Zɔɔbɛ mʋ́l né saŋɔ́ rʋ́ʋ́ ká nɛ́múrtɩŋ
42
1 Ɛ́ nɛ́ Zɔɔbɛ bʋl Nyuutɩna Wɩɩsɛ rɩ́ a bʋ́lɛ́:2 Ŋ ɩ́ɔ̃́ rɩ wɩ́ɩ́ tóó aá gɩ́rɩ́,
ŋ ɩ́ɔ̃́ rɩ tʋŋ tóó aá kánɩ́ baŋ mɛ́.
3 Ɩ bʋ́lʋ́ rɩ́ a bʋ́lɛ́: Ŋ diŋó, rɩ́ŋ kánɩ́ tʋtʋmɛ́ bɩrɛ
a tɩŋ wɩ́nyɔɔwa ná ŋ haá bʋ́lɛ́ mɛ́.
Ŋ saŋɔ́: ŋ fa bʋl wɩ́ɛ́ ná mʋ́ʋ́la nɩ́ɩ́ há duóko a páŋ wɩ́ɛ́,
ŋ fa ká bino rí ɓa sɩɛrʋ ká wɩ ɛ̃́!
4 Ɩ fa bʋ́lɩ́ŋ rɩ́ a bʋ́lɛ́: «Zesi, ká lo rɩ́ŋ bʋl wɩ́ɛ́ a pɛ́ɩ́;
ŋ sɩ́ bɔ́sɩ́ rɩ́ wɩ́ɛ́, rɩ́ɩ́ lɩ́sɩ́wɔ́ sɩ́ɛ́ a páŋ.»
5 Ŋ dɩlla nɛ́ fa nɩ́ɩ́ wɩ́ɛ́,
amá mʋ́l né mí, ŋ tɩɩ sɩ́ɩ́ nɛ́ néí.
6 Ɛ́ nɛ́ tɛ́, ŋ baá tóŋ fa há sʋ́ʋ́ ná har,
ŋ saŋɔ́ rɩ́ŋ wɩ taŋá kéné, rɩ́ŋ dí múúre
ká bʋkɩ́ŋ tɩɩ rɩ́ tápʋmmɔ, a pi tíé billi.
WƖƖSƐ CUOLI ZƆƆBƐ \P 7 Nyuutɩna Wɩɩsɛ há bʋl Zɔɔbɛ rɩ́ a tenni, ʋ bʋl Elifaazɛ rɩ́ a bʋ́lɛ́: «Ɩ rɩ́rɩ́ naŋnɔŋsɛ ná bɛllɛ, ɩ́ pusíŋ cɔ́ɛ́. Beé wɩ́ɛ́, ɩ́ wɩ taŋá bʋ́lɛ́ ŋ yɩr mɛ́, anɩ́ŋ tʋtʋnnɔ Zɔɔbɛ há bʋl taŋá ŋ yɩr mɛ́ ɛ́. 8 Ɛ́ wɩ́ɛ́, mʋ́l né mí, ɩ́ já nɔɓallɛ balpɛ arɩ́ peɓallɛ má balpɛ, a kaa mʋ́ŋ tʋtʋnnɔ Zɔɔbɛ rɩ́. Ɩ́ sɩ́ píwó a ɔsɛ vʋk'fisí ɩ́ tɩɩ yɩr mɛ́, ká rʋ́ʋ́ sʋ́l Wɩɩsɛ a pɛ́ɩ́wa. Ŋ sɩ́ zesú wɩsʋlɔ́, ká bɩrsɩ́ŋ sabɩɩna a baá sɩ́ɩ́wa bɛ́ŋsʋ́ ɩ́ cʋllɛ ná wɩ́ɛ́, ká zɩŋ rɩ́ɩ́wa wɩ taŋá bʋ́lɛ́ ŋ yɩr mɛ́, anɛ Zɔɔbɛ tɩɩ há bʋl taŋá ɛ́.»
9 Ɛ́ nɛ́ Elifaazɛ há lɛ́ Temaŋ, rɩ́ Bilidaadɛ há lɛ́ Suha arɩ́ Sofaarɛ há lɛ́ Naama ɓɩɛ́na mʋ́ a tʋŋ ɛ́ ná Nyuutɩna Wɩɩsɛ fa há makɛ́ a pɔ́wɔ́, kɔ́ʋ́ saŋ Zɔɔbɛ sʋ́lɛ́.
10 Nyuutɩna Wɩɩsɛ bɩrɛ cuolú. Zɔɔbɛ díé fa há kéŋ onni ná, ɓa naŋá bʋllɛ nɛ́ Wɩɩsɛ pɔ́ʋ́ mʋ́l né mí. 11 Ɛ́ mɛ́ nɛ́ sɩɛ́, Zɔɔbɛ maábinaŋá rɩ́rʋ́ natole arɩ́ nɩɛ ná wuu díé fa ʋ̃́, sɩɛ́ ko aá nóú. Ɓa ko, ʋ rɩ́wɔ́ hé náŋá aá dí ɓɩɛ́, ɓa makwɔ́ collé a pɔ́ʋ́, ká bʋɔlʋ́, wɩ́hala ná wuu Nyuutɩna Wɩɩsɛ fa há ɛ́ɛ́ ɓa zʋ́ʋ́ wɩ́ɛ́. Ká ɓa oro wuu lɩ́sɛ warɛ (meéwi) arɩ́ salmɛ nénipɩr a dí zile a pɔ́ʋ́.
12 Nyuutɩna pá Zɔɔbɛ barka, a kɩ́llʋ́ díé mí (púle mí). Ɛ́ nɛ́ tɛ́ Zɔɔbɛ ná pieŋse bʋ́ɩ́ fí rɩ́ bána (14 000), nyʋkmawa bʋ́ɩ́walgo (6 000), nɛsɛ bʋ́ɩ́wʋllɛ (2 000) buke bɛllɛ arɩ́ kokumaáwa má bʋ́ɩ́ (1 000). 13 Ʋ ná heŋbolli má balpɛ arɩ́ tole botoro. 14 Ʋ yɩrɛ tolhɔ̃́ ná Yemima (ʋ mʋ́l nɛ́ ká “kʋma), bʋllɛ tolo Kesiya (ʋ mʋ́l nɛ́ ká “tuu ná ɓa haá yɩrɛ kanɛl) (ɓaáwuruŋbi>>) fɩl” ká botoro nyúú mí tolo yɩr dí Kereŋhapuuki (ʋ mʋ́l nɛ́ ká “sɩ́ɛ́ ná fɩ́ɛ́l”). 15 Tɔ́ɔ́ ná wuu sɩɛrʋ, hál tó ʋ wer peri Zɔɔbɛ tolé ná. Ɓa áná pɔ́wɔ́ liwe anʋ́ há pɔ́ʋ́ heŋbolli ná liwe ɛ́.