Rɩ Nyuutɩna Wɩɩsɛ nɛ́ wɩ jaa sɔ́ɛ́
127
1 Salomoŋ yɩl. Yɩl ná ɓa háá yɩ́ɛ́,
rɩ ɓa nɛ́ kuó zʋ́ ŋmɛ́nɔ, aá mʋ́ Wɩɩsɛ dɩmɩnɩ́.
Rɩ Nyuutɩna Wɩɩsɛ nɛ́ wɩ jaa sɔ́ɛ́,
jɩsɔ́ɔ́ra tʋ́ŋ yɔ́ɔ́ nɛ́.
Rɩ Nyuutɩna Wɩɩsɛ nɛ́ wɩ tɔ́ɔ́ mɛ́ pɔ́ɛ́,
pʋ́pɔ́ɔ́ra bɛrɛ dóŋ yɔ́ɔ́ nɛ́.
2 Ɩ́ fól isé ká yɔ́ɔ́,
ɩ́ fól pɛ́ má yɔ́ɔ́,
ɩ́ kányááne ɓɩdííle díí má ɛ́ tɩɩ.
Ʋ naŋnɔŋɔ pɛ́ dóŋ ɛ́ nɛ́, kɔ́ʋ́ pʋ́pɔ́ʋ́ kɩ́ŋkáŋ.
3 Ʋ ká ɛ́ nɛ́, bɛlɛ ká kér ná
Nyuutɩna Wɩɩsɛ háá ɓɛ́ɛ́ nɛ́,
bɛlɛ ká siile ní.
4 Báʋ́ɔ́sɩ́ bɛlɛ nɩhɩ̃́ hɛ́mɛ́
há mɩ́ŋ lalyóóro nɛ́sɛ mɛ́ nɛ́.
5 Nɛ́ŋ ná há nówó súú huõno ná wér.
Ʋ nyúú wáá curi, rʋ́ʋ́ nɛ́ kuó aá bʋl wɩ́ɛ́
dɩŋdɔmɔ rɩ́ tɔ́ɔ́ dánʋʋsɛ mɛ́.