YƖƖLA KƐNƆ CƆRƐ BANÁ NYÚÚ MÍ
(Yɩɩla 90 - 106)
Makrá ráá zɩ́ŋrá tápʋ́lɛ́ dɩɩsɛ́ weri
90
1 Wɩɩsɛ báálɔ Moyizi wɩsʋlɔ́.
Nyuutɩna, ɩ nɛ́ ká ráá fɩ́ɛ́l
bɩŋsɛ rɩ́ bɩŋsɛ.
2 Ká rɩ́ pallɛ zɩ́ŋ mɩ́ŋ
ká rɩ́ɩ́ zɩ́ŋ a tíé arɩ́ dúníé,
ɩ nɛ́ ká Wɩɩsɛ fól wuu, a sɩɛ́ de kaá mʋ́ wuu.
3 Ɩ nɛ́ ɛ́ɛ́ nɩbííno bɩrɛ aá zʋ́ kúŋkulo,
beé wɩ́ɛ́, ɩ nɛ́ sɛ́: «Adaŋ bio, bɩrɛ zʋ́ ráŋ!»
4 Ʋ ká ɛ́ nɛ́, ɩ sɩ́ɛ́ mɛ́,
bɩŋsɛ bʋ́ɩ́ nɩhɩ̃́ díé tápʋ́l nɛ́, a waarɔ daarɛ,
anɛ tɩ́táŋ lɛ́ɛ́rɛ balá (tɛ́ŋ mʋɔ́ yɔ́ɔ́.)
5 Ɩ píésíwó a daarɛ anɛ cɩ́cʋɔ dóŋ,
anɛ ɛ́ nyɔ́ɔ́ há waá daanɛ;
6 cɩ́cʋ́ɔ́, ʋ puri fɩl, ká gbaanɛ,
ʋ zɛkɛ ɓal, a hɩl.
7 Oo, ɩ cɔwɩɩlɔ́ dírá tenni,
ɩ cɔ́ɛ́ hé héwíŋ a párá.
8 Ɩ párá wɩ́zɔkɛ́ púí sɩ́ɛ́,
ɩ ɔ́ɔ́ á wɩ́féŋsɛ lɛ́ pʋmmɔ, ɩ sɩ́ɛ́ mɛ́.
9 Ʋ ká ɛ́ nɛ́, á tápʋ́lɛ́ daarɔ́, ɩ cɔ́wɩɩlɔ́ sɩɛrʋ;
a dí ráá bɩŋsɛ tenni kɩ́kɛ́lɛ́:
10 Tɛ́ŋ nɔ́ŋɔ mɛ́, á mɩɩsɛ daanɛ́ mʋɔsɔ́ nɛ́ ká bɩŋsɛ mɛɛ́sɩbotoro arɩ́ fí,
ʋ daanɔ́ nɛ́ ká bɩŋsɛ mɛɛ́sɩbaná,
á hiẽso ká bɔlɛ arɩ́ wɩ́hala nɛ́;
ɓalaɓala rʋʋ tennó, á bɩrcol.
11 Áŋ rɛ́ wóí cɔwɩɩlɔ́ dóé mʋɔ́sɔ aá zɩ́ŋ>>
Nɛrɔ ná há fɛ́ɩ́ kɩ́ŋkáŋ, ʋ nɛ́ ɩɩ̃́ weri.
12 Ɛ́ wɩ́ɛ́, a ráá zɩ́ŋrá tápʋ́lɛ́ dɩ́ɩ́sɛ́ weri,
a makɛ ráá ká zɩ́mɛ́.
13 Bɩrko, Nyuutɩna Wɩɩsɛ. A kaa mʋ́ peri tɛ́ŋ beérí>>
Fɛ́ɩ́ tʋtʋnna susú.
14 Lo rɩ́ɩ́ nɩcɩtɩkɔ́ ná nɩ́ɩ́sɩ́ŋ tápʋ́lɛ́ tɛ́ŋ mɛ́,
a makɛ ráá wolli jʋ́ɔ́sɛ satɔrɔ́ á mɩɩsɛ wuu mí.
15 A ráá dí satɔrɔ́ a mɔ́ tápʋ́lɛ́ ná ɩ há bɛ́ŋsɩ́rá
a mɔ́ bɩŋsɛ ná á há dí wɩɩla.
16 Lo rɩ́ɩ́ wɩ́'aalɩ́ a nyáámɩ́ a pɛ́ɩ́ tʋtʋnna,
rɩ́wɔ́ bɛlɛ néí wer.
17 Rɩ Nyuutɩna Wɩɩsɛ, á Wɩɩsɛ, sawer mɩ́ŋrá nyúú
á ráá nɛ́ŋsa tʋtʋmɩ́ mʋ́ sɩ́ɛ́,
oo, a ráá nɛ́ŋsa tʋtʋmɩ́ né cɛ́ weri.