Nyuutɩna Wɩɩsɛ cóú nɩɛ
149
1 Ɩ́ bɛ́ Wɩɩsɛ mɛ́.Ɩ́ ɓá yɩl a pá Nyuutɩna Wɩɩsɛ;
ɩ́ píŋsú nɩɛ ná há cɩ́nɛ́ tɩkʋ́ náŋá dɩceme mí.
2 Ɩzɩrayɛl, jʋ́ɔ́sɩ́ Tɩna yɩr mɛ́,
Sɩɔŋ bɛlɛ mɔhɔ̃́ rɩ́wɔ́ a satɔrɔ́ ɓa kuóro yɩr mɛ́.
3 Ɓamɔhɔ̃́ rɩ́wɔ́ gɔ gʋɔla a píŋsú yɩr,
rɩ́wɔ́ dú beŋtere arɩ́ cemo a bʋ́ʋ́ mɛ́.
4 Beé wɩ́ɛ́, Nyuutɩna Wɩɩsɛ kénú nɩɛ wɩ́ɛ́,
ballɩ́ nɛ́ ká neŋcú ʋ cú aá pá nɩɛ ná há kéŋ múriŋtɩɩ.
5 Nɩɛ ná há cɩ́nɛ́ tɩ́kʋ́ mɔhɔ̃́ rɩ́wɔ́ jʋ́ɔ́sɛ, a píŋsú (a kánʋ́ yɩr ɓɔ́),
a caasi satɔrɔ́ rɩ́wɔ́ pɩ́ŋwɔ́ baŋsa má mɛ́,
6 a ɓɔ́wɔ́ líŋsi a bɛ́ Wɩɩsɛ mɛ́,
ká pá tokówíé ná háá dí nʋʋsɛ bɛllɛ káŋwɔ́ nɛ́ŋsa mɛ́,
7 a dí tɛŋbuóro duówa naŋá nyúú,
a bɛ́ŋsɛ nɩɛ náŋá,
8 a hé kuóre náŋá ɓɛ́ŋsɛ sɩɛnnɛ,
a héwó nɩpiŋe bɛ́ŋzɛllɛ sɩɛnnɛ,
9 a makɛ rɩ sarɩ́ya ná fá bílwó mí nʋɔ sú,
nɩɛ ná wuu há cɩ́nɛ́ tɩ́kʋ́ yɩrɩ́ nɛ́ ɛ́.
Ɩ́ bɛ́ Wɩɩsɛ mɛ́.