Dúí arɩ́ kʋ́mɛ́
126
1 Yɩl ná ɓa háá yɩ́ɛ́, rɩ ɓa nɛ́ kuó zʋ́ ŋmɛ́nɔ,
aá mʋ́ Wɩɩsɛ dɩmɩnɩ́.
Nyuutɩna Wɩɩsɛ há kéŋ Sɩɔŋ nɩkɛ́sɛ́ ná bɩrko,
ʋ ká mʋ́mʋ́rɩ́ rɛ́ a párá.
2 Ɛ́ nɛ́ tɛ́ á mɔ́ŋ a tárá tɩɩ,
a yakɛ kulí, tɛŋpɔrɔ́ wɩ́ɛ́;
ɛ́ nɛ́ duówa ná naŋá nɩɛ sɛ́:
«Nyuutɩna Wɩɩsɛ a wɩ́zeŋse ní pɔ́wɔ́.»
3 Nyuutɩna Wɩɩsɛ a wɩ́eŋse párá,
á sɩɛnnɛ tɔrɛ.
4 Nyuutɩna Wɩɩsɛ, bɩr ɔ́sɩ́rá kéné,
anɛ nyii há palɛ́ mʋ́ zʋ́ gɩrbétéke sɩɛrʋ.
5 Nɛ́ŋ ná há kéŋ sɩ́mɩ́ɩ́rʋ dú,
sɩ́ ká satɔrɔ́ a kʋsɛ.
6 Nɛ́ŋ ná há cɩ́ɩ́nɛ oŋduó
a wi aá mʋ́,
ʋ sɩ́ cɩ́ɩ́nɛ oŋnyúnni
a mɔ́ŋ a bɩrɛ aá ko.