Zɔɔbɛ Kɛnɔ
Amá, ŋ ɩ́ɔ̃́ rɩ́ nɛ́ŋ ná há yɔ́wɛ́ láŋ, ʋ wómmó,
ʋ sɩ́ tɩŋ har, a isí tíé nyúú,
ŋ tɛŋnamɩ́ɛ́ zɔkɛ́ har mɛ́;
ŋ é tɩɩ sɩɛ́ sɩ́ bɛ́ (bɛ́llɛ́) Wɩɩsɛ (19. 25)
Zɔɔbɛ kɛnɔ púle, sapíítir 1 rɩ́ 2 arɩ́rʋ́ tenné sapíítir 42 verse 7 a kaá mʋ́ 17 ká gɔkɩ́ nɛ́. Zɔɔbɛ rɩ́rʋ́ naŋnɔŋsɛ ná botoro bɩsɛ́ arɩ́ Sɩtaanɛ má rɩ́ Wɩɩsɛ pɛ́kɛ bɩsɛ́ ná ká gɔkɩ́ nɛ́. Kɛnɔ ná sɩɛrʋ wɩ́nyúnni : Zɔɔbɛ kuóɓɩɛ́ tenné sapíítir 1-2 Zɔɔbɛ jɔ́ʋ́ wɩ́ɩ́la mʋ́l sapíítir 3 Zɔɔbɛ naŋnɔŋsɛ ná botoro cáánɛ́: Dʋŋdʋ́ʋ̃́ bɩsɛ sapíítir 4-14 Bʋllɛ nyúú mí bɩsɛ sapíítir 15-21 Botoro nyúú mí bɩsɛ sapíítir 22-26 Zɔɔbɛ hátɩŋnɛ wɩ́bʋlɛ́, rʋ́ʋ́ lɔ́ʋ́ tɩɩ sapíítir 27-30 Zɔɔbɛ ŋmɩ́ɛ́sɔ́, rʋ́ʋ́ wɩ wɩ́ɩ́ zɔkɛ́ sapíítir 31 Elihu wɩ́bʋlɛ́ sapíítir 32-37 Wɩɩsɛ bʋl wɩ́ɛ́ pá Zɔɔbɛ sapíítir 38-42.6 Wɩɩsɛ hé bárka pá Zɔɔbɛ sapíítir 42.7-17
Zɔɔbɛ dʋŋdʋ́ʋ̃́ mɩ́lɛ́ (diŋe) wɩ́ɛ́
1
1 Báálɔ́ oro fa mɩ́ŋ Uusi mí, ɓaá yɩ́rʋ́ Zɔɔbɛ. Ɛ́ báálɔ fa ká tékétéke, aá tʋ́ŋ yɛ́rɛ́, aá fa Wɩɩsɛ héwíŋ, a fá aá kɛ́kɛ́ bɔ́ŋbɔ́ŋ ɛ́ɛ́ mɛ́. 2 Ʋ fa kéŋ heŋbólli balpɛ arɩ́ tolé botoro. 3 Ʋ pʋwɩ́ɛ́la nɛ́ fa bʋ́ɩ́walpɛ (7 000), nyʋkmawa bʋ́ɩ́toro (3 000), nɔparɛ́ bɛllɛwa buke zɔ́mmʋ́ɔ́ (500), kokuháála zɔ́mmʋ́ɔ́ (500), arɩ́ tʋtʋnna ɓɩkaná. Ʋ yɩr lɩ́ɔ́ a kɩ́llɛ́ wɩɩsɛ dɩpomí nɩɛ wuu.4 Ʋ bɛlɛ ná sɩɛ́ mʋ́ náŋa rɩ́, aá kíl, a hé náŋá mɛ́, ɓa rɩ́wɔ́ netolé ná botoro a dí kaá nyɔ́. 5 Rɩ́ ɓa nɛ́ gʋ́ɔ́rɛ a dí ɛ́ caŋsɛ rɩ́ɩ́ céŋ wuu, Zɔɔbɛ hóú bɛlɛ ná náŋá mɛ́, a mʋ́ʋ́rɩ́wɔ́ busunnú. Ʋʋ́ isi cɩcʋ́ɔ́ fól, a ɔsɛ vʋk'fisí a pá Wɩɩsɛ ɓa oro wuu yɩr mɛ́, ká bʋ́lɛ́: Nyɛ mɛ́ ŋ bɛlɛ ɔ́ɔ́ zɔkɛ, nyɛ mɛ́ ɓa bʋ́l bɔ́ŋbɔ́ŋ a cáásɛ Wɩɩsɛ mɛ́ ɓa sabɩɩna mɛ́.» Nyɛ nɛ́ Zɔɔbɛ tʋ́tʋ́ŋ tɛ́ŋ é wuu mí.
Zɔɔbɛ dʋŋdʋ́ʋ̃́ dɩŋe wɩ́ɛ́
6 Kal oro, Wɩɩsɛ malɩkawa kúó rɩ́wɔ́ bílwó nʋʋsɛ a pá Nyuutɩna Wɩɩsɛ, ɛ́ nɛ́ Nyɛtɩɩnɔ má kánʋ́ tɩɩ a ko nyɩ́ɩ́sɩ́wɔ́ mɛ́. 7 Ɛ́ nɛ́ Nyuutɩna Wɩɩsɛ bɔ́sɛ Nyɛtɩɩnɔ a bʋ́lɛ́: «Nɛ́ɛ́ rɛ́ ɩ lɛ́>>» Nyɛtɩɩnɔ bʋ́l pá Nyuutɩna a bʋ́lɛ́: «Ŋ gʋ́ɔ́ɛ tíé ní céŋ kaá ko.» 8 Nyuutɩna bʋ́l pá Nyɛtɩɩnɔ a bʋ́lɛ́: «Ɩ kɩ́ɛ́lɩ́ŋ tʋtʋnnɔ Zɔɔbɛ mɛ́ rɛ́>>. Nɛ́ŋ wuu wʋ́ʋ́ nɩhɛ̃́ tíé nyúú; ʋ ká nɩtékétéké rí, aá tʋ́ŋ yɛ́rɛ́, aá fa Wɩɩsɛ héwíŋ, a fa aá kɛ́kɛ́ bɔ́ŋbɔ́ŋ mɛ́.» 9 Ɛ́ nɛ́ Nyɛtɩɩnɔ bʋ́l Nyuutɩna rɩ́ a bʋ́lɛ́: «Ʋ ká yɔ́ɔ́ rɛ́ Zɔɔbɛ fɩ́fá Wɩɩsɛ héwíŋ>> 10 Ɩ rá wʋ́ʋ́ tɩɩ, arɩ́rʋ́ jaa arɩ́rʋ́ ɓɩɛ́ wuu mí pɔ́ɛ́ rɛ́>> Ɩ hé bárka ʋ tʋtʋ́mɛ́ nyúú, ʋ pʋsɛ́ púl a sú tɔ́ɔ́ wuu. 11 Amá ŋ sʋ́lɩ́ rɛ́, tɛ́rɩ́ nɛ́sɛ a zɔ́kʋ́ a tɩkʋ́ oŋtɩ́llɛ́ wuu: ʋ ká pʋmmɩ́, ʋ sɩ́ cɩ́nɩ́ sɩ́ɛ́ mɛ́ bʋ́l bɔ́ŋbɔ́ŋ pɛ́ɩ́. 12 Ɛ́ nɛ́ Nyuutɩna bʋ́l Nyɛtɩɩnɔ rɩ́ a bʋ́lɛ́: «Ɛ́ wéró, ŋ púú ɓɩɛ́ wuu héí nɛ́sɛ mɛ́. Amá táŋa, pɔ́ rɩ́ɩ́ háá tɩ́kʋ́ tɩɩ mɛ́.»
Ɛ́ nɛ́ Nyɛtɩɩnɔ isi ká tá Nyuutɩna.
13 Kal oro, Zɔɔbɛ bɛlɛ mʋ́wɔ́ maálɩhɔ̃́ dɩhɩ̃́, aá dí ɓɩdííle kaá nyɔ dɩvɛ́ŋ. 14 Rɩ́ nɩtʋmɩ́ nɛ́ kúé a bʋ́l Zɔɔbɛ rɩ́ a bʋ́lɛ́: «Nɛ́sɛ ná fa mɩŋ ráŋ aá parɛ, ká kokúhaáwa ná má fa mɩŋwɔ́ laka. 15 Amá Sabeyeŋwa kúó úríwó mí, a ɓʋ́ʋ́sɩ́ tʋtʋnna ná wuu rɩ́ tokówí ká dɔŋwɔ wuu a kaá col. Ŋ dʋŋɔ nɛ́ káánɛ́, a ká búŋse ko rɩ́ŋ pɛ́ɩ́.»
16 Ʋ há mɩ́ŋ bʋ́lɛ́ mɛ́ ɛ́, rɩ́ nɔ́ŋɔ má nɛ́ baá péré, a bʋ́lɛ́: «Duóɓɛ́ɛ́lɔ́ (Wɩɩsɛ níŋ) lɛ́ bána a tuwi ɓʋ́ʋ́sɛ pʋwɩ́ɛ́la arɩ́ tʋtʋnna, níŋ ná díwó. Ŋ dʋŋɔ nɛ́ wolle lú a lɛ́, a ká búŋse ko rɩ́ŋ pɛ́ɩ́.»
17 Ʋ mɩŋ bʋ́lɛ́ mɛ́, rɩ́ nɔ́ŋɔ má nɛ́ baá péré a bʋ́lɛ́: «Kaldeyeŋwa púlli botoro ní kúé a ɓʋ́ʋ́sɩ́ tʋtʋnna rɩ́ tokówí ká kiri nyʋkmawa ná a kaa col. Ŋ dʋŋɔ nɛ́ wolle lú a lɛ́, a ká búŋse ko rɩ́ŋ pɛ́ɩ́.»
18 Ʋ mɩ́ŋ bʋlɛ́ rɩ́ nɔ́ŋɔ má nɛ́ baá péré a bʋ́lɛ́: «Ɩ bɛlɛ faá dí ɓɩɛ́ nɛ́ kaá nyɔ dɩvɛ́ŋ ɓa maálɩhɔ̃́ dɩhɩ̃́, 19 rɩ́ pozeno nɛ́ lɛ́ gɩrbétéke sɩɛrʋ, a ko yiki jaa ná zeŋe bána ná, ʋ ɓal nɩpʋ́ɔ́sɛ́ ná nyúú, ɓa sʋ́sɛ́ ráŋ. Ŋ dʋŋɔ nɛ́ wolli lú a lɛ́, a ká búŋse ko rɩ́ŋ pɛ́ɩ́.»
«Tɛŋbíí ní ŋ káá lɩ́ŋ maá luóru mí,
tɛŋbíí ní rɩ́ŋ káá zʋ́ tíé.
Nyuutɩna Wɩɩsɛ nɛ́ tɛ́,
Nyuutɩna Wɩɩsɛ nɛ́ lɛ́.
Rɩ́ Nyuutɩna Wɩɩsɛ yɩr há lá cʋ́ɔ́la.»
22 Zɔɔbɛ wɩ wɩ́bɔ́ŋ wuu ɛ́ɛ́ wɩ́halawa nyaŋ wuu tɛ́ŋ mɛ́. Ʋ wɩ wɩ́tɔ́k wuu bʋ́lɛ́ cáásɛ Wɩɩsɛ.