Nyuutɩna Wɩɩsɛ nɛ́ lá taŋá aá pá nɛ́múrtɩɩna
146
1 Ɩ́ bɛ́ Wɩɩsɛ mɛ́.Ŋ dʋma, bɛ́ Nyuutɩna Wɩɩsɛ mɛ́.
2 Ŋ hiẽso wuu mí, ŋ sɩ́ píŋsi Nyuutɩna Wɩɩsɛ,
ŋ tápʋlɛ ná há kaanɛ sɩɛrʋ, ŋ sɩ́ dɛnnɛ Wɩɩsɛ.
3 Ɩ́ sɩ́ɩ́wa yɩɛla píí hé sɩ́dííre mí,
ɛ́ ráá má nɩbííne há wɩ́ɩ́wa wo láá tá mí:
4 ɓa mɩɩsɛ sɩ́ tenni, rɩ́wɔ́ bɩrzʋ́wɔ́ kúŋkulo,
ɛ́ tɛ́ŋ mɛ́, rɩ́ ɓa jáŋwa má sʋsɔ nɛ́ ɛ́.
5 Nɛ́ŋ ná há yelli Zakɔbɛ Wɩɩsɛ mɛ́,
aá yɩɛlɛ Nyuutɩna Wɩɩsɛ, ʋ Wɩɩsɛ, ʋ ná wér.
6 Ʋ nɛ́ ká tíé rɩ́ bána,
mʋʋ arɩ́ onni ná wuu há mɩnʋ́ sɩɛrʋ mɩ́máárɔ,
ʋ nɛ́ ká taŋá pʋ́pɔ́ɔ́rɔ ná ká dɩŋɛ:
7 Ʋ nɛ́ pí taŋá aá pá nɩɛ ná ɓa háá bɛ́ŋsɛ,
ʋ nɩ́ɩ́ pá losu nɩkanɛ́ ɓɩdííle';
Nyuutɩna Wɩɩsɛ nɛ́ la bɩna jaa nɩɛ aá tá,
8 Nyuutɩna Wɩɩsɛ nɩ́ɩ́ wuri nyʋmma sɩ́ɛ́,
Nyuutɩna Wɩɩsɛ nɩ́ɩ́ cuoli summe,
Nyuutɩna Wɩɩsɛ có nɩtaŋáwa,
9 Nyuutɩna Wɩɩsɛ nɩ́ɩ́ pɔ́ nɩhʋɔra mɛ́,
ʋ nɩ́ɩ́ pɛ́ bisime arɩ́ yuháálɔ mɛ́,
amá ʋ kéŋ nɩbɔma ŋmɛ́ŋsɛ aá cʋrɛ.
10 Nyuutɩna Wɩɩsɛ kuorí waá toki.
Sɩɔŋ, ʋ nɛ́ kɛ́ɩ́ Wɩɩsɛ, bɩna kati.
Ɩ́ bɛ́ Wɩɩsɛ mɛ́.