Yɩɩla kɛnɔ
1
Yɩɩla dʋŋdʋ́ʋ̃́ kɛnɔ (1 - 41)Wérnaarɔ wɩ́ɛ́
1 Ná nɛrɔ ná há ná wér! Ʋ nɛ́ ká nɛrɔ ná há wɩ yarda tó rɩ́ kíso tó nɩɛ caanɛ́ tɩŋ,
a wɩ nɩɛ ná há wɩ Wɩɩsɛ já ŋmɛnɔ mɩ́ɩ́ cɩ,
a wɩ nɩɛ ná háá mɔ́ŋ Wɩɩsɛ laka ké.
2 Ʋ é wɩ́colli
ní ká Nyuutɩna Wɩɩsɛ caanɛ́;
ʋ mɩnʋ́ sabɩɩna mɩŋ wɔhɔ arɩ́ tɩtáŋ.
3 Ʋ nɩhɩ̃́ fuo laka tuu ní:
ʋ nɔnɛ́ tɛ́ŋ mɛ́, ʋ wɩ nɔnɔ mɩ́ɩ́ ɓɩllɛ,
kɔ́ʋ́ paarʋ má wáá hɩl.
Ɛ́ tɩ́na wɩ́'aalɩ́ wuu wáá gul.
4 Amá ʋ tó ɛ́ nɛ́
a pá nɩɛ ná há wɩ yarda rɩ́ kísó kéné:
ɓa nɛ́ mɔpuri, poo há pɛ́ɛ́ jaasɛ nɛ́.
5 Ɛ́ nɛ́ tɛ rɩ ɓa nɩ́ɩ́ dí sariya Wɩɩsɛjaa dánʋɔ mɛ́,
ɛ́ nɩɛ duo wɩ ráŋ máánɛ.
Ɛ́ nɩɛ duo wɩ dɩkéni kené
Wɩɩsɛ láádííre ceme sɩɛrʋ.
6 Nyuutɩna Wɩɩsɛ nɩ́ɩ́ tɩ́ɛ́sɛ nɩɛ ná há lɔ́ʋ́ dí,
amá yarda rɩ́ kísó tó nɩɛ
wɩ́'állɛ nɩ́ɩ́ zɔkwɔ́.