1
1 Yɩɩla wuu sɩɛrʋ yɩwero ní. Salomɔŋ nɛ́ pʋ̃́sʋ́.
Báálɔ rɩ́ háálɔ náŋá cólle wɩ́bʋlɛ́
2 (Háalɔ liŋó)
Kánɩ́ŋ kormi, a háásɩ́ŋ ɓárɩ́ tɩɩ. Rɩ keníŋ aá laarɛ, ʋ ɛ́ ísíŋ nyúú, a kɩ́llɛ divɛ́ŋ ŋ há nyɔ́ɛ́, 3 ʋ wér kɩ́ɩ́ tʋlaaléwa rɩ́wɔ́ sɔ́ŋ were wuu. Ɩ yɩr sɔ́ŋ wér anɛ tʋlaalé. Ɛ́ nɛ́ tɛ tolwiisi wuu cóllí 4 Cɔ́ŋ nɛ́sɛ mɛ́ a kánɩ́ŋ raá fá col. Ŋ kuóro, kánɩ́ŋ mʋ́ɩ jaa; ráá jʋɔsɛ, ráá wuu bɛllɛ ná wér, ɩ wɩ́ɛ́. Lo ráá kormi náŋá a laarɛ náŋá, ʋ lʋmɔ kɛ dɩvɛ́ŋ lʋmɔ. Tolwiisi kéŋ taŋá rɩ́wɔ́ cóllí. 5 Zerizalɛmɛ tolé, ŋ tɛŋ bíínó, amá ʋ ká lʋ́ká lʋ́ká anɛ pɛ́nɛ ná ɓa há píé nyɛrɛ patɩɩ́sawa a hé kuójɩɩsɛ mɛ́, anɛ kɛŋ nʋ́ɔ́sɩ́ ɓa há kené aá sɔ táŋtɛwa. 6 Ɩ sɩ́ŋ tɛŋ há bíínó nyɛ nɛ́ bélú, wɩɩsɛ nɛ́ ŋmówú ʋ bíri. Ŋ nánʋɔla cɔ́ɛ́ nɛ́ wɩ́ŋ, ɓa a ŋ mʋ́ pɩ́pɔ́wɔ́ viinyi baksɛ, ká wɩ́ŋ tɩɩ víínyi baka mɛ́ bélé. 7 Ŋ nɩcólli tɩɩ, mákɩ́ɩ́ há kení piẽse mʋ́ ráŋ ná ɓaá dí nyɔ́ɔ́ páŋ, mákɩ́ɩ́ há kéŋwó mʋ́ ráŋ ná ɓaá fɩɛlɛ wɔhɔ páŋ. A makɛ rɩ́ŋ sɩ́ mʋ́ʋ́zʋ́ɩ́ náŋatɩ́náwa piẽse sɩɛrʋ anɛ peyéŋŋí. 8 (Penʋɔla)
Háála sɩɛrʋ háwero, rɩɩ nɛ́ wɩ ɛ̃, kírí bʋwiisi a lɩɩ tɩŋ piẽse nabulle, a kaa mʋ́ penʋala lɔkɔ laka rɩ́wɔ́ dí nyɔ́ɔ́. 9 (Boŋzoŋ liŋó)
Ŋ házowerí, ŋ píi aá máŋsɛ Ezipiti kuóro záka rɩ́rʋ́ ɓɩɛra nɛ́. 10 Néí dɩmɛɛ̃́sɛ há sákɩ́ɩ́ tɛ́ŋgbɛ́llɛ mɛ́ ɓa a wér ɛ́. Ɩ baŋ rɩ́rɩ́ baŋziíme cɛ́rɔ́. 11 A sɩ́ cʋɔrɛ salmɛ baŋziíme, a pi wárɛ léŋsi léŋsi a pɛ́ɩ́. 12 (Házoŋ liŋó