Nɩɛ ná háá vɩrɛ nɩɛ wɩ́ɛ́
2
1 Nyúbɔŋ, ɩ́ nɩɛ ná há hé baráwa tɩ́táŋ,aa ja nɩɛ bɔŋbɔŋ ɛɛ!
rɩ́ tɔ́ɔ́ pʋ́lɔ́ wuu, ɩ́ a nɩɛ ɓallɛ ɛ́ baráwa sɩɛrʋ, a tɩ́ŋɩ́wa há kéŋ doé wɩɛ.
2 Rɩ́ ɓa ná nɛrɔ baka a cóllú,
ɓa kaa fóri la;
ɓaá hɩɛ̃nɛ nɩɛ jɩɩsɛ,
a kaa lá, a tɩ́llɩwɔ́;
ɓaá a jɩɩsɛ ná tɩ́náwa vadóé ní,
a láwɔ́ ɓɩ́ɛ́.
3 Ɛ́ nɛ́ tɛ Nyuutɩna Wɩɩsɛ sɛ́:
«Ŋ sɩ́ hé wɩɩla,
duó né nɩɛ nyúú,
rɩ́wɔ́ sɩ́ wólli fóríŋ nɛ́sɛ mɛ́,
rɩ hɩɩ̃sɛ káŋwɔ́ rɩ́wɔ́ báá sɩ́ wólli ka nyúú rɩ́ ɓɔ́ má tɩɩ,
bee wɩ́ɛ́, tɛ́ŋ ná haá kué sɩɛrʋ,
ʋ sɩ́ a wɩɩla tɛ́ŋ.»
4 Ɛ́ tɛ́ŋ mɛ́, zeŋbi né ní
rɩ́wɔ́ ɓá pɛɩ́wa a bʋlɛ:
«Ɓa piésírá ɓɩɛ wuu ní,
á nɩɛ báá wɩ tíé kene,
dɩŋdɔma lɔ́ʋ́,
a kaa ɓa náŋá.
Bee rɩ́ tɛ dɩŋdɔma wólli tʋŋ nyɛ, a lárá ɓɩɛ wuu>>
5 Ɛ wɩ́ɛ́, Nyuutɩna Wɩɩsɛ nɩɛ nɛ́
sɩ́ bɩrɛ ka tíé ná ɓa naŋá,
ɩ́ oro wuu sɩ́ɛ́ waá a rʋ́ ka ker róŋ.
Nyɩɛrʋ wɩ́laabʋlla wɩ́ɛ́
6 Naŋá bʋlɩ́ŋ rɩ́ a bʋlɛ:
«Tá, ɩ wɩ́yɔ́ɔ́wa ná, ká báá sɩ́ wɩ́ɩ́ bʋlʋ́,
báá sɩ́ bʋlʋ́ anɛ wɩhála rɩ mɩnɛ́ aá ko, rʋ́ʋ́ dírá.
7 Zakɔbɛ duo nɩɛ sɩ́ wólli bʋl nyɛ́>>
Nyuutɩna Wɩɩsɛ bʋra dí Ɩzɩrayɛl nɩɛ rɩ́ yáá>>
Nyuutɩna Wɩɩsɛ nyamma tenno rí ɓóó>>
Nyɛ nɛ́ Nyuutɩna Wɩɩsɛ vaá tʋ́ŋ>>
Amá rʋ nɛ́ kaŋ é, ŋ wɩ́bʋlɛ
sáŋ nɩɛ ná há cɩ́nɛ tɩ́kɛ taŋá sɩɛrʋ nɛ́.
8 Ka ɩ́ é rí, Nyuutɩna Wɩɩsɛ sɛ:
Ɩ́ die fa píŋ nɩɛ nɛ́ makɩ́wa dɩŋdɔma.
Ɓa nɩ́ɛ́ ná há bɩrɛ lɛ́ lal dɩ́yóé aá ko rɩ́ yarda,
ɩ́ keŋwó kóótiwa (lalgɛnnɛ) wurki,
ká táwɔ́ ɛɛ.
9 Ɩ́ kíríŋ nɩɛ háála lɩ́sɩ́wɔ́ jɩwere mí,
ká tɩ́llɩ́wɔ́,
aá la bárka ná ŋ há pɔ́wɔ́ bɛlɛ tɛ́ŋ wuu mí.
10 Ɛ wɩ́ɛ́, ɩ́ isi lɛ́ tɔ́ɔ́ ná mɛ́,
ʋ báá tó (dɩkeni) dɩfɩ́ɛ́lɩ́!
Bee wɩ́ɛ́, ɩ́ wɩ́'állɛ ɔ́ɔ́ tɔ́ɔ́ ná zʋ busunnu,
ɛ́ wɩ́ɛ́, wɩɩla há duki nɛ́sɛ nɩ́ɩ́ dɛ́llɩ́wa.»
11 Ká ɩ́ naŋá ha pɩrɛ baŋcɩla,
a nyɛ́ nyɩɛrʋ bʋlɛ́:
«Ɩ́ sɩ́ ná dɩvɛ́ŋ, rɩ́ sɩduoru wuu ní aá nyɔ!»
Ɛ́ nyɛtɩɩna wɩ́laabʋlla nɛ́ sɩ́ tɛl ɛ́ jamáŋ.
12 Nyuutɩna Wɩɩsɛ sɛ:
Zakɔbɛ duo nɩɛ,
Ɩzɩrayɛl nɩkaanɛ,
ŋ sɩ́ héwa wuu naŋá mɛ́.
Ŋ sɩ́ kíriwa wuu ko hé naŋá mɛ́,
anɛ piẽ́ŋse há mɩ́ŋ petuu sɩɛrʋ,
anɛ nɛsɛ ɓa há lɛ́lɛ́ hé náŋá mɛ́ ɓaá di nyɔ́ ɛ́.
Ŋ sɩ́ héwa naŋá mɛ́, rɩ́ tɔ́ɔ́ ná wuu a nibiine kʋɔllɛ.
13 Nyuutɩna Wɩɩsɛ, ɩ́ Wɩɩsɛ tɩɩ nɛ́ sɩ́ lɛɩ́wa sɩ́ɛ́,
ʋ tɩɩ nɛ́ sɩ́ mɩnɩ́wa sɩ́ɛ́,
ʋ nɛ́ sɩ́ wuri ŋmɛ́nɔ,
a kanɩ́ɩ́wa daarɛ.»