23
1 Rɩɩ rɩ́ nɔhɔ̃́ níí dí ɓɩɛ,ɩ pɔ́ɩ́ tɩɩ mɛ́ wérí, rɩ́ óŋ ná há mɩ́nɩ́ sɩ́ɛ́;
2 kánɩ́ mɩŋtʋɔrɛ́,
rɩɩ nɛ́ ká dídítɩ́ŋ.
3 Sʋ́ʋ́ oŋpʋʋrɛ́ hɩ́ɛ̃́nʋ́:
rɩ́ ɛ́ ɓɩdííle sɩ́ kóó hɩ́ɩ̃́sɩ́.
4 Sɩ́ɩ́ tɩɩ fɩ́kʋ́ rɩ́ɩ́ a ɓɩɛ́ tɩ́na,
Sɩ́wɔ́ wɩ́ɛ́ bɩ́ɩ́nʋ́.
5 Kuóɓɩɛ nɩ́ɩ́ bíbel,
óŋ báá tóó,
Bee wɩ́ɛ́, ɓa nyʋ́ kiŋkeru,
a fil anɛ kiesí a zɩ́ bána rɩ́.
6 Sɩ́ tɩ́ŋ dí sahɔɔtɩɩnɔ ɓɩdííle,
sʋ́ʋ́ ɓɩdípʋʋrɛ́ má hɩ́ɛ̃́nʋ́.
7 Beé wɩ́ɛ́, ʋ háá bɩ́ɩ́nʋ́ ná, ʋ raá ʋʋ́ bʋl.
Ʋʋ́ bʋlɛ́: «Dí ká laa nyɔ››,
amá ʋ sɩɛrʋ wɩ́ɩ́ có.
8 Ɩ sɩ́ tʋ́ɔ́sʋ́ ɓɩɛ ná ɩ há díé,
ká rɩ́ɩ́ wɩ́bʋlwere tá yɔ́ɔ́.
9 Sɩ́ nɩcʋʋlɛ́ dɩlla mɛ́ pʋ́ʋ́sʋ́;
bee wɩ́ɛ́, ʋ sɩ́ píí zɩmɛ́ wɩ́bʋlɛ́ ná makɛ yɔ́ɔ́.
10 Sɩ́ súsúbɔbɩnɛ́wa káá nʋ́ksɛ,
káá la bisíŋsi baksɛ.
11 Ɓa latáárɔ kéŋ dóé,
Ʋ wʋ́ɔ́ wɩ́ɛ́ sáŋ pɛ́ɩ́.
12 Wúrí sɩɛrʋ a la cáánɛ;
ká ɓílí dɩlla a zesi wɩ́ɛ́ zɩmɛ́ wɩ́bʋlɛ́.
13 Sɩ́ heŋbie tʋrɛ́ fá;
rɩɩ nɛ́ pí vɩla fɩ́rʋ́, ʋ ɛ́ wʋ́ʋ́ ɓʋ́.
14 Rɩɩ nɛ́ pí vɩla rɩ́ɩ́ fɩ́rʋ́,
ɩ sɩ́ lɔ́ʋ́ mɩɩsɛ.
Cáánɛ ná áná há pɔ́ʋ́ bio
15 Ŋ bíí, rɩ́ɩ́ nɛ́ kéŋ zɩmɛ́,
ŋ má sɩɛrʋ sɩ́ tɔrɛ.
16 Ŋ sɩɛrʋ sɩ́ tɔrɛ kɩŋkáŋ,
rɩɩ nɩ́ɩ́ bʋl wɩ́bíé.
17 Sɩ́ wɩ́bɔŋ'aara wɩ́'állɛ hɩ́ɛ̃́nʋ́;
amá; lo rɩ́ Nyuutɩna Wɩɩsɛ héwífɔ́ɔ́ mɩ́nɩ́ mɛ́ tápʋ́l wuu.
18 Bee wɩ́ɛ́; ʋ sɩ́ ka cíé a pɛ́ɩ́;
kɛ́ɩ́ yɩɛla ná sɩɛ́ wɩ yɔ́ɔ́ tá má.
19 Ɩ é ŋ bio, zésíŋ, a bɩrmɛ zɩmɛ́ tɩ́na;
a pí taŋá ŋmɛ́nɔ.
20 Lɩ́sɩ́ tɩɩ nɩɛ ná há nyɔ́ dɩvɛ́ŋ aá buki
arɩ́ naŋdííribɩbara sɩɛrʋ.
21 Beé wɩ́ɛ́ sɩnyɔɔra arɩ́ dídítɩ́ɩ́na, ɓaá ɓɩ́lwɔ́ tɩɩ nɛ́;
ká ɓa dópɛ́ wɩ́ɛ́, ɓaá su gɛkɔŋsa nɛ́.
22 Zésí áná nʋɔ, ʋ nɛ́ lʋ́lɩ́,
rɩɩ maá có rʋ́ʋ́ nɩɩnɛ má, ɩ sʋ́ʋ́ guónú.
23 Ja taŋá rɩ́ zɩmɛ́ rɩ́ cáánɛ arɩ́ wɩ́zɩmɛ;
sɩ́wɔ́ píí yɛ́llɛ.
24 Bitaŋá áná jʋ́ɔ́sɛ nɛ́,
nɛrɔ ná há lʋ́l zɩmɛ́ tɩ́na ná wér.
25 A rɩ́ɩ́ áná rɩ́rɩ́ɩ́ maá tɛŋ pɔrɛ.
rɩ́ hál ná há lʋ́lɩ́ jʋ́ɔ́sɛ!
26 Láŋ dí, ŋ bio;
ká césíŋ wɩ́'állɛ arɩ́ satɔrɔ́.
27 Bee wɩ́ɛ́, hácɔrmɔ ká butoluŋo ní;
ká nɛrɔ nɔ́ŋɔ háálɔ má nɩhɩ̃́ vɩ́lɛ́ cʋʋmɩ́ nɛ́.
28 Anɛ gabɩbar há féŋse, aá kɛsɛ nɩɛ ɛ́;
ʋ má féŋso, a kɛsɛ báála ɓɩkana, a hé cɔ́rmʋ sɩɛrʋ.
Sɩ́nyɔɔrɔ mála
29 Áŋ rɛ́ tɛ wɩɩla. Áŋ rɛ́ tɛ́ fa'ɩ́ɔ̃́wa bʋlɛ́?
Áŋ rɩ́ tɛ nɛsɛ? Áŋ rɛ́ tɛ wɩ́ɛ́ gáásɛ tɛ́ŋ wuu? Áŋ rɛ́ tɛ fʋrɛ?
Áŋ rɛ́ tɛ sɩ́ɛ́ fɛ́lɛ́?
30 Nɩɛ ná há nyɔ́ dɩvɛ́ŋ aá dáánɛ pʋmmɔ nɛ́,
nɩɛ ná há kuósi sɩduoru aá nyɔ nɛ́.
31 Sɩ́ dɩvɛ́ŋ sɩ́ɩ́ wér ní bélú,
ɓa háá wáásɛ gbaŋa sɩɛrʋ.
Ɓa nyɔɛ ká mɔlɛ́.
32 Ɓa dɩtenni nɩhɩ̃́ dʋŋ háá ɓɛ́ nɛ́,
ɓa huũno nɩhɩ̃́ nétolówíŋpu ní.
33 Ɩ sɩ́ɛ́ sɩ́ bíbel wɩ́hʋɔra,
ká rɩ́ɩ́ sɩɛrʋ bɩ́bɩɩnɛ wɩ́yɔ́ɔ́wa.
34 Ɩ sɩ́ nɛ́ nɛrɔ há pɛ́ mʋdaborzeno sɩɛrʋ,
a mɩŋ mʋʋ sɩ́sɩ́ɛ́nʋ́wa.
35 Ɩ sɩ́ bʋlɛ́: «Ɓa há fɩ́rɩ́ŋ, ŋ wʋ́ʋ́ mɛ́ nɩ́ɛ́!
Ɓa há ŋmɔ́wɩ́ŋ, ʋ wɩ́ŋ mɛ́ zʋ́ɛ́.
Tɛŋ beerí rɩ́ŋ isi?
A baa ja sɩ́ŋ dɩhɩ̃́!»