Zɔɔbɛ bʋllɛ mɩ́lɛ́ wɩ́ɛ́
2
1 Kal oro, Wɩɩsɛ malɩkawa kúó hé náŋá mɛ́ Nyuutɩna, ɛ́ nɛ́ Nyɛtɩɩnɔ má kówó sɩsɩɛrʋ, a nyɩ́ɩ́sʋ́ tɩɩ Nyuutɩna sɩ́ɛ́ mɛ́. 2 Nyuutɩna bɔ́sʋ́ a bʋ́lɛ́: Nɛ́ɛ́ ɩ lɛ́>>» Ɛ́ nɛ́ Nyɛtɩɩnɔ bʋ́l Nyuutɩna rɩ́ a bʋ́lɛ́: «Ŋ gʋ́ɔ́rɛ tíé a céŋ ní kaá ko.» 3 Nyuutɩna bʋ́l Nyɛtɩɩnɔ rɩ́ a bʋ́lɛ́: «Ɩ kɩ́ɛ́lɩ́ŋ tʋtʋnnɔ Zɔɔbɛ mɛ́ rɛ́>> Ʋ nɔ́ŋɔ tó tíé nyúú. Ʋ ká nɩtékétéke rí, aá tʋ́ŋ yɛ́rɛ́, aá fa Wɩɩsɛ héwíŋ, a fa aá kɛ́kɛ́ bɔ́ŋbɔ́ŋ mɛ́. Ʋ mɩ́ŋ tékétéke sɩɛrʋ, kɛ́ɩ́ yiyikíŋ rɩ́ŋ bɛ́ŋsʋ́ yɔ́ɔ́.» 4 Ɛ́ nɛ́ Nyɛtɩɩnɔ bʋ́l Nyuutɩna rɩ́ a bʋ́lɛ́: «Lenniwéró. Nɩbííno há kénú ná wuu, ʋʋ́ píí lenni mɩɩsɛ nɛ́. 5 Amá ŋŋ́ sʋ́lɩ́ rɛ́, tɛ́rɩ́ nɛ́sɛ a tɩ́kʋ́ heŋgbele arɩ́rʋ́ tɛŋ namɩ́ɛ́ mɛ́, ʋ ká pʋmmɩ́ rʋ́ʋ́ sɩ́ cɩ́nɩ́ sɩ́ɛ́ mɛ́ a bʋ́l bɔ́ŋbɔ́ŋ pɛ́ɩ́!» 6 Ɛ́ nɛ́ Nyuutɩna Wɩɩsɛ bʋ́l Nyɛtɩɩnɔ rɩ́ a bʋ́lɛ́: «Ɛ́ wéró, ŋ púú héí nɛ́sɛ mɛ́. Amá táŋa, pɔ́ rɩ́ɩ́ háá tɩ́kʋ́ hiẽ́só mí.»7 Ɛ́ nɛ́ Nyɛtɩɩnɔ isi ká tá Nyuutɩna. Ʋ pi tɛŋkɛnɔ dɩwɩlbɔmɔ yakʋ́, a pɔ́ naasɛ mɛ́ ká zɩ́ yakʋ́ nyúgbaŋa mɛ́. 8 Zɔɔbɛ ké tapʋmma sɩ́sɩɛnnʋwa ká pi cíŋcélkúl aá páásʋ́ tɩɩ.
9 Ʋ háálɔ bʋ́lʋ́ rɩ́ a bʋ́lɛ́: «Ɩ há cɩ́ŋ tékétéké sɩɛrʋ nɛ́! Rɩ́ bʋrɔ́ hé Wɩɩsɛ mɛ́ ká sʋ́wɛ́ ní cícó.» 10 Amá Zɔɔbɛ bʋ́lʋ́ rɩ́ a bʋ́lɛ́: «Ɩ wɩ́bʋlɛ́ nɩhɩ̃́ hácʋ́ʋ́lɛ́ wɩ́bʋlɛ́ nɛ́. Rɩ́ Wɩɩsɛ nɛ́ párá wér, ráá saŋ, beé rí tɛ́ rʋ́ʋ́ párá bɔ́ŋbɔ́ŋ ráá vɛ́>>»
Mɩ́lɛ́ né má sɩɛrʋ, wɩ́bɔ́ŋ wɩ Zɔɔbɛ nʋɔ mɛ́ lɩ́ɛ́
Zɔɔbɛ naŋnɔŋsɛ botoro kóú bʋ́ɔ́lʋ́
11 Zɔɔbɛ naŋnɔŋsɛ botoro nɛ́ wɩ́halawa ná fa há pérú. Ɓa nɛ́ ká Elifaazɛ há lɛ́ Temaŋ, rɩ́ Bilidaadɛ há lɛ́ Suha arɩ́ Sofaarɛ há lɛ́ Naama. Ɓa tʋŋ nʋɔ, a lɩ́wɔ́ tɔ́nɛ́ nyaŋ mɛ́ a ko, rɩ́wɔ́ makwɔ́ colle a pá Zɔɔbɛ ká bʋ́ɔ́lʋ́. 12 Ɓa há tɩ́ɛ́nɛ́ a nóú sɩ́ɛ́rɩ́, ɓa dʋ́ksʋ́ ká wíí síksi. Ɓa kéŋwó gɛnnɛ a cɔ́nnɛ, a pá kúŋkulo a yo bána nyúú rɩ́, a tɔ́wɔ́ nyúnni mí. 13 Ká ɓa rɩ́ Zɔɔbɛ wuu ké tíé wɔhɔwa balpɛ, tɩ́taŋwa má balpɛ. Oro wuu wɩ wolle wúrú nʋɔ mɛ́, a bʋl wɩ́ɩ́ ʋ rɩ́, ʋ wɩ́hala ná há zeno wɩ́ɛ́.