tuhan magatay poteꞌ. Bang sigām angꞌbba min Tuhan sumiyan-sumiyan, tiyap-tiyap sigām magnikalaꞌatan. Malaingkan aniyaꞌ panduꞌ paliyu lagiꞌ minnēꞌ, hatina minsan pataikut bangsa Israꞌil min Tuhan boꞌ pinataluwaꞌan balaꞌ, bang sigām gantaꞌ pabīng angisbat, tantu sigām tinaimaꞌ eꞌna.