Ʋ a wɩ́gɩrɛ́
Bél 112
111
1 Aleluya (Á bɛ́ Wɩɩsɛ mɛ́)Ŋ sɩ́ bɛ́ Nyuutɩna Wɩɩsɛ mɛ́ arɩ́rɩ́ŋ sɩɛrʋ wuu
nɩtaŋáwa arɩ́ nɩkaná ceŋsi mí.
2 Nyuutɩna Wɩɩsɛ tʋŋ tʋtʋŋzeŋse
nɩɛ ná wuu há cówó káá bɩbɛllɛ.
3 Ʋ wɩ́állɛ kéŋ yɩr arɩ́ píŋ
ʋ taŋá wɩ toko kéné.
4 Ʋ jáŋ nɛ́ ká rɩ́wɔ́ líísú wɩ́nyaŋsɛ ná wɩ́ɛ́;
Nyuutɩna Wɩɩsɛ kéŋ sawér arɩ́ súsúfɔ́ɔ́.
5 Ʋʋ́ pá nɛ́ŋ ná wuu há fɔ́ʋ́ ɓɩdííle,
tɛ́ŋ wuu mí ʋʋ́ líísú nʋtʋmɛ ná wɩ́ɛ́.
6 Ʋ tʋŋ tʋtʋŋzeŋse a makʋ́ dóé a pɔ́ʋ́ nɩɛ,
a la duówa naŋá dɩtɩ́llɛ a pɔ́wɔ́.
7 Ʋ nɛ́sɛ wɩ́állɛ ká taŋá a cɛrɛ má,
ʋ wɩ́bile wuu ká pʋmmɩ́,
8 ɓa mɩnɔ́ a káá mʋ́ wuu,
ɓa tʋrɔ, a á taŋá má.
9 Ʋ ɔ́ɔ́ ʋ nɩɛ ná laatɛ́,
ʋ bil nʋtʋmɛ dɩŋɛ ʋ rɩ́wɔ́ pɛ́kɛ.
Ʋ yɩr kɔ́ʋ́ dʋŋɔ, ʋ kéŋ héwíŋ.
10 Nyuutɩna Wɩɩsɛ fɛ́ɛ́ nɛ́ ká zɩmɛ́ dɩpúli:
nɩɛ ná wuu háá tʋŋ ɛ́ɛ́ kéŋ wɩ́zɩŋ.
Ʋ dɛnnɛ wɩ dɩtenni kéné.