Kuóro ná há ká vʋk'ɔɔsɔ
110
1 Davidi yɩl.
Nyuutɩna Wɩɩsɛ há sʋ́ʋ́ ná a páŋ nyúútɩ́na:
«Kéníŋ néduu,
rɩ́ŋ kɛ́sɩ́ dɩŋdɔma héí naasɛ mʋ́l.»
2 Rɩ Nyuutɩna Wɩɩsɛ pɔ́ Sɩɔŋ mɛ́
ká tɛ́rɩ́ dóé deŋduke ná.
Rɩ́ɩ́ dóé ɩ dɩŋdɔma sɩɛrʋ.
3 Ɩ nɩɛ fá kéŋ kajaŋa
kal ná ɩ há nyɩ́ɩ́sɩ́ dóé.
Arɩ́ pʋmmɔ /wer ná há kɔ́ʋ́ dʋŋɔ,
ɓa lɩ pʋmmɔ dɩlɩ́ɩ́,
aá kóí rɩ́ anɛ cɩcʋɔ fól nyɛlɔ́.
4 Nyuutɩna Wɩɩsɛ nɛ́ ŋmɩ́ɛ́sɛ,
ʋ wʋ́ʋ́ nʋɔ har lɛ́:
«Ɩ ká vʋk'ɔɔsɔ nɛ́ a káá mʋ́ wuu
anɛ Mɛlsɩsedɛkɛ.»
5 Nyuutɩna Wɩɩsɛ mɩnɩ́ néduu:
ʋ sɩ́ tɩksɛ kuóre, ʋ cɔwɩɩlɔ́ kal;
6 ʋ sɩ́ dí duówa nɩɛ sarɩ́ya; lɛ́lɛ́ sɩ́ pú náŋá mɛ́:
ʋ sɩ́ tɩksɛ nyúútɩ́nawa tíé dɩhɩ̃́ wuu.
7 Ʋ nyɔ polcʋɔrɛ́ nyii nmɛ́nɔ́ mɛ́
a kánʋ́ nyúú ɓɔ́.