Házoŋ duose
3
(Hazoŋ)1 Ŋ pɩ́nɩ́ŋ gódó daha tɩ́taŋ wuu, aá ɓɩ́ɩ́nɩ́ŋ nɩcólli wɩɛ. Ŋ jɔ́ʋ́ káŋ wʋ́ʋ́ ná. 2 Ɛ́ wɩ́ɛ́ ŋ sɩ́ isi zʋ tɔ́ɔ́ sɩɛrʋ, a gʋɔrɛ ŋmɛ́ŋsɛ rɩ́ dɩjɛlɛ wuu mí a jáŋ nɩcólli. Ŋŋ jɔ́ʋ́ ká wʋ́ʋ́ ná 3 Ŋ mʋ́ɔ́ céŋ síŋtíripɔ́ɔ́ra ná háá gʋɔrɛ tɔ́ɔ́ sɩɛrʋ, a bɔ́sɩ́wɔ́ a bʋlɛ́: «Ɩ́ wɩ́ŋ nɩcólli néé?» 4 Ŋ dáárɩ́wɔ́ mʋɔ̃́, rɩŋ náŋ nɩcólli ná. Ŋ kánʋ́ nɛ́sɛ mɛ́, a wʋ́ʋ́ píéta, ká kánʋ́ mʋ́ŋ maá jaa, a kánʋ́ zʋ dɩpɩ́nɛ ná ʋ há mákɛ́ páŋ.
(Boŋzoŋ)
5 Zerizalɛmɛ tolé, rɩɩ́wa wéró a nɛ wɩɛma ɛ́rá má ɓɛɛ́wa, ɩ́ ló rɩ́ŋ bʋl pɛ́ɩ́wa: Ɩ́ síŋ házoŋ wálmʋ́, ɩ́ sʋ́ʋ́ íllú, rʋʋ nɛ́ waá ja rʋ́ʋ́ isi.
6 «Aŋ rɛ́ ká nɛrɔ né há lɛ́ gɩrbétéke sɩɛrʋ aá ko a nɛ duóbána háá sʋɔrɛ miiri, rɩ́ aŋsaŋsɛ, rɩ́ wísínéwa sɔ́ŋ nyɛ» 7 Ɩ́ ná Salomɔŋ godo ní Ɩzrayɛl bápʋɔsɛ́ sɩɛrʋ bápʋɔsɛ́ mɛɛ́sɩbotoro rɩ́ fí cɩ́kíl. 8 Ɓa wuu ɛ̃ lal yoe, a káŋwɔ́ tókowíé cɛ́; ɓa oro wuu tókowi mɩ́nʋ́ sáma mɛ́, ʋ kaa pɔ́ʋ́ tɩɩ mɛ́ tɩ́taŋ. 9 Kuoro Salomɔŋ ɔ́ɔ́ ɓa cɔ́ kuóɓasa, a púú hé ráŋ kaá va. Ɛ́ ɓasa daasɛ lɛ́ Libaŋ nɛ́. 10 Wárɛ nɛ́ ɓa kaa bɩ́rmʋ́ datérkewa, a ka salmɛ bɩ́rmʋ́ dɩyellí, ká pi gɛfɩɛ̃sɛ jɛ́rʋ́ dɩkéni tɩɩ. Zerizalɛmɛ tolé cáásɔ́ bɩ́rmʋ́ sɩɛrʋ wérí arɩ́ cólle. 11 Zerisalɛmɛ tolé, ɩ́ ko lɩɩbɛ́llɛ kuóro Salomɔŋ. Ʋ cú kuónéŋcú ná ʋ maá há píé pɔ́ʋ́ rʋ́ʋ́ cú, ʋ háálɔ jɛɛ tápʋl nɛ́, ʋ satɔrɔ́ tápʋl.