Kuóro á rʋ́ʋ́ lɛ́ Beteleyɛmɛ nɛ́
5
1 «Ɩ é, Beteleyɛmɛ Ɩfɩrata,Nyuutɩna Wɩɩsɛ sɛ,
ɩ ká tɔ́wie rí, taŋa zɩŋ rɩ́ tɔ́zeŋse ná há mɩŋ Ziida dɩtɩ́llɛ má píŋ wɩ́ɩ́ kɛ;
kuóro sɩɛ́ a rʋ́ʋ́ lɩ́ɩ́ mɩ́ nɛ́, a bélíŋ nɩɛ,
Ɩzɩrayɛl duo mí.»
a kaá ja tɛ́ŋ ná mɛ́,
háálɔ ná há sɩ́ lʋl bio ná.
Ká rɩ́ lalnɩkɛsɛ́ ná má nɩkáánɛ bɩrɛ ko,
súúríwó maábináŋa, Ɩzɩrayɛl bɛlɛ mɛ́.
3 Ʋ nɛ́ sɩ́ a sídííro,
há sɩ́ isi nʋ́ɔ́lʋ́ nɩɛ,
a makɛ Nyuutɩna Wɩɩsɛ, ʋ Wɩɩsɛ,
doé rɩ́rʋ́ pɩ́ŋ a pɔ́wɔ́.
Ʋ duo nɩɛ sɩ́ ké tɛ́ŋfɩɛ́l mɛ́,
bee wɩ́ɛ́, duníé kíŋkere wuu nɩɛ sɩ́ zɩmʋ́ doé mʋɔsɔ.
4 Ʋ tɩɩ nɛ́ sɩ́ a tɛŋfɩɛ́l!
«Rɩ Asiiri nɩɛ nɛ́ kué,
góŋ rá tɔ́ɔ́,
a lárá kuójɩɩsɛ,
a sɩ́ tʋ́ŋ penʋɔla balpɛ, arɩ́ kuówɩɛla má córi rɩ́wɔ́ mʋ́ yówó.
5 Rɩ́wɔ́ páwɔ́ lalyórícɩksɛ,
a mʋ́ yó dí Asiiri,
arɩ́ Nɩmɩrɔdɛ,
ka tɩ́llɩ́wɔ́ tɔ́ɔ́.
«Bee wɩ́ɛ́, nyuutɩna tá nʋɔ,
rʋ́ʋ́ sɩ́ lárá tá Asiiri nɩɛ nɛ́sɛ mɛ́,
rɩ ɓa nɛ́ kue daarɩ́rá súsúbʋɔ mɛ́,
a zʋ rɩ́wɔ́ yoo lárá tɔ́ɔ́.
6 Ɩzɩrayɛl bɛlɛ nɩkaanɛ ná, há mɩŋ dukana sɩsɩɛnnʋwa,
sɩ́ nɛ̃ nyɛlɔ, Nyuutɩna Wɩɩsɛ há tɛɩ́ ʋ tuwi,
anɛ duóŋ há ko nyɔ́ɔ́ dahá nɛ́;
ɓa wɩ nibíŋ nyɩɛ́lɛ,
a wɩ ɛ́ nɩɛ saŋɛ́ má dɛllɛ.
7 Ɩzɩrayɛl bɛlɛ nɩkáánɛ ná,
há mɩŋ dukana ná naŋá sɩsɩɛnʋwa,
nɩhɛ̃́ kɩ́ŋkáná há mɩŋ balla sɩɛrʋ nɛ́,
anɛ kɩ́ŋkaŋɓʋl há zʋ́ʋ́ piẽ́ŋse sɩsɩɛnnɩwa,
ʋ dɩdaarɩ́ wuu,
ballɔ ná ʋ há kene,
ʋʋ́ káá cɔ́nnɛ nɛ́,
ká nɛ́ŋ too a kaá lɔ́ʋ́ nʋɔ mɛ́.
8 «Ɩzɩrayɛl bɛlɛ, ɩ́ isi yóewa dɩŋdɔma,
ɩ́ yó ɓʋ́ʋ́sɛ nɩɛ ná wuu há cɩ́nɩ́wa mɛ́,
rɩ́wɔ́ yɩ́r báá sɩ́ yɩ́rʋ́ tíé nyúú!»
Nyuutɩna Wɩɩsɛ sɩ́ a rɩ́ nɩbiine yɩɛlɛ́ a wɩ́yɔɔwa
10 Ŋ sɩ́ zɔkɩ́wa tɔ́ɔ́ tɔ́wɩɛ́lla,
a gínníwó zeŋkɛ́rɛ má wuu.
11 Ŋ sɩ́ zɔkɩ́wa tɩ́ɩ́wa tʋtʋmɛ́ wuu,
vʋrɔ báá wa a rʋ́ʋ́ mɩ́nɩ́wa tɔ́ɔ́ mɛ́,
12 Ŋ sɩ́ gínníwa veŋgulli,
arɩ́rɩ́wa dɔ́wícɔ́ŋsɛ ná wuu,
ɩ́ báá wɩ́ɩ́wa nɛ́sɛ óŋ'aalɛ́ ka, rɩ́ ɓɩ́ɓáárɩ́wɔ́.
13 Ŋ sɩ́ zɔkɩ́wa tɔ́nɛ,
ká cúnníwa dacɔ́ŋsɛ ná ɩ́ háá ɓaarɛ́.
14 Duowa ná nɩɛ há wɩ́ŋ wɩ́bʋlɛ ná saŋɛ́,
ŋ cɔwɩɩlɔ́ sɩɛrʋ, ŋ sɩ́ díŋ tɛŋbuoro ɓa nyúú,
a zɔkwɔ́ wuu.»