Zeezi Nɩtʋmɛ
Wɩ'allɛ
Púle
1
1 Ŋ naŋnɔ́ŋɔ Teyofil,
Ŋ dʋ́ŋdʋ́ʋ̃́ kɛnɔ ná ŋ há pʋ́ŋsɛ́ sɩɛrʋ, ŋ máŋsɛ Zeezi* há púlú tʋtʋmɛ́, a a wɩ́ɛ́ ná wuu arɩ́ wɩ́ɛ́ ná wuu ʋ há kármɛ́,
2 a kaá ja tápʋl ná ʋ há zɩ́ Wɩɩsɛ rɩ́, bána nyúú.
Ká rʋ́ʋ́ sɩɛ́ zɩŋ zɩ́ bána, ʋ tɩ́ŋ Wɩɩsɛ Sabɩɩna* dóé mí, a máŋsɛ wɩ́ɛ́ ná ʋ nɩtʋmɛ́* ná ʋ há tʋ́ɔ́sɛ́, há mɔhɛ̃́ rɩ́wɔ́ a.
3 Ʋ há bɩ́rɛ́ isi sʋʋ mɛ́, tápʋlɛ mɛɛ́sɛllɛ pɛ́kɛ, ʋ kenú tɩɩ cáánʋ́ nɩtʋmɛ́* ná, naasɩ́ ɛrɛ́, á makɛ rɩ́wɔ́ zɩŋ rʋ́ʋ́ nɛ́ ɓɩɛ́na, ká bʋl Wɩɩsɛ kuótɔ́ɔ́ ná wɩ́ɛ́ a pɔ́wɔ́.
4 Kal oro rí sɩɛ́, ʋ rɩ́wɔ́ ké aá dí ɓɩɛ, ɛ́ nɛ́ ʋ bʋ́lwɔ́ rɩ́ bʋlɛ́:
«Ɩ́ sɩ́ Zerizalɛmɛ* mɛ́ lɛ́, amá ɩ́ dɛllɛ Ana Wɩɩsɛ nʋtálɔ* zilé*f1* ná, ʋ ná wɩ́ɛ́ ŋ há bʋ́lɛ́ pɛ́ɩ́wa.
5 Zaŋ* kéŋ nɩɛ muŋsi nyii mí, amá rɛɛ́ rɩ́ tápʋlɛ mʋɔ́, Wɩɩsɛ Sabɩɩna sɩ́ súíwa a waalɛ.»
Zeezi zɩ́ bána
6 Ɛ́ nɛ́, Zeezi rɩ́rʋ́ nɩtʋmɛ́ ná há kéné, ɓa sɩɛ́ bɔ́sʋ́ bʋ́lɛ́:
«Nyuutɩna, ɛ́ tɛ́ŋ mɛ́ nɛ́ ɩɩ́ ja rɩ́ɩ́ a, rɩ́ Ɩzɩrayɛl duo* nɩɛ bɩrdí kuorí?»
7 Ɛ́ nɛ́ Zeezi bʋ́lwɔ́ rɩ́ bʋlɛ́:
«Ɩ́ wɩ tápʋlɛ ná Wɩɩsɛ háá á rʋ́ʋ́ tʋŋ wuó zɩŋ.
Ana nɛ́ kéŋ tíŋ, ʋ dʋŋɔ nɛ́ ɩ̃́wɔ́.
8 Amá Wɩɩsɛ Sabɩɩna sɩ́ túwíwa nyúú, rɩ́ɩ́wa ná dóé, a áŋ dáŋsɩ́ɛ́ nɩ́ɛ́, a bʋ́lɩ́ŋ wɩ́ɛ́, a de púl Zerizalɛmɛ mɛ́, a lɩɩ zʋ Ziide dɩtɩ́llɛ, a zʋ Samari* dɩtɩ́llɛ, a kaa mʋ́ yakɛ dúníé kíŋkere wuu mí.»
9 Zeezi há bʋ́l ɛ́ ko tenni, ɓa nóú rʋʋ ísó zɩ́zɛ́ bána rɩ́, ká ɓa cɩ́ aá bel; duóbána de ko tɔ́ʋ́ mɛ́, ɓa báá wʋ́ʋ́ ná.
10 Ɓa há báŋɛ́ aá bel bána rɩ́ fíéfíé, Zeezi zɩ́nɛ ná mɛ́, rɩ báála bɛllɛ nɛ́ sú gɛpʋŋsɛ, a ko lɩ́wɔ́ mɛ́,
11 a bʋlɛ́:
«Galiile* nɩɛ, beé rí tɛ ɩ́ cɩ́ a báŋ aá bel bána rɩ́ nyɛ?
Zeezi né há lɩ́ɩ́wa sɩɛrʋ, a tɩŋ ɛ́ ná zɩ́ bána nyúú, ʋʋ́ á rʋ́ʋ́ tɩŋ ɛ́ nɛ́ bɩrko.»
Zeezi nɩtʋmɛ́ bɩ́rɔ́ mʋ́ Zerizalɛmɛ
12 Ɛ́ nɛ́ Zeezi nɩtʋmɛ́ ná lɛ paalɔ ná, ɓa háá yɩ́rɛ ólívi* tuuni paalɔ, a bɩrmʋ́ Zerizalɛmɛ.
* A pɔ́ ɛ́ paalɔ dɩhɩ̃́ káá mʋ́ Zerizalɛmɛ, ʋ ból pérí kííló balá.
13 Ɓa há mʋ́ɛ́ peri Zerizalɛmɛ, ɓa zɩ́ jɩtúko ná ɓa há válɛ́ aá céŋ náŋá ráŋ.
Ɓa ɛ́ nɩɛ nɛ́ fa ká:
Pɩɛrɛ* rɩ́ Zaŋ* rɩ́ Zakɛ* rɩ́ Aŋdɩrɩ rɩ́ Filipi rɩ́ Toma rɩ́ Bartelemi rɩ́ Matie rɩ́ Alfe bio Zakɛ, rɩ́ kajáŋtɩɩnɔ Sɩmɔŋ* arɩ́ Zakɛ* bio Ziidi.
14 Ɓa ɛ́ nɩɛ wuu, arɩ́ Zeezi maá Maari* rɩ́ Zeezi maábɛlɛ, ɓa nɛ́ tʋ́ŋ nʋɔ mɛ́, a vaa céŋ náŋá ráŋ aá cʋɔlɛ Wɩɩsɛ.
Ɓa lɩ́sɛ nɛ́ŋ rʋ́ʋ́ la Zɩdaasɛ nyúú mí
15 Tápʋl oro rí, nɩɛ ná há lá Zeezi wɩ́ɛ́ dí, sɩɛ́ ko hé náŋá mɛ́:
ɓa nɩɛ pérí zɔlɔ rɩ́ mɛrɛ́; ɛ́ nɛ́ Pɩɛrɛ isi cɩ́ dahá, ɓa sɩ́sɩ́ɛ́nnʋ́wa a bʋlɛ́:
16 «Maábináŋa, Wɩɩsɛ Sabɩɩna há tɩ́ŋ kuózeno Davidi* nʋɔ mɛ́, a la sɩ́ɛ́ bʋl Zɩdaasɛ* ná há kéŋ Zeezi pá nɩɛ wɩ́ɛ́ ɛ́, Wɩɩsɛ Kɛnɔ sɩɛrʋ, ʋ mɔhɔ̃́ rɩ́ ɛ́ tʋŋ.
17 Zɩdaasɛ fa kárá nɔ́ŋɔ nɛ́, á wuu tʋtʋmɩ́ balá.»
18 Zɩdaasɛ há á wɩ́bɔŋ ná ɓa túmú meéwí ná, ʋ pí ɛ́ meéwí a yɔwɛ tíé; ráŋ nɛ́ ʋ lɩɩ ɓal pɩsɛ, ʋ sɩɛrʋ ɓɩɛ wuu lɩɩ pɛ́.
19 Zerizalɛmɛ nɩɛ wuu nɛ́ ɛ́ wɩ́ɩ́, a pá ɛ́ tíé yɩr ɓa liŋó mí bʋlɛ́: «|iAkɛldama|d», ʋ mʋ́l nɛ́ ká cɛ́l tíé.
20 Anɛ ɛ́ Davidi há pʋ́ŋsɛ Yɩɩla* kɛnɔ sɩɛrʋ bʋlɛ́:
«Wɩɩsɛ sɩ́ a rʋ́ʋ́ jaa bɩrmɛ zɩɓoó,
rɩ́ nɛ́ŋ wuu sɩ́ ráŋ zʋ́.»
A baa pʋ́ŋsɛ bʋlɛ́:
«Ká rɩ́ nɛ́ŋ nɔ́ŋ lɔ́ʋ́ nyúú mí, aá tʋŋ.»
21,22 «Ɛ́ wɩ́ɛ́, ʋ mɔhɔ̃́ rɩ́ nɛ́ŋ lɔ́ʋ́ nyúú mí, a pɛ́rá mɛ́ dí Nyuutɩna Zeezi sʋʋ mɛ́ bɩr'isé dáŋsɩ́ɛ́.
Ɛ́ nɛrɔ mɔhɔ̃́ rʋ́ʋ́ a nɩɛ ná fa há tɩ́ŋrá mɛ́, tɛ́ŋ ná mɛ́, á rɩ́ Nyuutɩna Zeezi fa háá gʋɔrɛ tɔ́nɛ, a púl Zaŋ há kenú muŋsi nyii mí, a kaá ja kal ná ʋ há lɩ́rá sɩɛrʋ zɩ́ bána, ɓa nɔ́ŋɔ nɛ́ mɔhɛ̃́.»
23 Ɛ́ nɛ́ ɓa makɛ nɩɛ bɛllɛ:
nɔ́ŋɔ yɩr nɛ́ Zɔzɛfɛ,* ɓaá yɩ́rɛ Barsabasɛ, ɓa kaá yɩ́rɛ Zisitisi, nɔ́ŋɔ má yɩr nɛ́ Matɩyasɛ.
24 Ɛ́ nɛ́ ɓa wuu cʋɔlɛ Wɩɩsɛ a bʋlɛ́:
«Nyuutɩna, ɩ nɛ́ há ɛ̃ nɩɛ wuu sabɩŋsɛ, makɛ párá, ráá zɩŋ báála nyáŋ bɛllɛ pɛ́kɛ, ʋ ná ɩ há lɩ́sɛ́,
25 rʋ́ʋ́ la Zɩdaasɛ nyúú mí a ɛ́ɩ́ nɩtʋmɩ́, a tʋŋ tʋtʋmɩ́ ná Zɩdaasɛ há vɛ́ɛ́ tá, ká mʋ́ʋ́ dɩmʋ́ɩ́.»
26 Ɛ́ nɛ́ ɓa yo bíé, Matɩyasɛ dí, ɓa kánʋ́ súúri Zeezi nɩtʋmɛ́ fí rí oro ná mɛ́.