Nɛrɔ ná rɩ sʋʋ há ká lɛ́rɛ́ wɩsʋlɔ́
88
1 Koore bɛlɛ yɩl, ɓa há mú mulli a yɩ, ʋ mɩ́ŋ gɔkɩ'áná gɔkɩ́ sɩɛrʋ. Hemaŋ há ká Ezirahiti sabɩɩna wɩ́ɛ́ nɛ́.2 Nyuutɩna Wɩɩsɛ, ŋ Laataarɔ,
wɔhɔ arɩ́ tɩtáŋ, ŋ ŋmɔwɛ búŋse aá pɛ́ɩ́ nɛ́.
3 Lo rɩ́ŋ sʋ́lɛ́ pérí,
lo rɩ́ŋ wííle zʋ́ɩ́ dɩllɛ.
4 Beé wɩ́ɛ́, wɩhalawa nɩ́ɩ́sɩ́ŋ,
ŋ rɩ́ sʋʋ ká lɛ́rɛ́.
5 Ɓa dɩɩsɩ́ŋ hé nɩtoowa sɩɛrʋ;
ŋ taŋá tenno,
6 ŋ zʋ́ sʋsɛ sɩɛrʋ,
a pɛ́ bʋɔ sɩɛrʋ anɛ sʋsɛ ná náŋá,
ɩ há sʋllɩ́wɔ́ wɩ́ɛ́,
beé wɩ́ɛ́, ɓa kɛ́kɩ́ mɛ́.
7 Ɩ kéníŋ tuwi cúŋcúŋbʋɔ,
bino firifiri sɩɛrʋ (dɩluŋo).
8 Ɩ cɔwɩɩlɔ́ tuwíŋ nyúú;
ɩ piŋŋíŋ ɩ cɔwɩɩlɔ́ sɩɛrʋ (ɔ́ɔ́ vukmewa bɛklɩ́ŋ). \qs Dɩfɩɛlɩ́.\qs
9 Nɩɛ ná há ɩ̃́ŋ, ɩ ɔ́ɔ́ ɓa kɛ́kɩ́ŋ mɛ́;
ɩ ɔ́ɔ́ ɓa sɩɛrʋ lɩ́ŋ.
Ŋ fɛ́rɔ́, ŋ gbel kéné.
10 Wɩɩla ɔ́ɔ́ ŋ sɩ́ɛ́ bɔl.
Nyuutɩna Wɩɩsɛ, ŋ tɛ́rɩ́ŋ nɛŋsa ɩ rɩ́,
aá jɛ́nnɩ́ tápʋ́l wuu.
11 Ɩ sɩ́ tʋ́ŋ wɩ́nyaŋsɛ a pá lɛlɛ>>
Sʋsɛ sɩ́ isi sʋʋ mɛ́ a dɛ́nnɩ́>> \qs Dɩfɩɛlɩ́.\qs
12 Ɓa wóí nɩcɩtɩkɔ́ wɩ́ɛ́ aá bʋl bʋɔ sɩɛrʋ rɛ́>>
Ɓa wóí sawér wɩ́ɛ́ aá bʋl lɛlɛtɔ́ɔ́ mɛ́>>
13 Bino sɩɛrʋ, ɓa ɩ́ɩ̃́ wɩ́nyaŋsɛ ná rɛ́>>
sʋŋsʋltɩ́ɩ́na tɔ́ɔ́ mɛ́, ɓa ɛ̃́ taŋá rɛ́>>
14 Amá Nyuutɩna Wɩɩsɛ, ŋ é ŋmɔwɛ búŋse aá pɛ́ɩ́ nɛ́.
Ŋ mɩnɩ́ sɩ́ɛ́ cɩcʋɔ wuu arɩ́ wɩsʋlɔ́.
15 Nyuutɩna Wɩɩsɛ, beé rí tɛ́ ɩ vɛ́ŋ tá,
a wɩ́ɩ́ sɩ́ɛ́ wure aá caasɩ́ŋ>>
16 A pɔ́ŋ heŋbííri wuu mí wɩhala púŋ, ŋ cɛ́ sʋwɛ mɛ́,
ɩ héwíŋ kéné, ŋ yeŋŋi.
17 Ɩ cɔwɩɩlɔ́ tuwíŋ nyúú,
ɩ héwíŋ kéníŋ ŋ yʋɔrɛ.
18 Ɓa tɔ́ŋ mɛ́ tápʋ́l wuu anɛ nyii,
ɓa kóú kilíŋ .
19 Ɩ ɔ́ɔ́ ŋ nɩzɩmɛ́ arɩ́rɩ́ŋ naŋnɔŋsɛ kɛ́kɩ́ŋ mɛ́,
bino dʋŋɔ nɛ́ káŋ vallɩnɔ́ŋɔ.