Zerizalɛmɛ nɛ́ ka tɛŋfɩɛ́l tɔ́ɔ́ \ Duo nɩɛ wuu sɩ́ gɩ́ŋ ko Zerizalɛmɛ
4
1 «Kál rɩ́ɩ́ kué,rɩ́ Nyuutɩna Wɩɩsɛ jaa paalɔ ná
isé kɩ́llɛ pallɛ wuu,
ʋ ise sɩ́ kɩ́llɛ dúŋduóme.
Ɛ mɛ́ nɛ́ sɩɛ́ rɩ́ duowa nɩɛ fá kóó rí.
2 Dukana sɩ́ ko róŋ,
ɓa sɩ́ bʋ́lɛ́: «Ɩ́ ko rá zɛ́,
Nyuutɩna Wɩɩsɛ paalɔ,
Zakɔbɛ Wɩɩsɛ jaa!
Ʋ haá já ráá ɔ́ʋ́ ná,
ʋ sɩ́ púú a kármɩ́rá,
ráá tɩŋ ŋmɛ́nɔ ná
ʋ há sɩ́ makɛ a párá.»
Beé wɩ́ɛ́, Nyuutɩna Wɩɩsɛ karmɛ́
á rʋ́ʋ́ mɩŋ Sɩɔŋ mɛ́ nɛ́,
ʋ wɩ́bʋlɛ́ á rɩ́wɔ́ lɛ́ Zerizalɛmɛ nɛ́
a pérírá.
3 Ʋ sɩ́ a sarɩ́yadííro,
tɔ́kana nɩɛ pɛ́kɛ,
ʋ nɛ́ sɩ́ kɩ́ɛ́lɛ tɔ́bole rɩ́ tɔ́tɛ́sɩ́ɩ́wa nɩɛ wuu mí.
Ɓa sɩ́ píwó tókówíé ná,
a luki (bɩrmɛ́) deréwa,
ká píwó cɔlma,
a luki (bɩrmɛ) sikɔ́rsɛ.
Tɔ́ɔ́ rɩ́ tɔ́ɔ́ pɛ́kɛ,
nɛsɛ báá waá a rʋ́ʋ́ mɩŋ, rɩ́wɔ́ ka tókowié ɓɔ́ a cɛ́ náŋá mɛ́,
nɛ́ŋ baá waá a rʋ́ʋ́ gʋnnɛ lal yóé.
4 Nɛrɔ wuu sɩ́ pɩ́parʋ́,
vínyii rɩ́rʋ́ piro baka,
tɛŋfɩɛ́l sɩɛrʋ,
nɛŋ wáá a rʋ́ʋ́ ko walmʋ́ nɔ́ŋɔ.»
Nyuutɩna Wɩɩsɛ, doé wuu tɩ́na Wɩɩsɛ nɛ́ sɛ.
5 Duowa ná naŋá nɩɛ,
cʋ́ɔ́lɩ́wɔ́ venni ní,
amá á é có rá cʋ́ɔ́lɛ Nyuutɩna Wɩɩsɛ,
á Wɩɩsɛ nɛ́, tɛ́ŋ wuu mí.
Nyuutɩna Wɩɩsɛ nɛ́ ká Zerizalɛmɛ kuóro
6 Nyuutɩna Wɩɩsɛ sɛ:
Kal rɩ́ɩ́ kué,
ŋ sɩ́ héŋ nɩɛ ná wuu há pɩrɛ, naŋá mɛ́
rɩ́wɔ́ ná ŋ há kire,
hé yomí gír mɛ́,
kaa ko hé naŋá mɛ́.
7 Ŋ sɩ́ a rɩ́ nɩpɩrɛ́ ná,
mɩ́ŋ tɛŋfɩɛ́l mɛ́,
ká rɩ́ yosi ná má a duo nɩɛ ná, há keŋ doé.
Ŋ é Nyuutɩna Wɩɩsɛ, ŋ tɩɩ nɛ́ sɩ́ nʋ́ɔ́lɩ́wɔ́,
a pɔ́ Sɩɔŋ paalɔ mɛ́,
a púl zaa,
ká kaá mʋ́ wuu.
8 Ɩ é Zerizalɛmɛ dúŋduóŋ,
ɩ nɛ́ fa ká tɔ́yuóli,
nɩɛ gíŋ ko aá yuóli,
ŋ sɩɛ́ sɩ́ a, rɩ́ɩ́ bɩrnɩ̃́ɩ̃́ tesié mí nɩɩ̃́sɔ ná.
Zerizalɛmɛ nɛ́ sɩ́ bɩrɛ a,
dɩtɩ́llɛ ná tɔ́zeno.»
Zerizalɛmɛ laatɛ wɩ́ɛ́
9 Zerizalɛmɛ tɔ́ɔ́ nɩɛ,
bee rɩ́ keniwa ɩ́ cɩ́cáási>>
ɩ́ báá wɩ kúóro kéné rí yaa>>
ɩ́ cɩ́cáánɔ yʋ́ksɔ́ rɩ yaa>>
Ká wɩɩla sɩ́ɛ́ púíwa,
anɛ́ hápuuko luoru háá wʋ́ʋ́ mɛ́.
10 Ɛ́ wɩ́ɛ́, ɩ́ sɩ́ ɔsɛ ná wɩɩla rɩ́ sazɔkɔ kɩŋkaŋ, Sɩɔŋ nɩɛ
anɛ hápuuko luoru háá wʋ́ʋ́ mɛ́ ɛ́,
bee wɩ́ɛ́, tɛ́ŋ pero,
ɓa há sɩ́ kiriwa lɩ́sɛ tɔ́ɔ́ ná mɛ́,
rɩ́ɩ́wa mʋ́ʋ́ mɩŋ gír sɩɛrʋ,
Babɩlɔŋnɛ tɔ́ɔ́ mɛ́.
Róŋ ní sɩɛ́, rɩ́ Nyuutɩna Wɩɩsɛ,
lɛɩ́wa tá ɩ́ dɩŋdɔma nɛ́sɛ mɛ́.
11 Duo duowa sɩ́ ko
hé naŋá mɛ́, rɩ́wɔ́ yóéwa,
a sɩɛ́ bʋlɛ:
«Á zɔkwɔ́ tɔ́ɔ́ ná wer wuu,
ká ráá sɩ́ɛ́ bɛ́llɛ Zerizalɛmɛ tɔ́ɔ́ há zɔkɛ!»
12 Ɛ́ nɩɛ wɩ,
Nyuutɩna Wɩɩsɛ wɩ́jállɛ ɛ̃ nɛ́ tɛ́,
ɓa wʋ́ʋ́ sabɩɩna ɛ̃ nɛ́ tɛ́,
ʋʋ́ ja rʋ́ʋ́ kuriwó ko hé naŋá mɛ́,
anɛ mɩ́záksɛ,
ɓa há pɛ́ɛ́ pú tʋ́ɔ́ sɩɛrʋ rɩ́wɔ́ ŋmɔ́wɛ nɛ́.
13 Zerizalɛmɛ tɔ́ɔ́ nɩɛ!
«Ɩ́ isi dahá a ŋmɔ́wɛ mɩ́ɛ́,
ɩ́ isi, ŋ sɩ́ pɛɩ́wa doé,
anɛ baknɔɔ ná nyɩ́sɛ há nɩhɩ̃́ hɔɔ (a nɛ́ nɔɔ há keŋ hɔ́nyɩ́ɩ́sɛ),
kɔ́ʋ́ nacɩ́ksɛ má anɛ kɔmɔ nacɩ́ksɛ.
Ɩ́ sɩ́ tɩ́ksɛ duowa ɓɩkana,
ká láwɔ́ kuóɓɩɛ a kaa ko páŋ,
ŋ é Nyuutɩna Wɩɩsɛ, há ká tié wuu nyuutɩna nɛ́ tɩ́wɔ́.»
14 Ɛ́ wɩ́ɛ́, mʋ́l né mí,
Zerizalɛmɛ nɩɛ, ɩ́ tuuri cʋ́ʋ́ anɛ yuó há ɓʋ́ɩ́wa mɛ́,
ɩ́ héwa lalyóóre naŋá mɛ́,
bee wɩ́ɛ́, ɩ́ dɩŋdɔma tɔ́ɩ́wa hé rʋ́ʋ́ yóíwa,
ʋ sɩ́ ŋmɔwɛ Ɩzɩrayɛl kuóro tɛ́ŋgbɛlɩ́ mɛ́,
arɩ́rʋ́ deŋduke.