Wɩɩsɛ é mɩnʋ́ taŋá sɩɛrʋ, rɩ́ ráá nɛ́ có á to taŋá sɩɛrʋ má
(v 1, arɩ́ 47-48 mɩ́ŋ 1Kuóre wɩ́állɛ kɛnɔ sɩɛrʋ
106
1 Aleluya!Ɩ́ dɛnnɛ Nyuutɩna Wɩɩsɛ beé wɩ́ɛ́, ʋ wero.
Beé wɩ́ɛ́ ʋ nɩcɩtɩkɔ́ ká dɩŋɛ.
2 Áŋ rɛ́ wo Nyuutɩna Wɩɩsɛ tʋtʋŋzeŋse ná aá dɩ́ɩ́sɛ,
ká rɩ́wɔ́ nʋ́ʋ́ píŋ wɩ́állɛ wuu wɩ́ɛ́>>
3 Nɩɛ ná háá tɩ́ŋ yɛrɛ,
káá tʋ́ŋ taŋá tɛ́ŋ wuu mí ná wér.
4 Nyuutɩna Wɩɩsɛ, rɩ́ɩ́ nɛ́ wúrí sɩ́ɛ́ rɩ́ɩ́ cáásɩ́ nɩɛ (makɩ́ sawér),
ɩ bɩ́ɩ́nɩ́ŋ wɩ́ɛ́.
Bélíŋ rɩ́, rɩ́ɩ́ nɛ́ kúó lɛ́ɩ́ nɩɛ a tá,
5 a makɛ rɩ́ŋ néí nɩlɩsɛ́ wér ná
a tɩ́ŋ zʋ́ɩ́ nɩɛ satɔrɔ́ ná sɩɛrʋ
ká tɩŋɩ́ŋ liwe ná mɛ́ a ná tɛŋpɔrɔ́.
6 Á ɔ́ɔ́ zɔkɛ anɩ́rá ánáwa,
á tɛ́lɔ́, á nɛ́ tɛ́ zɔkrʋ́.
7 Ezipiti mí, á ánáwa wɩ́ɩ́ wɩ́nyáŋsɛ ná mʋ́ʋ́la nɩ́ɛ́.
Ɓa sʋllɩ́ wɩ́wéré ɓɩkána ná mɛ́,
ká isi cɩ́mɩ́ mɛ́ mʋʋ laka,
Zɔŋkwa mʋʋ laka.
8 Amá Wɩɩsɛ lɔ́wɔ́ tá a tɩŋɩ́ yɩr ná zeno wɩ́ɛ́,
a makɛ rʋ́ʋ́ dóé nyɩ́ɩ́sɛ.
9 Ʋ bɛsɛ /ɓɛ́ Zɔŋkwa mʋʋ, ʋ nyii hʋ́ʋ̃́sɛ;
ʋ ɔ́ɔ́ ɓa zʋ́ dɩluŋe lɩ, anɛ gɩrbétéke sɩɛrʋ.
10 Ʋ lɔ́wɔ́ tá nɩɛ ná cɩ́ŋwɔ́ mɛ́ nɛ́sɛ mɛ́,
ʋ lówó a lɩ́sɩ́wɔ́ ɓa dɩŋdɔma nɛ́sɛ mɛ́:
11 nyii tɔ́wɔ́ dɩŋdɔma mɛ́,
bála má wɩ lúé lɩ.
12 Ɛ́ nɛ́ ɓa sɩɛ́ lɔ́ʋ́ wɩ́bʋlɛ dí,
a yɩ yɩɩla a dɛ́nnʋ́.
13 Amá ʋ wɩ dáánɛ́ ká ɓa sʋ́llʋ́ wɩ́állɛ ná mɛ́,
ɓa wɩ cɩ́nɛ́ tɩkʋ́ jaŋwa ná ʋ háá vɔwɛ:
tíhɩlɛ́ sɩɛnnɛ, ɓa mɩl Wɩɩsɛ.
15 Ʋ pɔ́wɔ́ onni ná ɓa fá háá sʋ́lɛ́,
amá ʋ pɔ́wɔ́ ɓa bʋ́rsɩ́wɔ́ díí.
16 Púl sɩɛrʋ, ɓa dí bánɔnnɩ́ Moyizi rɩ́,
arɩ́ Aarɔŋ há ká Wɩɩsɛ nɩlɩsɛ́ rɩ́.
17 Ɛ́ nɛ́ tíé wúrú nʋɔ a líŋ Dataŋ,
a tɔ́ Abiraŋ rɩ́rʋ́ nɩɛ mɛ́.
18 Níŋ díwó púl,
níŋpoo dí nɩbɔma.
19 Hɔrɛbɛ mɛ́, ɓa cʋɔrɛ nɔwie;
ɓa ɓírmi tíé, a káŋwɔ́ sɩ́ɛ́ cú tíé kɔmɔ́ sɩ́ɛ́,
20 ɓa píwó píŋ a lenni nɔɔ cuuno,
nyɔdííro.
21 Ɓa sʋllɩ́wɔ́ Laataarɔ Wɩɩsɛ mɛ́,
Wɩɩsɛ ná há a wɩ́zeŋse Ezipiti mí,
22 há a wɩnyaŋsɛ tɔ́ɔ́ ná ɓa háá yɩrɛ Saŋ mɛ́,
há a wɩ́gɩrɛ́ Zɔŋkwa mʋʋ laka.
23 Ɛ́ nɛ́ ʋ fá vɔwɛ rʋ́ʋ́ zɔkwɔ́,
amá ʋ nɩlɩsɛ́ Moyizi,
isó zʋ́wɔ́ pɛ́kɛ a mʋ́ʋ́ sɩ́ɛ́,
a dú nɛ́sɛ rʋ́ʋ́ cɔ́wɩɩlɔ́ ná sɩ́wɔ́ zɔkʋ́.
24 Ɓa guóni tɔ́wéró,
ɓa wʋ́ʋ́ wɩ́bʋlɛ lɛ́ɛ́ dí,
25 ɓa gáásɛ wɩ́ɛ́ ɓa táŋtɛwa sɩɛnnɛ,
ɓa wɩ Nyuutɩna Wɩɩsɛ nʋɔ tɩŋɛ.
26 Ɛ́ nɛ́ ʋ ŋmɩ́ɛ́sɛ ká ɓɔ́ʋ́ nɛ́sɛ
rʋ́ʋ́ zɔkwɔ́ gɩrbétéke sɩɛrʋ,
27 rʋ́ʋ́ pɩ́sɩ́wɔ́ dunɩɛ hé tɔ́nɛ wuu sɩɛnnɛ,
rɩ́wɔ́ sʋsɛ duhʋ́ɔ́ra sɩɛnnɛ.
28 Ɓa kéŋwó tɩɩ mʋ́ cɔ́ Baalɩpɔɔrɛ mɛ́,
ɓa dí namɩ́ŋsɛ ná ɓa pie ɔsɛ vʋka pá sʋsɛ,
29 ɓa wɩ́állɛ ná cáásɔ́ wɛ́ Nyuutɩna Wɩɩsɛ cɔ́ɛ́,
ɛ́ nɛ́ wɩɩla péríwó.
30 Fineyaasɛ isi daha rʋ́ʋ́ za zarʋ,
wɩɩla ná ɓɩ́ɛ́na tenni.
31 Ɛ́ mɩnʋ́ wɩwére (nɩtaŋnnɛ) sɩɛrʋ
a kaá mʋ́ wuu, bɩna bɩnawa.
32 Meriba nyii laka, ɓa ɔ́ɔ́ Wɩɩsɛ cɔ́ɛ́ wɛ́,
a tɩ́ŋ ɛ́ mɛ́ hé wɩɩla pá Moyizi,
33 beé wɩ́ɛ́, ɓa wʋ́ʋ́ sabɩɩna ná tɩŋɛ,
ɛ́ nɛ́ Moyizi má wɩ bɩɩnɛ ká bʋl wɩ́ɛ́.
34 Duówa ná Nyuutɩna Wɩɩsɛ fá há bʋ́lwɔ́ wɩ́ɛ́,
ɓa wʋ́ɔ́ zɔkɛ.
35 Ɓa kuósíwó tɩɩ, nɩɛ ná há wɩ Wɩɩsɛ ɛ̃́ sɩɛrʋ
a tɩŋwɔ́ mɛ́ aá ɔ́wɔ́ wɩ́állɛ.
36 Ɓa ɓaarɩ́wɔ́ venni
ɓa bɩ́rmɛ baráwa a pɔ́wɔ́.
37 Ɓa píwó heŋbolli
arɩ́wɔ́ tole a ɔsɛ vʋka a pá kaŋtɔma.
38 Ɓa bɩsɛ nɩɛ ná há wɩ wɩ́ɩ́ zɔkɛ cɛ́llɛ tá,
ɓa heŋbolli ná rɩ́wɔ́ tole ná há wɩ wɩ́zɔkɩ́ kéné,
ká ɓa kɛ́sɩ́wɔ́ ɔsɛ vʋka pá Kana nɩɛ venni.
Cɛ́kana ná ɔ́ɔ́ tɔ́ɔ́ ná zʋ́ busunnú.
39 Ɓa wɩ́állɛ ɔ́ɔ́ ɓa zʋ́ busunnú,
ɓa tʋ́ŋ cɔ́rmɛ a tɩ́ŋwɔ́ navalɛ́.
40 Nyuutɩna Wɩɩsɛ cɔ́ɛ́ ísíwó mí anɛ níŋpoo
ʋ sɩɛrʋ lʋ́ʋ́ liwe ná.
41 Ʋ lo duówa ná naŋá nɛ́sɛ dukwó,
nɩɛ ná cɩ́wɔ́ mɛ́ wollíwó;
42 ɓa dɩŋdɔma bɛ́ŋsɩ́wɔ́,
ɓa dí hɩ́ɩ́sɛ ɓa nɛ́sɛ mɛ́.
43 Ʋ lɔ́wɔ́ tá naasɩ́ ɓɩkaná,
amá ɓa vɔ́ɔ́ ká há mɩŋwɔ́ nyúduó mí,
a mʋ́ʋ́rɩ́wɔ́ wɩ́zɔkɛ́ sɩɛrʋ.
44 Ʋ há nɛwɔ caasé,
ʋ béló nówó sazɔkɔ́.
45 Ʋ líísú rɩ́wɔ́ pɛ́kɛ nʋtʋ́ŋ ná wɩ́ɛ́,
a fɔ́wɔ́ susú, a tɩŋʋ́ nɩcɩtkɔ́ ná há zeno yɩr mɛ́.
46 Ʋ ɔ́ɔ́ ɓa susú ká
nɩɛ ná wuu fá há héwó yomí sɩɛrʋ.
47 Nyuutɩna Wɩɩsɛ, á Wɩɩsɛ, lárá tá:
a ráá lɛ́ duówa ná naŋá sɩɛnnɛ a kó hé náŋá mɛ́.
Ɛ́ é, á sɩ́ dɛ́nnɩ́ yɩr ná há kɔ́ʋ́ ná,
á sɩ́ píŋsí a lá yɩr.
48 Nyuutɩna Wɩɩsɛ, Ɩzɩrayɛl Wɩɩsɛ, lá cʋɔlá,
(a pɔ́ nyɛ́ mɛ́) a káá mʋ́ wuu, bɩna ká tí.
Ká rɩ́ nɩɛ wuu bʋlɛ́:
«Amɩɩ! Aleluya!»