Nyuutɩna Wɩɩsɛ nɩ́ɩ́ pá tɛŋfɩ́ɛ́l
85
1 Koore bɛlɛ yɩl, a mɩ́ŋ gɔkɩ'áná gɔkɩ́ sɩɛrʋ.
2 Nyuutɩna Wɩɩsɛ, ɩ makɩ́ colle a pɛ́ɩ́ tɔ́ɔ́.
ɩ nɛ́ kéŋ Zakɔbɛ lal nɩkɛ́sɛ a bɩrko.
3 Ɩ nɛ́ fóí nɩɛ wɩ́zɔkɛ́ tá,
ɩ nɛ́ héwó wɩ́bɔma suúri.\qs Dɩfɩɛlɩ́.\qs
4 Ɩ nɛ́ lóé ɩ cɔwɩɩlɔ́ pɔrɛ,
ɩ nɛ́ liŋí cɔwɩɩlɩzeno.
5 Á Wɩɩsɛ, á Laataarɔ, lo ráá bɩrkóí rí,
lo rɩɩ cɔwɩɩlɔ́ tenni.
6 Ɩ sɩ́ dí cɔ́ɛ́ á nyúú a ká mʋ́ wuu,
rɩɩ cɔwɩɩlɔ́ tɩ́ɛ́nɛ a peri woo woowa>>
7 Ɩ ráá waá bɩrɛ ká mɩɩsɛ rɩɩ kúó párá,
ká pɛ́ɩ́ nɩɛ satɔrɔ́>>
8 Nyuutɩna Wɩɩsɛ, makɩ́ nɩcɩtɩkɔ́ a párá,
ká lárá tá má.
9 Nyuutɩna Wɩɩsɛ há sʋ́ʋ́ ná, ŋ́ zesi rí;
ʋ sɛ́: «Tɛŋfɩ́ɛ́l» a pɔ́ʋ́ nɩɛ arɩ́ nɩɛ ná há cɩ́nɛ́ tɩkʋ́,
a makɛ rɩ́wɔ́ sɩ́ bɩrzʋ́ nɩcʋlwɩ́ɛ́ ná sɩɛrʋ.
10 Ʋ laatɛ́ ká tɛ́sɩ́ɩ́ rɩ́ nɩɛ ná haá fɔ́ʋ́,
ʋ píŋ sɩ́ nyɩ́ɩ́sɩ́rá tɔ́ɔ́ mɛ́.
11 Nɩcɩtɩkɔ́ arɩ́ Yɛrɛ sɩ́ céŋ náŋá,
ká rɩ Tɛŋfɩ́ɛ́l arɩ́ Taŋá kormi náŋá.
12 Yɛrɛ sɩ́ nyʋ́ a lɩ tíé mí
ká rɩ Taŋá lɩ bána a tuwi.
13 Nyuutɩna Wɩɩsɛ tɩɩ nɛ́ sɩ́ pá wér,
á tíé sɩ́ ká ɓɩdííle.
14 Taŋá lɔ́ʋ́ sɩ́ɛ́,
a kánʋ́ naasɛ aá hé ŋmɛ́nɔ mɛ́.