Laadííre sɩ́ wér tɛŋfɩ́ɛ́l sɩɛrʋ
112
1 Nɛ́ŋ ná háá fá Nyuutɩna Wɩɩsɛ héwíŋ,a collú wɩ́makɛ́ ná wér:
2 Ʋ dunɩɛ sɩ́ a bɩbara tíé nyúú,
nɩtaŋawa duó sɩ́ bárka.
3 Ʋ kéŋ oŋwéré arɩ́ kuóɓɩɛ,
ʋ nɩtaŋnɛ mɩnɔ́ a káá mʋ́ wuu.
4 Pʋmmɔ nɛ́ isi bino sɩɛrʋ rʋ́ʋ́ caanɛ nɩtékétékewa.
Rʋ́ʋ́ caanɛ nɩtaŋáwa ná há kéŋ sawér,
zile arɩ́ súsúfɔ́.
5 Nɩbííno háá fá súsú, aá saŋʋ́ náŋá mɛ́, yɛrɛ nɛ́ ɛ́:
ʋ sɩ́ tʋ́mʋ́ wɩ́ɛ́ ɓa sɩ́ɩ́ mɛ́:
6 ʋ waá tɛ́l ná, a káá mʋ́ wuu,
tɛ́ŋ wuu mí, ɓáá liisi nɩtaŋá wɩ́ɛ́.
7 Laabaarɛ bɔma wɩ héwíŋ kéné a pɔ́ʋ́,
ʋ sɩɛrʋ pɩ dɩbalá, beé wɩ́ɛ́, ʋ yɩɛla mɩ́ŋ Nyuutɩna Wɩɩsɛ rɩ́ nɛ́;
8 ʋ wɩ wɩ́ɩ́ wuu fá, ʋ baŋcɩ́la pɩ́rɛ́,
ʋ wóú dɩŋdɔma aá fɩllɛ.
9 Ʋ caasɔ́ pɛ́ nɩyaara mɛ́:
ʋ taŋá wáá tenní ná,
ʋʋ́ ɓɔ́ʋ́ nyúú arɩ́ tɛŋprɔ́ nɛ́.
10 Nɩbɔmɔ nóú a dídí cɔ́ɛ́,
ʋ mʋʋnɔ, ʋ nʋɔ máánɔ (aá dʋsɛ nyɩla):
nɩbɔma sabɩɩnajáŋwa suhala cuoro.