Rɩ Nyuutɩna Wɩɩsɛ hé bárka pɛ́ɩ́
128
1 Yɩl ná ɓa háá yɩ́ɛ́, rɩ ɓa nɛ́ kuó zʋ́ ŋmɛ́nɔ,
aá mʋ́ Wɩɩsɛ dɩmɩnɩ́.
Nɩɛ ná wuu háá fá Nyuutɩna Wɩɩsɛ héwíŋ,
aá tɩ́ŋʋ́ ŋmɛ́ŋsɛ, ɓa ná wér.
2 Ɩ nɛ́sɛ tʋtʋmɛ́ nɛ́ sɩ́ dɩ́ɛ́sɩ́.
Ɩ ná wér. Ɩ nɛ́ tɛ́ nɛ́rɛ́.
3 Ɩ jaa sɩɛrʋ, ɩ háálɔ nɩhɩ̃́ viínyi ná há kéŋ nɔnɔ nɛ́;
ɩ bɛlɛ nɩhɩ̃́ olívi tuuni ní
ɩ táábɩl kile.
4 Ná ɛ́ ná bárka há sɩ́ peri
nɛ́ŋ ná háá fá Nyuutɩna Wɩɩsɛ.
5 Nyuutɩna Wɩɩsɛ sɩ́ mɩ́ŋ Sɩɔŋ ká hé bárka pɛ́ɩ́,
ɩ sɩ́ ná Zerizalɛmɛ nɛ́rɛ́ (wér díí)
ɩ hiẽso wuu mí,
6 ɩ sɩ́ɩ́ sɩ́ néí bɛlɛ má bɛlɛ.
Rɩ Ɩzɩrayɛl ká tɛŋfɩ́ɛ́l.