22
1 Yɩwero ní cícó kuóɓɩɛ ɓɩkana mɛ́,nɩɛ háá zílí, ʋ nɩ́ cícó wárɛ arɩ́ salmɛ mɛ́.
2 Ɓɩɛ tɩ́na arɩ́ nɩyaarɔ wuu wɩ́ɩ́ nɛ́ balá,
Nyuutɩna Wɩɩsɛ nɛ́ máwɔ́ wuu bɛllɛ.
3 Nɛ́ŋ ná há ʋ́ʋ̃́ tɩɩ kanɛ́, rʋ́ʋ́ nɛ́ ná wɩɩla rʋʋ́ kó, ʋʋ́ kánʋ́ tɩɩ aá féŋsi ní.
Amá nɩɛ ná zɩmɛ́ há múríwó, ɓa wɩ húlle ɛ̃, kaá céŋ wɩɩla.
4 Nɛ́ŋ ná háá múúrú tɩɩ, aá fá Nyuutɩna Wɩɩsɛ héwíŋ,
ʋ túme ní ká kuorí rɩ́ yɩr arɩ́ mɩɩsɛ.
5 Gologolo nɩbííno ŋmɛ́nɔ mɛ́ nɛ́ sɔrʋ arɩ́ báráwa mɩŋ,
nɛ́ŋ ná háá jɔ́ʋ́ mɩɩsɛ wʋ́ʋ́ pi.
6 Gʋnnɛ heŋbie ŋmɛ́nɔ ná há mɔhɛ̃́ rʋ́ʋ́ tɩŋ, ʋ heŋbííri mí;
Rʋʋ kúó nɩɩnɛ má, ʋ wʋ́ʋ́ mɩ́ɩ́ cʋ́rɛ.
7 Ɓɩɛ tɩ́na dúkí nɩyaara mɛ́,
ká kɩŋkɩŋdííro má a nɛrɔ ná há púú ɓɩɛ aá kɩ́mʋ́ yómo.
8 Nɛ́ŋ ná há dú gɩ́ŋgɩ́rmʋ, ʋʋ́ kʋŋ wɩɩla nɛ́,
ká rʋ́ʋ́ bɔmɩ́ deŋtuke má bonni.
9 Sawér tɩ́na sɩ́ ná bárka,
bee wɩ́ɛ́, ʋ sáŋɔ́ púú ɓɩdííli aá pá nɩyaarɔ.
10 Kiri nɩmɔnnɔ ká rɩ́ kapɔsɛ tenni;
nɛsɛ arɩ́ nɩtʋksɔ́ tenné ní ɛ́.
ʋ nɛ́ ká kuóro nannɔ́ŋɔ.
12 Nyuutɩna Wɩɩsɛ sɩ́ɛ́ mɩŋ wɩ́ɛ́ zɩmɛ́ mɛ́,
amá ʋʋ́ wúlli nyɛtɩɩnɔ mʋ́l.
13 Tɛŋwɩtɩɩnɔ́ bʋlɛ́: «Kɩ́ŋkáná mɩŋ pʋmmɔ,
rɩŋ lɩ́ɔ́, ʋ sɩ́ ɓʋ́ŋ ŋmɛ́nɔ mɛ́.»
14 Hácɔrma wɩ́bʋlɛ́ ká butoluŋo ní,
Nyuutɩna Wɩɩsɛ cɔ́ɛ́ háá wɛ nɛ́ŋ ná nɩ́ɩ́ ɓal ráŋ.
15 Cʋ́llɛ mɩŋ heŋbie sɩɛrʋ,
tʋrɛ́ vɩla nɛ́ kenú aá kɛkɛ cʋ́llɛ mɛ́.
16 Nɛ́ŋ ná háá bɛ́ŋsɛ nɩyaarɔ, ʋʋ́ hóú kuorí mí ní;
Zɩmɛ́tɩ́náwa wɩ́bʋlɛ́
17 Ɓílí dɩllɛ a zesi zɩmɛ́tɩ́náwa wɩ́bʋlɛ́;
wúólí sɩɛrʋ a zɩ́mɩ́ŋ wɩ́ɛ́.
18 Rɩɩ ló rɩ́wɔ́ mɩnɩ́ sɩɛrʋ, ɩ ná wér;
ká rɩ́wɔ́ lɩ́lɩ́ nʋɔ má mɛ́.
19 Ŋŋ́ já rɩ́ɩ́ yɩɛla mɩŋ Nyuutɩna Wɩɩsɛ rɩ́ɩ́ nɛ́,
ɛ́ nɛ́ tɛ ŋ jɩ́ja rɩ́ɩ́ má tɩɩ zaá zɩŋ wɩ́ɛ́.
20 Sɩ́ŋsʋ́ɔ́la mɛrɛ́ arɩ́ fí ní ŋ pʋ́ŋsɛ pɛ́ɩ́,
rɩ́wɔ́ pɛ́ɩ́ cáánɛ arɩ́ wɩ́ɛ́ zɩmɛ́;
21 rɩ́ŋ mákɩ́ pʋmmɩ́, wɩ́ɛ́ ná há ká taŋá,
rɩ́ɩ́ wólli bɩrko bʋl wɩ́taŋáwa aá pá nɩɛ ná há tʋ́mɩ́.
22 Sɩ́ nɛ́múrtɩɩnɔ vɩ́rʋ́, ʋ há ká nɛ́múrtɩ́ŋ wɩ́ɛ́;
ká sɩ́ nɩyaarɔ má gɩ́rmʋ́ sarɩ́yadíí mí.
23 Bee wɩ́ɛ́ Nyuutɩna Wɩɩsɛ nɛ́ sɩ́ yówó lal,
ká ɓʋ́ nɩɛ ná há láwɔ́ ɓɩɛ.
24 Sɩ́ cɔ́ɛ́ tɩ́na nannɔŋnɩ́ dí,
a sɩ́ ló rɩ́ɩ́ rɩ́ nanaarɔ tʋŋ naa mɛ́.
25 Rʋ́ʋ́ wɩ́'állɛ ná haá ko malɩ́,
a a bárá má a lɩ́sɩ́ mɩɩsɛ.
26 Sɩ́ɩ́ tɩɩ píí hé nɩɛ ná há lá nɩɛ wɩ́ɛ́ aá cɩ́ɩ́nɛ sɩɛrʋ,
há lá kɩma aá pá nɩɛ sɩɛrʋ.
27 Bee wɩ́ɛ́, rɩɩ nɛ́ wɩ óŋ kené aá túŋ ɛ́ kɩŋ; ɓa sɩ́ íllí ká lɛ́ɩ́ basa má tɩɩ.
28 Sɩ́ɩ́ súsúbɔbɩnɛ́wa ná, ɩ naabálwa há héé káá nʋ́ksɛ.
29 Ɩ kɩ́ɛ́lɛ nɛrɔ ná háá tʋ́mʋ́ tʋtʋmɩ́ wérí rí? Ʋ sɩ́ wólli tʋ́ŋ aá pá kuóre,
ká sɩ́ nɩyɔ́ɔ́wa sɩɛrʋ kénú.