1
1 Ná, Nyuutɩna Wɩɩsɛ wɩ́bʋlɛ ná, ʋ há bʋ́lɛ pá Miise há lɛ́ Mɔrɛsɛtɛ. Ziida kuóre Yotamɛ, rɩ́ Akazɛ, arɩ́ Ezekiyɛl tɛ́ŋ mɛ́ nɛ́ ɛ́ liŋo tɛ; Nyuutɩna Wɩɩsɛ tɩ́ŋ wɩ́náálɛ mɛ́, a makɛ Samari, rɩ́ Zerizalɛmɛ tɔ́ɔ́ wɩ́ɛ́ pá Miise.Nyuutɩna Wɩɩsɛ gaasɛ wɩ́ɛ́ ʋ nɩɛ nyúú
2 Ɩ́ zesi, duó wuu nɩɛ!
Tíé nyúú (onni) óŋhiẽ́se, ɩ́ zesi!
Nyuutɩna Wɩɩsɛ mɩnʋ́ jaa mɛ́,
a tuwi tíé,
aá va pallɛ nyunni.
4 Ʋ naasɛ mʋ́l, pallɛ mʋ́ʋ́nɔ́ anɛ táŋgbáŋ, nyii sɩɛrʋ,
polnaasɛ hɩl anɛ́ níŋ há mɩɛ́rɛ kél,
dúŋduóme bɩrmɛ tíŋtélli,
anɛ́ nyii há palɛ́ cɩ́ɩ́rɛ dúŋduóŋ ɛ́.
5 Wɩ́ɛ́ nyáŋ wuu lɛ́ Zakɔbɛ duo nɩɛ kéké ní,
a lɛ Ɩzɩrayɛl nɩɛ há á wɩ́bɔma ná,
ɛ́ nɛ́ tɛ wɩɩla ko.
Áŋ rɩ́ yíkí Zakɔbɛ dunɩɛ nɩɛ hé wɩbɔma sɩɛrʋ>>
Samari nɩɛ ra wɩ ɛ́ tʋmɛ́ rɛ́ɛ́>>
Áŋ rɛ pɔ́sɛ́ Ziida nɩɛ hé venni ɓaarɛ mɛ́ >>
Zerizalɛmɛ nɩɛ ra wɩ ɛ́ tʋ́mɛ́ rɛ́ɛ́ >>
6 Ɛ́ nɛ́, Nyuutɩna Wɩɩsɛ sɛ́:
Ŋ sɩ́ a rɩ́ Samari tɔ́ɔ́ bɩrmɛ́ tɩ́ŋtéle,
rɩ́wɔ́ pii cɔ́ŋsɛ víínyiwa dʋŋɔ róŋ;
a a rɩ́wɔ́ pɔ́ʋ́ dɔ́wʋ́ɔ́ a dɩŋ polo, ká rʋ́ʋ́ mʋ́l nyɩɩsɛ.
7 Ɓa sɩ́ ŋmasʋ́ venni wuu céŋŋi,
ká pa satɔ́rɩ́pállɛ ná wuu ɓa há kene ko pɔ́ʋ́,
a hé níŋ mí;
ŋ sɩ́ a rɩ́wɔ́ búksú wɩ'máálɛ ná wuu,
bee wɩ́ɛ́, ɓa mɛ́ nɛ́ ɓa cɔ́rmɛ lá meewíé, a pii máwɔ́,
ɛ́ meewíé nɛ́ sɩ́ɛ́ sɩ́ bɩrɛ túŋ ɛ́ nɩcɔ́rma náŋa.»
Wɩɩla dí Zerizalɛmɛ
8 Ɛ nɛ́ tɛ́, ŋ é Miise mɩŋ wííle rɩ́ hiiné mí,
a vɛ gɛrɔ sui, a vɛ natɔɔsɛ hé, ká ka tɛŋɓɩla rɩ́ nayɔ́ɔ́wa aá va.
a mɩŋ wííle mí, anɛ́ zɔɔ,
káá hiini anɛ́ baka kolokolo ná ɓa háá yɩrɛ otirisi (bʋŋdɛ́ŋʋ́).
9 Bee wɩ́ɛ́, Samari wɩɩla zeno, a wɩ luri kené!
Ɛ́ wɩɩla zʋ Ziida tɔ́ɔ́ má,
a mʋ́ peri Zerizalɛmɛ dannʋʋsɛ; a zʋ aá walmɩ́ŋ nɩɛ ná há mɩ́ŋ róŋ.
10 Gatɛ tɔ́ɔ́ sɩɛrʋ,
ɩ́ sɩ́ ɛ́ labáárɛ wɩ́ɛ́ bʋ́lʋ,
ɩ́ sɩ́ sɩ́mɩɩrʋ bɩ́sʋ́,
Bɛtlɛyafɩra tɔ́ɔ́ mɛ́,
ɩ́ pa kuŋkulo bʋ́kɩ́wa tɩɩ,
bee wɩ́ɛ́ sazɔkɔ nɛ́.
11 Safiri tɔ́ɔ́ nɩɛ,
tɛŋɓɩla rɩ́ hɩ̃ɩ̃sɛ nɛ́
ɩ́ sɩ́ kaa mʋ́ yomí.
Saana tɔ́ɔ́ nɩɛ,
ɩ́ báá wa wuólli lɛ́ tɔ́ɔ́ ná mɛ́,
bee wɩ́ɛ́, Bɛtɛsɛl nɩɛ mɩŋ sazɔkɔ rɩ́ wííle mí,
ɓa báá wɩ tíŋ kene rɩ́wɔ́ ko pɛɩ́wa mɛ́.
12 Héwíŋ zʋ́ Marɔtɛ nɩɛ,
ɓa cɩ́cel, ɓa wér há tenne wɩ́ɛ́,
bee wɩ́ɛ́, wɩɩla ná Nyuutɩna Wɩɩsɛ há tʋmɛ́,
peri Zerizalɛmɛ tɔ́ɔ́ dannʋɔ tenni.
13 Lakisi tɔ́ɔ́ nɩɛ,
ɩ́ héíwa lalyóórítórkowa,
ɩ́ césí Ɩzɩrayɛl wɩ́tɩɛnnɛ ná,
a yiki Zerizalɛmɛ nɩɛ hé bɔŋbɔŋ ɛɛ mɛ́.
14 Ɛ nɛ́ tɛ́, ʋ mɔ rɩ́ɩ́wa lɩ́sɩ́wa tɩɩ,
Mɔrɛsɛtɛ'Gatɛ tɔ́ɔ́ nɩɛ sɩɛrʋ.
Akizibi tɔ́ɔ́ sɩ́ a nyɩɛrʋ dɩhɩ̃́,
a pá Ɩzɩrayɛl kúóre,
15 Ɩ́ má Marɛsa tɔ́ɔ́ nɩɛ,
Ŋ sɩ́ a rɩ́ bɩbar ko yó dííwa,
ká rɩ́ Ɩzɩrayɛl piŋ ná,
mʋ́ mɩŋ Adulaŋ mɛ́.
16 Zerizalɛmɛ tɔ́ɔ́ nɩɛ,
ɩ́ kɛ́ɩ́wa nyúpʋ́sɛ,
a piériwa nyunni rɩ́wɔ́ a pól pól anɛ́ duuni nyúú,
bee wɩ́ɛ́, ɓa sɩ́ kɛ́sɩ́wa bicólé,
a kaa kɛ́kɩ́wa mɛ́, a kaa mʋ́ yomí.