sahɔɔtɩɩnɔ wɩ́ɛ́
Salomoŋ sɩ́ŋsʋ́ɔ́la náŋa
25
1 Ná Salomoŋ sɩ́ŋsʋ́ɔ́la náŋa Ziida kuóro Ezekiyasɛ laka nɩɛ há pʋ́ŋsɛ́.2 Nyuutɩna Wɩɩsɛ píŋ nɛ́ ká, rʋ́ʋ́ ká wɩ́ɛ́ féŋsi; kuóre píŋ nɛ́ ká, wɩ́ɛ́ mʋ́ʋ́la zɩmɛ́.
3 Bána gbési, tíé lúŋ,
nɛ́ŋ wʋ́ɔ́ wuó zɩŋ, anɛ kuóre má sabɩŋsɛ nɛ́ŋ há wʋ́ɔ́ wuó zɩŋ ɛ́.
4 Lɩ́sɛ wárɛ busunnu;
ká rɩ́ lukro pii cʋɔrɛ vie.
5 Lɩ́sɛ sahɔɔtɩɩnɔ kuóro laka,
ká rɩ kuóro kuorí ka dóé taŋá sɩɛrʋ.
6 Sɩ́ɩ́ tɩɩ mákʋ́ kuóro sɩ́ɛ́,
a sɩ́ nɩhɩ́ɛ̃́sɛ má dɩkéŋsi lá.
7 Rɩ ɓa nɛ́ bʋ́lɩ́ rɩ́ a bʋlɛ́: «Zɩ́ rɛ́!»
Ʋ nɛ́ cícó ɓa há múúrí nɔhɔ̃́ sɩ́ɛ́, kɛ́ɩ́ bíbel.
8 Sɩ́ pɛ́rmʋ́ rɩ́ɩ́ ka nɛrɔ rɩ́ɩ́ mʋ́ sarɩ́yadííre sɩ́ɛ́.
Bee rí ɩ sɩ́ a, rɩɩ kénninɔŋɔ́ nɛ́ hɩɩ̃sɩ́?
9 Rɩɩ rɩ́rɩ́ kénninɔŋɔ́ kéŋ náŋá, ɩ́ bʋl ɔsɛ,
amá sɩ́ nɛ́ŋ wɩ́féŋsi kaa cáárɛ.
10 Rʋ́ʋ́ háá ko nʋ́ʋ́, a tʋ́ksɩ́,
kɛ́ɩ́ báá sɩ́ wóllú, ríɩ́ gírí wɩ́bʋlnyɔ́rkɛ má.
11 Ɩ há bʋ́l wɩ́bʋlwero, ʋ sɩ́ɩ́ mɛ́;
ʋ nɩhɩ̃́ salmɛ omo ɓa há ɓɩ́ɛ́rɛ́ arɩ́ wárɛ nɛ́.
12 Zɩmɛ́ tɩ́na cáánɛ nɩhɩ̃́ salmɛ nénípir arɩ́ salmɛ cʋɔrɩ́ bɛŋzɛlɛ nɛ́;
a pá nɛ́ŋ ná háá nɩ́ɛ́.
13 Nɩtaŋá tʋmɛ́ fɩɛlɛ nɛ́ŋ ná há tʋ́mʋ́ tɛŋ,
anɛ ɓɩɛ kʋsɛ́ tɛ́ŋ mɛ́ waarʋ háá fɩɛlɛ tɛŋ ɛ́.
Ʋʋ́ duórú nɔhɔ̃́ naasɛ.
14 Nɛ́ŋ ná há bʋ́lɛ́ aá hé zilé yɩɛla ká wʋ́ʋ́ kené; nɩhɩ̃́ poo arɩ́ duóbásɛ haá isi ká duóŋ waá ko ní.
15 Nyamma kɩŋkáŋ nɩ́ɩ́ bɩ́rsɛ sarɩ́yadííro sabɩɩna;
anɛ wɩ́bʋlpɔrɩ́ há wo wɩ́duoru aá ɔsɛ ɛ́.
16 Rɩɩ ná tʋʋ, ɩ dí mɔ;
rɩ́ɩ́ háá vɔkɛ daarɛ, a tʋ́ɔ́sʋ́.
17 Sɩ́ ló rɩ́ɩ́ naa a lʋ́ŋlʋ́ŋ ɩ naŋnɔŋɔ́ jaa mɛ́,
rʋ́ʋ́ sɩɛrʋ háá ko lɩ́ɩ́; rʋ́ʋ́ bɛ́rɩ́.
18 Nɛ́ŋ ná há nyɛ́ nyɩɛrʋ aá hóú nɔ́ŋɔ nʋɔ mɛ́,
nɩhɩ̃́ naɓoko ɛ́rá má tókowí ɛ́rá má tuhɛ́ŋ ná nʋɔ há cʋ́llɛ́ nɛ́.
19 Rɩ́ɩ́ yɩ́ɛ́lɛ́ zaŋbatɩɩnɔ wɩɩla tápʋl;
ʋ nɩhɩ̃́ nyɩl háá zíksé ní ɛ́ ráá má nakɔsɔ tɩ́na.
20 Nɛrɔ sɩɛrʋ há zɔ́kɛ́, kɛ́ɩ́ yɩ yɩɩla aá pɔ́ʋ́;
ʋ nɩhɩ̃́ ɩ há kenú kapóóti wurki waarʋ tɛ́ŋ mɛ́ nɛ́,
ɛ́ ráá má ɩ há á tɔhɔɔ aá hé fʋʋ mɛ́ nɛ́.
21 Rɩ losu kení dɩŋdɔmɔ, ɩ pɔ́ʋ́ rʋ́ʋ́ dí;
rɩ nyinyʋ́ɔ́sɛ kenú, ɩ pɔ́ʋ́ rʋ́ʋ́ nyɔ.
22 Rɩɩ nɛ́ á ɛ́, ʋ nɩhɩ̃́ níŋhala nɛ́ ɩ pa aá hóú nyúú mí;
amá Nyuutɩna Wɩɩsɛ sɩ́ túmí.
23 Wɩpomí nɛ́gʋ́ɔ́ rɩ́ poo kéŋ duóŋ aá ko;
ká wɩ́lʋɔrɛ bʋlɛ́ má púpusi nɩɛ náŋa cɔ́ɛ́.
24 Ɩ há fɛ́rɛ́ jɩgbóko mí;
ʋ nɛ́ cícó ɩ rɩ́ hánɛnaarɔ há tʋ́ŋ jaa mɛ́.
25 Labáárɩwero ná há lɛ́ dɩbolí ko;
ʋ nɩhɩ̃́ nyifɩɛla háá pɔrɛ nyinyʋ́ɔ́sɛ nɩkanɩ́ tɛŋ ɛ́ nɛ́.
26 Nɩtaŋá háá cel sahɔɔtɩɩnɔ sɩ́ɛ́,
ʋ nɩhɩ̃́ nyibulé há kɔ́rɛ́ ɛ́rá má vɩ́lɛ́ nyii há bíré ní.
27 Tʋʋ dídaarɔ́ wɩ weri,
Yɩjɔɔ kɩŋkáŋ má wɩ weri.
28 Nɛ́ŋ ná há wʋ́ʋ́ cɔ́ɛ́ wuó ká;
ʋ nɩhɩ̃́ tɔ́sɔɔkɛ́rɛ há zɔ́kɛ́ nɛ́, a wɩ zɛkɛ́rɛ kené.