Nɩcʋʋlɛ́ wɩ́ɛ́
26
1 Nɩcʋʋlɛ́ rɩ́ píŋ waá cɛ́rɛ,anɛ lʋmɔ arɩ́ waarʋ má há wɩ náŋá mɩ́ɩ́ hé,
oŋkʋsɛ má tɛ́ŋ rɩ́ doŋ waá cɛ́rɛ.
2 Bʋra wɩ nɛ́ŋ ná há wɩ wɩ́ɩ́ zɔ́kɛ́ dí;
ʋ nɩhɩ̃́ diíwie ɛ́ rá má cáálákúwíé há file aá daarɛ nɛ́.
3 Zaka nɛ́ tɛ vɩla,
kokúme nɛ́ tɛ nʋɔ ŋmɛ́ŋ;
ká nɩcʋ́llɛ daguŋsi tɩ́llɛ daa;
4 Sɩ́ tɩ́ŋ lɩ́sɛ nɩcʋ́lnʋlɩ́sɔ nɩcʋʋlɛ́ rɩ́;
rɩ́wɔ́ háá píí má makɛ nɩcʋʋlɛ́.
5 Lɩ́sɛ nʋɔ pá nɩcʋʋlɛ́ rʋʋ́ zɩŋ rʋ́ʋ́ wɩ wɩ́ɛ́ ɛ̃,
rɩ ɛ́ rá, ʋʋ́ bɩ́ɩ́nʋ́ rʋʋ kéŋ zɩmɛ́ rɛ́.
6 Nɛrɔ ná há púú wɩ́ɛ́ tʋŋ nɩcʋʋlɛ́, ʋ nɩhɩ̃́ ʋ tɩɩ napole ní ʋ cúconni,
ɛ́ rá máá, ʋ já wɩɩla pɔ́ʋ́ tɩɩ.
7 Sɩ́ŋsʋ́ɔ́lɔ wɩ mʋ́l kené nɩcʋʋlɛ́ rɩ́;
anɛ gbɛrkɔ naasɛ há wɩ dóé kené ɛ́.
8 Nɩcʋʋlɛ́ dɛnnɛ́,
nɩhɩɩ̃́ há pí dɔ́wɩ́ vɔwɛ dɔ́wɩ́yooló mí ní.
9 Nɩcʋʋlɛ́ nʋɔ sɩ́ŋsʋ́ɔ́lɔ nɩhɩ̃́
sɔrʋ vɩla há mɩŋ nɩbukí nɛ́sɛ mɛ́, ʋ kaá viŋsi ní.
10 Nɛ́ŋ ná há pí tʋtʋnnɩcʋʋlɛ́ ɛ́ rá má nɩdaarɩ́;
ʋ nɩhɩ̃́ sɩdííro ná háá bɛ́ŋsɛ nɩɛ wuu ní.
11 Nɩcʋʋlɛ́ há wʋ́ʋ́ nɩcʋ́lwɩ́ɛ́ tá;
ʋ nɩhɩ̃́ vaa há bɩ́rɛ́ mʋ́ʋ́ tʋ́ɔ́sɛ mɛ́ nɛ́.
12 Rɩ́ɩ́ ná nɛ́ŋ, rʋʋ púú tɩɩ a makɛ zɩmɛ́ tɩ́na;
ɩ ka nɩcʋʋlɛ́ yɩɛla a kɩ́llʋ́.
Tɛŋwɩtɩɩnɔ mála
13 Tɛŋwɩtɩɩnɔ́ sɛ́: «Ɓʋ́ʋ́rɔ nɛ́ ŋmɛ́nɔ mɛ́!
Kɩ́ŋkáná mɩŋ ŋmɛ́nɔ mɛ́.»
14 Dánnʋɔ boró mɩ́ɩ́rʋ́ naasɛ daha nɛ́;
ká tɛŋwɩtɩɩnɔ má bɩ́bɩ́rʋ́ gódó daha.
15 Tɛŋwɩtɩɩnɔ́ tɔ́wʋ́ nɛ́sɛ gbaŋa mɛ́;
kɔ́ʋ́ kaa mʋ́ʋ́ nʋɔ má a bɔ́lɛ́ a pɔ́ʋ́.
16 Tɛŋwɩtɩɩnɔ bɩ́ɩ́nɔ rʋʋ zɩmɛ́ kɛ nɩɛ balpɛ háá lɩ́sɛ wɩ́zɩmɛ nʋlɩ́sɔ.
17 Nɩdaarɩ́ há zʋ́ nɛsɛ ná há wʋ́ʋ́ mɛ́ lúre sɩɛrʋ;
ʋ nɩhɩ̃́ nɛrɔ háá já rʋ́ʋ́ ka váá dɩlla mɛ́ nɛ́.
18 Anɛ ɛ́ gɩŋgátɩɩnɔ háá yo níŋdaasɛ,
aá yo hɛmɛ rʋ́ʋ́ ɓʋ́ nɩɛ;
19 nɛrɔ ná háá nyɩ́sʋ́ maábinɔŋɔ́ nɩhɩ̃́ ɛ́ nɛ́,
ká bʋlɛ́: «Ŋ faá gbé ní!»
20 Rɩ́ daasɛ toó, níŋ dʋ́sɔ́;
rɩ́ sɩsooro toó, nɛsɛ ténnó.
21 Nɛ́ŋ ná há có nɛsɛ, ʋʋ́ zuki nɛsɛ;
anɛ hɔlɔ háá bɩrmɛ níŋhala ɛ́, ká daasɛ maá súúri níŋ ɛ́.
22 Sɩsooro wɩ́bʋlɛ́ nɩhɩ̃́ ɓɩdíwere ní;
ɓaá zʋ sɩɛrʋ lúlúŋ ní.
23 Sabɔmɔ tɩ́na háá bʋl wɩ́were;
ʋ nɩhɩ̃́ wárɛ ná há kéŋ busunnu há tɔ́ cʋ́ʋ́ vie mí ní.
24 Nɛrɔ ná há bɛ́rɛ nɩɛ, pí nʋŋmɔ́ŋ nɛ́ aá kɛ́rʋ́ tɩɩ mɛ́;
kɔ́ʋ́ sɩɛrʋ, bɔ́ŋbɔ́ŋ nɛ́ ʋ bɩ́bɩɩnɛ.
25 Rʋʋ wɩ́bʋlɛ́ ká gɔkɩ́ má, ɩ sʋ́ʋ́ wɩ́ɛ́ láá dí;
bee wɩ́ɛ́ sabɩŋbɔma nɛ́ súú.
26 Ʋ ʋ́ʋ̃́ nɩbɛ́rɔ kaa féŋse;
amá ʋ saháksɩ́ sɩ́ nyɩɩsɛ nɩɛ wuu sɩ́ɛ́ mɛ́.
27 Nɛ́ŋ ná háá lú bʋɔ, ʋ tɩɩ nɛ́ ɓálʋ́ sɩɛrʋ,
nɛ́ŋ ná háá billi dɔ́wɩ́, ʋ bɩ́rɔ́ aá kóú tɩ́na mɛ́ nɛ́.
28 Nyɛtɩɩnɔ bɛ́rɛ nɩɛ ná ʋ háá zɔkɛ́,
Nʋŋmɔ́ŋtɩɩnɔ bʋl wɩ́ɛ́ aá zɔkɛ nɩɛ.