Nʋtallɛ ná Wɩɩsɛ há tɛ́ɛ́ pá Davidi mɩ́ŋ nɛ́ɛ́>>
89
1 Etaŋ há ká Ezirahiti wɩ́makɛ́.
2 Ŋ sɩ́ dɛnnɛ Nyuutɩna Wɩɩsɛ tɛ́ŋ wuu mí, ʋ wɩ́wéré ná yɩr mɛ́.
Ŋ nʋɔ sɩ́ bʋlɩ́ sawér ná wɩ́ɛ́ dɩŋɛ.(bɩŋsɛ rɩ́ bɩŋsɛ.)
3 Ʋ ká ɛ́ nɛ́, ŋ nɛ́ bʋ́lɛ́: «Ɩ kéŋ sawér tɛ́ŋ wuu mí;
bána nyúú, ɩ nɩcɩtɩkɔ́ mɩ́ŋ ráŋ.
4 Ŋ tá nʋɔ ŋ nɩlɩsɛ́ yɩr mɛ́,
ŋ ŋmɩ́ɛ́sɔ a páŋ tutʋnnɔ Davidi a bʋ́lɛ́:
5 Ŋ nɛ́ lɩsɩ́ dunɩɛ rɩ́wɔ́ dí kuorí a kaá mʋ́ wuu,
ŋ nɛ́ bílí kuóɓasa rʋ́ʋ́ pɛ́ dɩŋɛ. \qs Dɩfɩɛlɩ́.\qs
6 Nyuutɩna Wɩɩsɛ, rɩ baná bɩ́ɩ́ mɛ́ ɩ wɩ́nyana né yɩr mɛ́!
ká rɩ nɩtɩllɛ́ má dɛnnɩ́ ɩ nɩcɩtɩkɔ́ ná yɩr ɓa naŋa dɩceŋsi.
7 Nyuutɩna Wɩɩsɛ, áŋ mɔhɩ̃́ bána nyúú>>
Venni sɩɛrʋ, Nyuutɩna Wɩɩsɛ, ɩ nɩ́ɛ́sɛ nɔŋɔ mɩ́ŋ nɛ́ɛ́>>
8 Wɩɩsɛ nɩtɩllɛ ceme sɩɛrʋ, ʋ yɩr lɩ́ɔ́,
ʋ wɩ́ɛ́ kéŋ héwíŋ a kɩllɛ nɩɛ ná wuu há kílú.
9 Nyuutɩna Wɩɩsɛ, Doe wuu tɩna Wɩɩsɛ,
áŋ dóé rí mɔhɩ̃́, Nyuutɩna Wɩɩsɛ>>
Nɩcɩtɩkɔ́ mɩ́nɩ́ kile.
10 Ɩ é ní kéŋ dóé Mʋʋ nyʋkɔ́ nyúú,
rʋʋ nyii ní kúé aá guuli, ɩ nɩ́ɩ́ a ɓa cɛ́.
11 Ɩ nɛ́ tɩksɛ Ezipiti anʋ́ há sʋ́wɛ́,
ɩ ballɩ́ nɛ́sɛ nɛ́ pɩ́sɩ́ dɩŋdɔma.
12 Ɩ tɛ́ bána, ɩ nɛ́ tɛ́ tíé.
ɩ nɛ́ bil dúníé rɩ́rʋ́ kuóɓɩɛ.
13 Ɩ nɛ́ ɛ́ɛ́ wɩɩsɛ dɩpomí nɛ́gʋ́ɔ́ arɩ́ wɩɩsɛ dɩpomí néduu mɩ́ŋ,
Tabɔɔrɛ arɩ́ Ɛrmɔŋ pallɛ caaso aá bɩ́ɩ́ yɩr mɛ́ arɩ́ satɔrɔ́.
14 Ɩ nɛ́ kéŋ ballɩ́ vaamɔ,
ɩ néduu nɛ́sɛ ná há ɓɔ́ɛ́ kéŋ dóé.
15 Taŋá arɩ́ yɛ́rɛ́ nɛ́ kɔ́ʋ́ kuorí mʋ́kúr,
nɩcɩtɩkɔ́ arɩ́ taŋá mɩ́nɩ́ sɩ́ɛ́.
16 Duó ná há ɩ́ɩ̃́ mɛ́ bɩɩ, ʋ ná wér.
Nyuutɩna Wɩɩsɛ, ʋ sɩ́ valɩ́ sɩ́ɛ́, ɩ pʋmmɔ ná sɩɛrʋ.
17 Ɓa sɩ́ gba gbaala tápʋ́l wuu, ɩ yɩr mɛ́,
ɩ taŋá ná yɩr mɛ́, ɓa yɩr sɩ́ lɛ́.
18 Ʋ ká ɛ́ nɛ́, ʋ ká nyaamɩ́ rɩ nɛ́ kɔ́wɔ́ dóé;
ɩ zile nɛ́ tɛ́ á wolli káŋrá nyúnni aá ɓɔ́ (a bɩbará).
19 Nyuutɩna Wɩɩsɛ, ɩ nɛ́ kárá hɔkɛrɛ,
Ɩzɩrayɛl Kaŋdʋŋɔ nɛ́ tɛ́ á ká kuóro.
20 Kal oro, ɩ nyɩɩsɩ́ tɩɩ a bʋl nɩɛ ná há lɛ́ɩ́ dí rí a bʋ́lɛ́:
«Ŋ nɛ́ pí dóé a pá bɩbár,
ŋ nɩɛ sɩɛrʋ, ŋ nɛ́ kéŋ hebiwafɛlɔ́ ɓɔ́.
21 Ŋ nɛ́ lɩsɛ Davidi rʋʋ áŋ tʋtʋnnɔ,
ŋ nɛ́ ɔ́ŋsɛ lɩsɛnʋʋ hóú mí, a tɩ́llʋ́.
22 Ŋ nɛ́sɛ ná há duóko sɩ́ tɩ́ɛ́sʋ́,
ŋ váámɔ sɩ́ pɔ́ʋ́ dóé.
23 Ʋ dɩŋdɔma waá wolli ko úrú mí,
nɛrɔ ná há cɩ́nʋ́ mɛ́ waá wolli hɩ̃́ɩ̃́sʋ́,
24 beé wɩ́ɛ́, ŋ sɩ́ tɩksɛ dɩŋdɔma ʋ sɩ́ɛ́ mɛ́,
ŋ sɩ́ ŋmɔsɛ nɩɛ ná há bɛ́rʋ́.
25 Ŋ sawér arɩ́rɩ́ŋ nɩcɩtɩkɔ́ sɩ́ mɩ́ŋ Davidi har,
ŋ yɩr mɛ́, ŋ sɩ́ wolli kánʋ́ nyúú ɓɔ́.
26 Ŋ sɩ́ pi mʋʋ hóú nɛ́sɛ mɛ́,
ká pi mʋnaasɛ (fonni) hóú ʋ néduu nɛ́sɛ mɛ́.
27 Ʋ sɩ́ kánɩ́ŋ aá yɩrɛ: «Ŋ áná,
ŋ Wɩɩsɛ, ɩ nɛ́ ká bʋ́ɩ́ ná há láŋ tá.»
28 Ká rɩ́ŋ má púú makɩ́ŋ bihɔ̃́,
rʋʋ dí hɩ́ɛ́sɩ́ tíé nyúú kuóre wuu nyúú.
29 Ŋ sɩ́ cɛ́ tɩkʋ́ tɛ́ŋ wuu mí,
ŋ rɩ́rʋ́ pɛ́kɛ́ nʋtʋmɛ ná waá giri.
30 Kuorí wʋ́ʋ́ jaa míí lɛ́ abádá,
bána daanɛ mʋɔsɔ́, ʋ kuóɓasa daanɛ mʋɔsɔ́ nɛ́.
31 Rʋʋ bɛlɛ nɛ́ vɛ́ŋ kíŋse ná
a wɩ́ŋ há sʋ́ʋ́ ná tɩ́ŋ,
32 rɩ ɓa nɛ́ vɛ́ŋ wɩ́mkɛ́ ná
a wɩ́maŋsɛ ná tɩŋ,
33 ŋ sɩ́ bɛ́ŋsɩ́wɔ́ rɩ́ daa ɓa wɩ́bɔmɔ ná wɩ́ɛ́,
ŋ ŋmɔ́wɩ́wɔ́ ɓa wɩ́zɔkɛ́ ná wɩ́ɛ́,
34 amá ŋ wɩ nɩcɩtɩkɔ́ ná ŋ kéné rɩ́wɔ́ pii tá,
ŋ wɩ nʋtʋmɛ ná há mɩnɩ́ŋ rɩ́wɔ́ pɛ́kɛ vɛ́ɛ́ tá.
35 Ŋ wɩ́ŋ nʋtʋmɛ vɛ́ɛ́ tá,
ŋ wɩ wɩ́ɩ́ ná há lɩ́ŋ nʋɔ mɩ́ɩ́ baasɛ.
36 Kal oro, ŋ ŋmɩ́ɛ́sɩ́ŋ há dʋŋɔ ná yɩr mɛ́ a bʋ́lɛ́:
ŋ wɩ nyɩ́ɛ́rʋ nyɛ́ɛ́ pá Davidi, abádá.
37 Ʋ dunɩɛ sɩ́ mɩ́ŋ tɛ́ŋ wuu mí;
ká rʋʋ kuóɓasa cɩ́nɩ́ŋ sɩ́ɛ́, anɛ wɩpomí,
38 ʋ sɩ́ mɩ́ŋ tɛ́ŋ wuu mí, a ká dóé anɛ cana,
ʋ nɛ́ ká taŋá sɩɛda bána nyúú. \qs Dɩfɩɛlɩ́.\qs
39 Kɛ́ɩ́ tɩɩ nɛ́ fa bɛ́rɩ́ nɩlɩsɛ, a vɔ́ʋ́ tá,
a dí cɔ́ɛ́ ʋ nyúú.
40 Ɩ báásɛ nʋtʋmɛ ná mɩ́nɩ́ŋ rɩ́rɩ́ tʋtʋnnɔ pɛ́kɛ,
a púú kuónéŋcú yo tíé, a zɔ́kʋ́.
41 Ɩ lunni gbele ʋ zekɛrɛ wuu sɩɛnnɛ nɛ́,
a zɔ́kʋ́ ballɩ́ dɩhɛ̃́ wuu;
42 nɩdaarɛ́ wuu píésú ɓɩɛ;
ʋ kennináŋá mʋ́mɔ́mʋ́.
43 Ɩ ɔ́ɔ́ dɩŋdɔmɔ ná dóé,
ɩ ɔ́ɔ́ nɩɛ ná wuu há cɩ́nʋ́ mɛ́ jɩ́jʋ́ɔ́sɛ;
44 ɩ ɔ́ɔ́ ʋ tokówí bɩr cɩ́nʋ́ tɩɩ mɛ́,
ɩ wʋ́ʋ́ mɛ́ pɛ́ lal tɛ́ŋ mɛ́.
45 Ɩ ɔ́ɔ́ ʋ wér tenni,
ká kánʋ́ kuóɓasa bɩrcú tíé.
46 Ɩ cokú haŋpʋɔllɛ tápʋ́lɛ́ múúri,
ɩ ɔ́ɔ́ dí hɩ̃́ɩ̃́sɛ kɩ́ŋkáŋ. \qs Dɩfɩɛlɩ́.\qs
47 Tɛ́ŋ beé rí sɩɛ́, Nyuutɩna Wɩɩsɛ>>
Ɩ sɩ féŋsí tɩɩ dɩŋɛ yáá>>
Ɩ sɩ́ díí cɔ́ɛ́ anɛ ɛ́ níŋ háá dí ɛ́>>
48 Bɩɩnɩ́ŋ mɩɩsɛ daanɛ́ mʋ́ɔ́sɔ́ wɩ́ɛ́:
nɩbííno ná é há mɛ́ɛ́, ká oŋyɔ́ɔ́ ʋ dɩgirsi.
49 Nɩbíŋ orí é a rʋ́ʋ́ nyʋ́ bʋ́ɩ́,
a lú lɛ́ lɛlɛtɔ́ɔ́ nɛ́sɛ mɛ́>> \qs Dɩfɩɛlɩ́.\qs
50 Nyuutɩna, ɩ díé wɩ́wéré ná zʋ́ nɛ́ɛ́ rɛ́>>
Ɩ fa há tá nʋɔ a pá Davidi rɩ́ɩ́ sɩ́ cɛ́ tɩ́kʋ́.
51 Nyuutɩna, bɩɩnɩ́ hɩ̃́ɩ̃́sɛ ná ɩ tʋtʋnna háá díé wɩ́ɛ́,
arɩ́ nɩɛ nyáŋ há káŋ nyúú cɩka wɩ́ɛ́.
52 Nyuutɩna, ɩ dɩŋdɔma bɛ́ŋsɩ́wɔ́,
a pʋsɛ mɩ́ŋtʋɔrɛ aá héí nɩlɩsɛ nabulle sɩɛrʋ (aá lɔ́rɩ́ nɩlɩsɛ, ʋ dɩmʋ́ɩ́ wuu).
53 Rɩ Nyuutɩna la yɩrɛ a kaa mʋ́ wuu!
Amɩɩ, Amɩɩ!