Yɩɩla kɛnɔ
Laadí ná
Zuwifa duó nɩɛ yɩɩla arɩ́wɔ́ wɩ́sʋlɔ́wa nɛ́ mɩŋ kɛnɔ né sɩɛrʋ. Nɩbammawa nɛ́ yɩ yɩɩla ná zɔlɔ mɛɛ́sɛllɛ arɩ́ fí (150) ná há mɩnʋ́ sɩɛrʋ, bɩŋsɛ ɓɩkaná sɩɛrʋ. Kɛnnɛ bɔmmʋ́ɔ́ nɛ́ hé náŋá mɛ́.
Ɛ́ yɩɩla wɩ́nyúnni ká bammawa: Naŋá ká Wɩɩsɛ dɛ́nnɛ́ arɩ́rʋ́ ɓáárɛ́ wɩ́ɛ́ nɛ́, naŋá ká ɓaá sʋ́l Wɩɩsɛ nɛ́ rʋ́ʋ́ saŋwɔ́ mɛ́, rʋ́ʋ́ bélwó mí, rʋ́ʋ́ láwɔ́ tá ɛ́ rá má rʋ́ʋ́ héwó suúri. Yɩɩla naŋá má ká ɓaá bárkɛ Wɩɩsɛ nɛ́, ʋ wɩ́wéré wɩ́ɛ́, naŋá má ká ɓaá sʋ́lʋ́ nɛ́ rʋ́ʋ́ bɛ́ŋsɩ́wɔ́ dɩŋdɔma. Nɩbaláwa wɩ́sʋlɔ́ nɛ́ ká náŋa, ká náŋa má a nɩkaná (há hé náŋa mɛ́) wɩ́sʋlɔ́. Yɩɩla ná náŋa ká nɩbaláwa sabɩŋsɛ nɛ́, ká náŋa má a Wɩɩsɛ nɩɛ ná wuu wɩ́jaalɛ́ arɩ́wɔ́ sabɩŋsɛ wɩ́ɛ́.
Yɩɩla ná há mɩŋ kɛnnɛ ná bɔmmʋ́ɔ́ sɩɛnnɛ, á wʋ́ɔ́ wuu tɩ́náwa ɛ̃́, á sɩɛ́ baá wɩ wɩ́ɩ́ ná má há tɛ́ ɛ́ yɩɩla kɛnnɛ a bammáwa ɛ̃́. Yɩɩla ná náŋa kéŋ wɩ́nyúnni ɓa púlé, aá máŋsɩ́wɔ́ naasɛ. Yɩɩla ná ɓɩkaná há mɩŋ dʋŋdʋ́ʋ̃́ kɛnɔ arɩ́ bʋlla ɓɩnɔ́ mɛ́ ká Davidi yɩɩla nɛ́ (yɩɩla 52-65; 67-71). Yɩɩla botoro nyúú mí kɛnɔ ná ká Koore rɩ́rʋ́ náŋá yɩɩla nɛ́ (yɩɩla 42-49; 84-88) ká náŋá má a Azafɛ ɓɩɛ́ (yɩɩla 73-83). Kuóro wɩ́ɛ́ nɛ́ mɩŋ yɩɩla kɛnɔ baná nyúú mí sɩɛrʋ (yɩɩla 93-99). Dɩboli mʋ́ɩ́ arɩ́ bɩrkóé Wɩɩsɛ yɩr mɛ́ (caŋsɛ díí yɩr mɛ́), yɩɩla nɛ́ mɩŋ bɔmmʋ́ɔ́ nyúú mí kɛnɔ ná sɩɛrʋ (yɩɩla 120-134). Kɛnnɛ bɔmmʋ́ɔ́ nyaŋ há hé náŋá mɛ́ a oŋ balá, oro wuu tenne mí, ɓa bɛ́ Wɩɩsɛ mɛ́. Kɛnɔ ná wɩ́nyunni: Dʋ́ŋdʋ́ʋ̃́ yɩɩla kɛnɔ sapíítir 1-41 Bʋllɛ yɩɩla kɛnɔ sapíítir 42-72 Botoro nyúú mí yɩɩla kɛnɔ sapíítir 73-89 Baná nyúú mí yɩɩla kɛnɔ sapíítir 90-106 Bɔmmʋ́ɔ́ nyúú mí yɩɩla kɛnɔ sapíítir 107-150