Zɔɔbɛ Kɛnɔ
Zɔɔbɛ kɛnɔ laadiná
Kɛnɔ né bʋl nɩtáŋá wɩ́ɛ́ rɛ́. Ʋ ná walmɛ́ wéri, ká táŋa há cɛ́ a tɩkɛ Wɩɩsɛ.
Sɩtaanɛ kénú wɩ́ɛ́, a mʋ́ Wɩɩsɛ rɩ́, a nyɛ́ nyɩ́ɛ́rʋ́ pɔ́ʋ́ a bʋ́lɛ́: Ɩ há hé bárka a pá Zɔɔbɛ, ɛ́ nɛ́ tɛ́ ʋ tɩŋɩ́ mɛ́. Ɛ́ nɛ́ Wɩɩsɛ pá Sɩtaanɛ ŋmɛ́nɔ́ ʋ mɩ́lʋ́ (cɩ́nʋ́ mɛ́ ). Zɔɔbɛ nɛ́kanɔ́ wuu tɩŋ ɛ́ mɛ́ a tenni: ʋ bɛlɛ rɩ́rʋ́ pʋsɛ arɩ́rʋ́ oŋkanɛ́ wuu. Pʋɔlɩbɔmɔ kánʋ́ tɩɩ má. Amá Zɔɔbɛ wɩ wɩ́ɩ́ ná há tɛ́ wɩ́halawa nyaŋ wuu pérú ɛ̃́. Ʋ wɩ wɩ́ɩ́ ná Wɩɩsɛ rɩ́ Sɩtaanɛ há vʋ́ʋ́rɛ́ ɛ̃́.
Ɛ́ nɛ́ Zɔɔbɛ naŋnɔŋsɛ botoro kó rɩ́wɔ́ cáánʋ́. Ɛ́ tɛ́ŋ mɛ́ sɩɛ́, nɩɛ sabɩɩna nɛ́ fá ká, rɩ́ɩ́ nɛ́ tʋ́ŋ wéri, Wɩɩsɛ sɩ́ hé bárka a pɛ́ɩ́, ká rɩ́ɩ́ tʋ́ŋ bɔ́ŋbɔ́ŋ, ʋ má bɛ́ŋsɩ́. Ɛ́ wɩ́ɛ́, Zɔɔbɛ naŋnɔŋsɛ ná botoro sabɩɩna mɛ́, Zɔɔbɛ wɩ́bɔma nɛ́ tɛ́ wɩ́halawa nyaŋ wuu púú. Amá Zɔɔbɛ é rí, ɓa sabɩɩna ná rá tó. Rɩ́ nyɛ fa wɩ mɔhɛ̃́ rʋ́ʋ́ bílú mí, beé wɩ́ɛ́, ʋ faá tɩŋ Wɩɩsɛ arɩ́ táŋa. Wɩ́ɩ́ ná há tɛ́ Wɩɩsɛ lo níŋ né nyɩ́kʋ́, ʋ wʋ́ʋ́ mʋ́l ɛ̃́. Ɛ́ nɛ́ ʋ sʋ́l Wɩɩsɛ aá já rʋ́ʋ́ pi táŋa a pɔ́ʋ́.
Wɩɩsɛ wɩ Zɔɔbɛ bɔ́sɛ́ ná sɩ́ɛ́ lɩ́sɛ́ pɔ́ʋ́ ɓɩlɩ́ɩ́, amá táŋa, ʋ kénú tɩɩ a nyɩ́ɩ́sʋ́ mɛ́ nɛ́. Ráŋ nɛ́, Wɩɩsɛ mákʋ́ pʋmmɩ́, rʋ́ʋ́ zɩŋ rʋ́ é Wɩɩsɛ haá ɔ́wɔ́ ná, nɩbííne wʋ́ɔ́ wúó a. Ɓa sɩɛ́ wʋ́ʋ́ wɩ́'állɛ má wuu mʋ́ʋ́la wúó zɩŋ. Ɛ́ mɛ́ nɛ́ Zɔɔbɛ túwú tɩɩ, ká zɩŋ rʋ́ʋ́ mɩmáárɔ Wɩɩsɛ dʋŋɔ léŋ ní kɛ́ oŋ wuu, ʋ dʋŋɔ nɛ́ ká zɩ́mɛ́ tɩ́na. Ʋ sɩɛrʋ zɔkɛ, ʋ há káŋsɛ Wɩɩsɛ wɩ́ɛ́.
Kɛnɔ ná dɩgúlli, Wɩɩsɛ cuoli (hírísi) Zɔɔbɛ. Ʋ ná, ʋ onni ná fa há yʋ́ksɛ́ naŋá buke bɛllɛ. Zɔɔbɛ naŋnɔŋsɛ ná wɩ táŋa kéné. Wɩ́ɩ́ ná há tɛ́ Zɔɔbɛ wɩ́hala, ʋ wʋ́ʋ́ mʋ́l né ná, amá ʋ há cɩ́nɔ́ a tɩkɛ Wɩɩsɛ: