Ŋ sɩ́ dí ballɩ́
(v 2-6 rɩ́ yɩɩla 57. 8-12 ká wɩ́ɩ́ balá nɛ́, v 7-14 má rɩ́ yɩɩla 60 v 7-14 ká wɩ́ɩ́ balá nɛ́)
108
1 Davidi yɩɩl.
2 Ŋ Wɩɩsɛ, ŋ sɩɛrʋ pɩ dɩbalá,
ŋ sɩ́ yɩ yɩl, a dɛ́nnɩ́:
ɛ́ nɛ́ kéŋ yɩr páŋ!
3 Cemo arɩ́ lɔŋŋɔ, ɩ́ isi daha,
ŋ sɩ́ ŋmɔwɛ ziɓelo (ŋ sɩ́ isi rɩ tɔ́ɔ́ há wɩ ɓóŋ pʋlɛ).
4 Nyuutɩna, ŋ sɩ́ píŋsí nɩɛ sɩɛrʋ,
ŋ sɩ́ dɛ́nnɩ́ a pá duówa nɩɛ;
5 beé wɩ́ɛ́, ɩ nɩcɩtɩkɔ́ isó daarɛ bána mɛ́
kɛ́ɩ́ taŋá má zɩ aá peri dobasɛ mɛ́.
6 Wɩɩsɛ, isi cɛ́ daha bána nyúú;
rɩɩ píŋ tɔ́ tíé wuu mí.
7 Lɛ́ɩ́ nɩcolle a tá, a tɩ́ŋɩ́ vadóé mí,
saŋɩ́ŋ sʋ́lɛ́.
8 Wɩɩsɛ bʋl wɩ́ɛ́ ʋ jaa sɩɛrʋ a bʋ́lɛ́:
Ŋ nɛ́ tɛ́ ballɩ́; ŋ sɩ́ ká Sɩɩsɛmɛ a ɓá
ká máŋsɛ Sʋkɔtɛ polo.
9 Ŋ nɛ́ tɛ́ Galaadɛ; ŋ nɛ́ tɛ́ Manase;
Ɩfɩrayɩŋ káŋ néŋcugbaŋa nɛ́;
Ziida káŋ kuódeŋduke ní;
10 Mʋwabɛ nɛ́ ká gbaŋa ná ŋ há kéné aá fo nyii.
Ŋ lɩ́sɩ́ŋ natɔ́wɔ́ a yo (mallɛ) Edoŋ mí;
a) ká caasi ballɩ́ Filisiti nyúú.
11 Áŋ rɛ́ sɩ́ kánɩ́ŋ a zʋ́ tɔ́sɔ́kɛrɛ sɩɛrʋ>>
Áŋ rɛ́ sɩ́ kánɩ́ŋ a mʋ́ Edoŋ,
12 rɩ́ɩ́ tɩɩ Wɩɩsɛ ná fá há vɛ́ rá tá ráá sɩɛ́,
ɩ é Wɩɩsɛ ná há vɛ́ rɩ́ɩ́ lárá lalyóóre sɩ́ɛ́, a káŋwɔ́ aá mʋ́ lalwa>>
13 Ko lárá ta dɩŋdɔmɔ nɛ́sɛ mɛ́,
beé wɩ́ɛ́, nɩbííno é saŋɛ ká yɔ́ɔ́ rɛ́.
14 Wɩɩsɛ yɩr mɛ́, á sɩ́ dí ballɩ́wa:
ʋ nɛ́ sɩ́ tɩksɩ́rá dɩŋdɔma.