27
1 Sɩ́ɩ́ tɩɩ mákʋ́ cíé wɩ́ɛ́;bee wɩ́ɛ́, ɩ wɩ zaa wɩ́koolí ɛ̃.
2 Sɩ́ɩ́ tɩɩ mɛ́ bɛ́, amá ló rɩ́ nɩɛ nɛ́ bɩ́ɩ́ mɛ́;
tɔ́ɩ́ nʋɔ ká rɩ́ nɩhʋɔrɔ nɛ́ bɩ́ɩ́ mɛ́.
3 Dɔ́wɩ́ zíŋ, hɩɛla má zíŋ;
amá nɩcʋʋlɛ́ cɔwɩɩlɔ́ nɛ́ sɩɛ́ kɩ́ɛ̃́.
4 Cɔwɩɩlɔ́ bɔ́mɔ́, cɔwɩɩlɔ dúókó anɛ nyigíro;
amá áŋ rɛ́ wo bánɔnnɩ́ sɩ́ɛ́ aá cɛ́?
5 Ɩ há sɩ́ nɛrɔ wɩ wérí ɛ́ɛ́, ʋ sɩ́ɛ́ mɛ́;
ʋ nɛ́ cícó ɩ há sɩ́ɩ́ cóú, ká táŋŋɩ́ nʋɔ.
6 Rɩɩ naŋnɔ́ŋɔ nɛ́ bʋ́lɛ́ wɩ́ɩ́ mɛ́ má, ʋ há cóí nɩ́ tɛ́;
amá dɩŋdɔmɔ kormé ká nʋŋmɔ́ŋ yɔ́ɔ́ nɛ́.
7 Nɛ́ŋ ná há vɔ́kɛ́, wɩ tʋʋ má tɩɩ ja;
amá losu nɩkanɩ́ é rí, oŋhɔɔ wuu ŋmɔ́mɔ́ nɛ́.
8 Nɛ́ŋ ná há kɛ́kʋ́ tɔ́ɔ́ mɛ́, a mʋ́ dɩbólí aá yɔ́ŋ;
ʋ nɩhɩ̃́ diíwie háá fil, a kɛ́kʋ́ dɛlɔ mɛ́, a mʋ́ dɩbólí aá yɔ́ŋ nɛ́.
9 Nʋtɩɩsɛ́ arɩ́ tʋlaaléwa kéŋ satɔrɔ́;
nannɔnnɩ́ wér má cícó ɩ tɩɩ há cáánɩ́ tɩɩ mɛ́.
10 Sɩ́ɩ́ nannɔ́ŋɔ vɛ́ tá, sɩ́ɩ́ áná nánnɔ́ŋɔ má vɛ́ɛ́ tá,
a sɩ́ɩ́ maábinɔ́ŋɔ rɩ́ɩ́ mʋ́, kal ná wɩ́nɩɩlɩ́ há pérí;
laka nɛrɔ nɛ́ cícó maábinɔ́ŋɔ há mɩŋ dɩbólí mí.
11 Ŋ bio, ja zɩmɛ́ a pɛ́ɩ́ tɩɩ rɩ́ŋ sɩɛrʋ tɔrɛ,
ká rɩ́ŋ wólli lɩ́sɛ nʋɔ nɛ́ŋ ná háá tʋ́ksɩ́ŋ rɩ́.
12 Nɛ́ŋ ná há ʋ́ʋ̃́ tɩɩ kanɛ́, rʋʋ nɛ́ ná wɩɩla rʋ́ʋ́ kó, ʋʋ́ kánʋ́ tɩɩ aá feŋsi ní.
Amá nɩɛ ná zɩmɛ́ há múríwó, ɓa sɩ́ céŋ wɩɩla, a dí wɩɩla.
13 La nɛrɔ ná há cɩ́ naa a dí kɩŋ a pá nɩhʋɔrɔ gɛrɔ,
lɔ́ʋ́ óŋ a bil, ʋ há wɩ háhʋɔrɔ ná ɛ̃ wɩ́ɛ́.
14 Nɛ́ŋ ná há cɔ́ŋ fól a bóklí hóú nɔ́ŋɔ die,
ʋ die ná ká nabɔ́ŋ rɛ́ a pá nɛ́ŋ ná ʋ há pá die.
15 Fɩfɩcuuró háá liŋé, a waá cɛ́ duóŋ kal kóé;
arɩ́ hánɛnaarɔ, ɓa nɛ́ ká balá.
16 Rɩɩ sʋ́ʋ́ sikli, ʋ nɩhɩ̃́ ɩ há sɛ́ poo cɛ́ nɛ́;
ɛ́ rá má ʋ nɩhɩ̃́ɩ́ há já rɩ́ɩ́ gummi nʋnyii ní.
17 Hɔɔ nɩ́ɩ́ sɛsɛ hɔɔ,
nɩbííno níí púrú nɔ́ŋɔ sɩ́ɛ́.
18 Nɛ́ŋ ná háá dɩ́ɛ́sɛ piro, ʋ nɩ́ɩ́ dúú nɔnɔ;
nɛ́ŋ ná háá bélú nɔhɔ̃́ mɛ́, ʋ nɩ́ɩ́ ná píŋ.
19 Nɩbíínó nóú tɩɩ sabɩɩna, ʋ nɔ́ŋɔ sabɩɩna mɛ́ nɛ́;
anɛ nyii há mákɛ́ nɩbííno cuunó aá pɔ́ʋ́ ɛ́.
20 Nɩbííno sɩ́ɛ́ wɩ ɓɩɛ bélé aá vɔkɛ;
anɛ lɛlɛtɔ́ɔ́ arɩ́ tíé mʋ́l há wɩ nɩɛ vɔkɛ́ ɛ́.
21 Níŋ ní ɓa pi aá cʋɔrɛ salmɛ arɩ́ wárɛ aá nówó wér;
amá nɩbííno yɩr há lɩ́ɛ́ a mɔ ɛ́, ʋ píŋ mʋɔsɔ nɛ́.
22 Rɩɩ pí nɩcʋʋlɛ́ rɩ́ mɩ́ɛ́ hé tɔɔ sɩɛrʋ má rɩ́ɩ́ foki;
ʋ cʋ́llɛ ná waá lɛ káá tɔ́ʋ́.
23 Kɩ́ɛ́lɛ weri a zɩ́mɩ́ piẽse nɩɩsɔ;
bélí pʋsɛ mɛ́ wérí.
24 Bee wɩ́ɛ́, kuorí to dɩ́ŋɛ;
ká kuónéŋcú má to wóó wóówa ɓɩpiipáálɛ.
25 Kʋŋ baksɛ nyɔ́, lo rɩ́ nyɔ́lɔɔ nyʋ́nyʋ́;
ká rɩ́ɩ́ kʋɔrɛ pallɛ daha nyɔ́hɩlɛ́.
26 Dɩ́ɛ́sɛ piẽse, a píwó lɔ́ŋ nyɛrɛ gɛnnɛ aá su.
Ká dɩ́ɛ́sɛ bʋŋgboksi má a makɛ rɩ́ɩ́ yɛ́llɛ a yɔwɛ baka.
27 Ɩ bʋmaáwa ɩ́l káŋ sɩ́ mɔ́ɩ́ rɩ́rɩ́ɩ́ jaa nɩɛ
arɩ́rɩ́ɩ́ toltʋtʋnna dɩ́ɛ́sɛ.