2
1 Ŋ nɩhɩ̃́ tuu há nyʋ́ típantaŋí sɩɛrʋ fɩl nɛ́, fuo guócɛl fɩl.2 (Boŋzoŋ)
Taŋá, ŋ házoŋ nɩhɩ̃́ tufɩl wero há mɩŋ sɔrʋ túí sɩɛrʋ nɛ́, ŋ házoŋ ká ɛ́nɛ́ tolé sɩɛrʋ. 3 (Hazoŋ
Anɛ tudííli há zʋ́ɛ́ mɩŋ kʋkɔrɔ tuuni sɩ́sɩ́ɛ́nʋwa, ŋ boŋzoŋ nɩhɩ̃́ ɛ́ nɛ́, bápʋɔsɛ́ sɩɛrʋ. Ŋ cóú fɩ́ɛl mʋ́l zʋʋ kéne, ʋ nɔnɔ ŋmɔ́mɔ́ ŋ nʋɔ mɛ́. 4 Ʋ keníŋ zʋ sɩjaa, nyútɔ́lɔ ná há mɩ́nɩ́ŋ nyúú rí, ɓa pʋ̃́sʋ́ daha a bʋlɛ́: «Cólle» 5 Cólle pʋɔlɩ́ nɩ́ keníŋ; ɛ́ wɩ́ɛ́, ɩ́ ka víínyi nɔŋkaasɛ́ ko páŋ rɩ́ŋ dí, ɩ́ ka tunɔnɔ ná ɓa háá yɩ́rɛ pomme, ko páŋ rɩ́ŋ dí a ná dóé. 6 Rɩ́ŋ nyúú sákʋ́ nágʋɔ nɛ́sɛ mɛ́, ká rʋ́ kánʋ́ néduu nɛ́sɛ lɩ́láárɩ́ŋ mɛ́. 7 (Bŋzoŋ)
Zerizalɛmɛ tolé, rɩɩ́wa wéró a nɛ wɩɛma ɛ́rá má ɓɛɛ́wa, ɩ́ ló rɩ́ŋ bʋl pɛ́ɩ́wa: Ɩ́ síŋ házoŋ wálmʋ́, ɩ́ sʋ́ʋ́ íllú, rʋʋ waá ja rʋ́ʋ́ isi.
ŋŋ́ dɛ́llɩ́ŋ boŋzoŋ ní
8 (Hazoŋ)
Ɩ́ zesi, ŋ nɩcólli (boŋzoŋ) nɩ́ɩ́ kué; ʋ nɛ́ file (ɓénné) daarɛ pallɛ rɩ́ díŋduóme aá ko. 9 A nɛ wɩɛma, ɛ́ra má ɓɛwie há ɓéré aá ko. Nóú ní kúé cɩ́ŋ rá zeŋ har rɩ́, a tɩŋ tókóró aá muuli, a nyiili patɩɩ́sa (griyazɛ) mɛ́ aá jáŋ. 10 A bʋl páŋ bʋlɛ: «Ŋ házoŋ, ŋ nɩcólli, isi ko rá col. 11 Tɔ́ɔ́ lɩ́ɔ́, duóŋ cóló, ʋ báá waá ko. 12 Tufɩɩla mɩŋ baksɛ wuu mí, yɩɩla yɩɩ tɛ́ŋ nɛ́; ká á nɩ́nɛ kʋ́sɛ wííle baksɛ mɛ́. 13 Pirnɔnhárwa (káánɛ) wuu fɛ́lɔ́. Viinyi tuuni fɩ́ fɩɩla, ɓa sɔ́ŋ lɩ́lɛ. Ŋ nɩcólli, ŋ házowero, isi ko. 14 Ŋ kuókʋma há mɩŋ bʋ́ɩ́ kúŋkórko mí, a féŋsi bʋɔ sɩɛrʋ, isi ko lɛ rɩ́ŋ néí sɩ́ɛ́, ko lɩɩ bʋl wɩ́ɛ́ rɩ́ŋ nɩ́ɩ́ liŋó, bee wɩ́ɛ ɩ liŋó ŋmɔ́mɔ́, ɩ sɩ́belé ká póí (wéró) 15 (Maá wɩ́ɛ́)
Ɩ́ kɛsɛ hohóíwɩɛla ná háá zɔ́kɩra viinyi tuuni, á viinyi tuuni ná háá fɩ fɩɩla. 16 (Hazoŋ)
Ŋ boŋzoŋ mɩ́nɩ́ŋ wɩ́ɛ́ nɛ́, ŋ má mɩ́nɩ́ŋ boŋzoŋ wɩ́ɛ́ nɛ́.(Ŋ nɛ́ tɩ́ŋ boŋzoŋ, ŋ boŋzoŋ má nɛ́ tɩ́ŋ) Ʋʋ́ nʋ́ɔ́lʋ́ pʋsɛ nyɔ́lɔɔ sɩɛrʋ nɛ́. 17 Rɩ tɔ́ɔ ha wɩ pʋ́lɛ́ rɩ́ pofiɛsa lúlú, rɩ́ tɩ́taŋ bíno nyɩ́ɩ́kɛ, bɩrfáko ŋ boŋzoŋ. Bɩrfá anɛ wɩɛma, anɛ ɓɛwie dúŋduóme daha, a ko.