21
1 Kuóro sabɩɩna nɩhɛ́ nyipalɛ́ nɛ́ Nyuutɩna Wɩɩsɛ nɛ́sɛ mɛ́,ʋ kánʋ́ bɩ́rɛ aá hé ráŋ ná wuu, ʋ há có.
2 Nɩbííno é rí, ʋ wɩ́'állɛ wuu ní weré,
amá Nyuutɩna Wɩɩsɛ nɩ́ɩ́ kɩ́ɛ́lɛ sabɩŋsɛ.
3 Taŋá arɩ́ yɛ́rɛ́ ɛɛ,
Nyuutɩna Wɩɩsɛ cówó ní
a kɩ́llɛ vʋka ɔsɛ́.
4 Nyʋkɔ sɩ́belé arɩ́ nyʋkɔ sabɩɩna,
ɓa nɩ́ɩ́ makɛ sahɔɔtɩɩna wɩ́bɔma.
5 Nɛ́ŋ ná há kɩ́ɛ́lɛ kaá tʋŋ, ʋ nɩ́ɩ́ ná ɓɩɛ kɩŋkáŋ,
amá nɛ́ŋ ná háá ja kɩ́kɛ́lɛ́, yaara sɩ́ kánʋ́.
6 Gɩragɩra kuorí waá dáánɛ,
nɩɛ ná háá a ɛ́, ɓaá ja sʋʋ nɛ́.
7 Nɩbɔma bɔmɩ́ nɩ́ɩ́ zɔ́kwɔ́;
bee wɩ́ɛ́ ɓa vɛ́ yɛ́rɛ́ tɩŋɛ́.
8 Nɩɓʋ́ʋ́rɔ mála wɩ weri;
amá nɩtaŋá é wɩ́'állɛ cɛ́rɔ́.
9 Ɩ há fɛ́rɛ́ jɩgbóko mí
ʋ nɛ́ cícó ɩ rɩ́ hánɛnaarɔ há tʋ́ŋ jaa mɛ́.
10 Sahɔɔtɩɩnɔ wɩ́jaalɩ́ wuu ní ká bɔ́ŋbɔ́ŋ ɛɛ;
ʋ wʋ́ʋ́ nannɔ́ŋɔ má tɩɩ ɛ̃.
11 Rɩ ɓa nɛ́ tʋ́rɛ́ nɩmɔnnɔ, nɩcʋʋlɛ́ sɩ́ɛ́ sɩ́ puri.
Ká rɩ ɓa nɛ́ cáánɛ zɩmɛ́ tɩ́na, ʋ wɩ́ɛ́ zɩmɛ́ sɩ́ súúri.
12 Nɩtaŋá kɩ́ɛ́lɛ sahɔɔtɩɩna jaa wɩ́ɛ́,
ká yíkwó aá hé wɩɩla sɩɛrʋ.
13 Nɛ́ŋ ná há vɛ́ɛ́ rʋ́ʋ́ zesi nɩyaarɔ wííle;
ʋ tɩɩ sɩ́ ko cáási ká rɩ́ nɛ́ŋ sʋ́ʋ́ rɩ́ɩ́ zésú.
14 Zíllʋɔrɛdííli, ʋʋ́ pɔrɛ cɔ́ɛ́,
zílféŋsi maá pɔrɛ cɔ́ɛ́ ɓɩzeno.
15 Nɩtaŋá satɔrɔ́ nɛ́ ká yɛ́rɛ́ ɛɛ,
amá wɩ́bɔŋ'aarɔ é rí, wɩɩla nɛ́.
16 Nɛ́ŋ ná há tá zɩmɛ́ ŋmɛ́nɔ,
ʋʋ́ mʋ́ rʋ́ʋ́ fɩɛlɛ lɛlɛ tɔ́ɔ́ mɛ́ nɛ́.
17 Nɛ́ŋ ná há cóú tɛŋpɔ́rɛ́wɩ́ɛ́ ɛɛ, yaara sɩ́ kánʋ́;
nɛ́ŋ ná há có dɩvɛ́ŋ nyɔɛ arɩ́ ɓɩdíwere díí, ʋ wɩ ɓɩɛ wuó ka.
18 Nɩtaŋá wɩɩla, sahɔɔtɩɩnɔ nɩ́ɩ́ díé,
ká nɩwero wɩɩla, zaŋbatɩɩnɔ nɩ́ɩ́ díé.
19 Nɛrɔ há ké gɩrbétéke sɩɛrʋ nɛ́ cícó,
ʋ rɩ́ hánɛnaarɔ ná háá pusi cɔ́ɛ́, há tʋ́ŋ jaa mɛ́.
20 Zɩmɛ́ tɩ́na jaa mɛ́, oŋpiŋe arɩ́ nʋʋ mɩŋ ráŋ;
amá nɩcʋʋlɛ́ é kenú ɓɩɛ aá zɔkɛ nɛ́.
21 Nɛ́ŋ ná háá ja taŋá arɩ́ nɩcɩ́tɩkɔ́,
ʋ sɩ́ ná mɩɩsɛ, taŋá arɩ́ yɩr.
22 Zɩmɛ́ tɩ́na nɛ́ wo bɩbara tɔ́ɔ́ aá la,
a zɔ́kwɔ́ zekɛ́rɛ ná ɓa yɩɛla há mɩ́nʋ́ mɛ́.
23 Nɛ́ŋ ná háá pɔ́ʋ́ nʋɔ wɩ́bʋlɛ́ mɛ́,
ʋʋ́ kɛ́rʋ́ tɩɩ mɛ́ nɛ́ rɩ́ wɩɩla sʋ́ʋ́ pérú.
24 Nɛ́ŋ ná há kéŋ sɩ́beŋsí, a ká nyʋkɔ, ʋ yɩr nɛ́ ká nɩmɔnnɔ;
ʋ wɩ́ɩ́ wuu sɩɛrʋ, nyʋkɔ kɛ nɛ́sɛ.
25 Tɛŋwɩtɩɩnɔ wɩ́hɩɛnɛ́ nɩ́ɩ́ ɓʋ́ʋ́,
bee wɩ́ɛ́, ʋ nɛ́sɛ wɩ tʋmɛ́ ja.
26 Ʋʋ́ hɩɛ̃nɛ ɓɩɛ tápʋl wuu;
amá nɩtaŋá é wʋ́ʋ́ ɓɩɛ píé pá káá káánɛ.
27 Sahɔɔtɩɩna vʋk'ɔsɔ́ kéŋ sakuosó;
bee wɩ́ɛ́, ɓa kéŋ sabɩŋtɩɛnnɛ nɛ́ aá ɔ́sɩ́wɔ́.
28 Dáŋsɩ́ɛ́ nyɛtɩɩnɔ sɩ́ sʋwɛ;
amá nɛ́ŋ ná há ɛ̃ wɩ́ɛ́ zesé sɩ́ ká wɩ́bʋlɩ́ tɛ́ŋ wuu mí.
29 Sahɔɔtɩɩnɔ sɩ́ɛ́ zúkó;
amá nɛrɔ ná háá tɩŋ yɛ́rɛ́ mala waá káŋsɛ.
30 Nyuutɩna Wɩɩsɛ sɩ́ɛ́ mɛ́, nɩbííno zɩmɛ́,
ʋ wɩ́zɩmɛ, ʋ cáánɛ, ɓa ká yɔ́ɔ́ nɛ́.
31 Ɓa wo zaka vɔwɛ aá mʋ́ lal,
amá ballɩ́ lɛ Nyuutɩna Wɩɩsɛ nɛ́.