Wɩɩsɛ nɛ́ tɛ́ píŋ bána arɩ́ tíé wuu nyúú
148
1 Ɩ́ Wɩɩsɛ mɛ́.Ɩ́ píŋsi Wɩɩsɛ ná há mɩ́ŋ bána nyúú:
ɩ́ píŋsi Wɩɩsɛ ná há mɩ́ŋ nyúú rí.
2 Ɩ́ é, ʋ malɩkawa, ɩ́ wuu píŋsú,
ɩ́ é, ʋ lalyóóre, ɩ́ wuu píŋsú.
3 Wɩpomí arɩ́ cana, ɩ́ píŋsú,
ɩ́ é caŋwʋllɛ ná há kéŋ pʋmmɔ, ɩ́ wuu píŋsú.
4 Ɩ é bána há mɩ́ŋ nyúú rí, ɩ́ píŋsú
ɩ́ é nyii há mɩ́ŋ bána nyúú rí.
5 Ɓa nyáŋ wuu mɔhɔ̃́ rɩ́wɔ́ píŋi Nyuutɩna Wɩɩsɛ,
beé wɩ́ɛ́, ʋ nɛ́ máwɔ́ a tɩ́ŋʋ́ wɩ́bʋlɛ́ mɛ́.
6 Ʋ nɛ́ ɛ́ɛ́ ɓa mɩ́ŋ a káá mʋ́ wuu;
ʋ nɛ́ bíl wɩ́ɛ́ ná há wáá giri.
7 Ɩ́ píŋsi Nyuutɩna Wɩɩsɛ:
ɩ́ é mʋʋ sɩɛrʋ oŋbérme, arɩ́ nyiluŋe ná wuu há mɩ́ŋ tíé nyúú,
8 níŋ, dodɔ́wʋ́ɔ́, nyɛldɔ́wʋ́ɔ́, kʋʋlɔ́,
dopoo há tɩ́ŋʋ́ sɛ́,
9 pallɛ arɩ́ dúŋduóme wuu,
tuuni ná háá nɔnɛ́ arɩ́ sɛɛdɩrɛwa wuu,
10 balla arɩ́ pʋsɛ wuu,
títúúre arɩ́ diíwiisi,
11 tíé nyúú kuóre arɩ́ duó wuu nɩɛ,
sɩ́dííre arɩ́ tíé nyúútɩ́náwa wuu,
12 bápʋ́ɔ́sɛ arɩ́ tolpʋ́ɔ́sɛ má,
nɩhɩ́ɛ̃́sɛ arɩ́ heŋbíísi.
13 Ɓa mɔhɔ̃́ rɩ́wɔ́ píŋsi Nyuutɩna Wɩɩsɛ yɩr,
beé wɩ́ɛ́, ʋ dʋŋɔ yɩr nɛ́ kɛ́ yɩr wuu,
ʋ kuorí níí dí tíé arɩ́ bána wuu nyúú.
14 Ʋ nɛ́ kénú nɩɛ nyúú ɓɔ́.
Yɩr nɛ́ a pá nɩɛ ná wuu há cɩ́nɛ́ tɩ́kʋ́,
a pá Ɩzɩrayɛl nɩɛ, nɩɛ ná há mɩnʋ́ laka.
Ɩ́ píŋsi Wɩɩsɛ.