Nɩɛ ná háá yɩɛla Nyuutɩna Wɩɩsɛ
125
1 Yɩl ná ɓa háá yɩ́ɛ́, rɩ ɓa nɛ́ kuó zʋ́ ŋmɛ́nɔ,
aá mʋ́ Wɩɩsɛ dɩmɩnɩ́.
Nɩɛ ná háá yɩɛla Nyuutɩna Wɩɩsɛ
nɩhɩ̃́ Sɩɔŋ paalɔ́ nɛ́:
ʋ mɩnɔ́ a káá mʋ́ wuu,
ʋ wáá giri.
2 Anɛ ɛ́ pallɛ há kíl Zerizalɛmɛ,
Nyuutɩna Wɩɩsɛ mɩnʋ́ nɩɛ kile,
a pɔ́ nyɛ́ mɛ́, ká káá mʋ́ wuu.
3 Bádá, sɔhɔtɩ́ɩ́nɔ wáá wolli dí dóé,
nɩtaŋáwa dɩtɩllɛ mɛ́,
nɩtaŋáwa wʋ́ɔ́ nɛ́ŋsa píí hé wɩ́tɩɛnnɛ sɩɛrʋ.
4 Nyuutɩna Wɩɩsɛ, a weri a pá nɩwero,
a pá nɛ́ŋ ná sɩɛrʋ há pʋmmɔ.
5 Amá rɩ Nyuutɩna Wɩɩsɛ kiri
nɩɛ ná há píwó tɩɩ hé ŋmɛ́ŋgbolle sɩɛrʋ
arɩ́ wɩ́bɔ́ŋ'áára.
Rɩ Ɩzɩrayɛl ká tɛŋfɩ́ɛ́l.