Nɩɛ ná háá zʋ́ Wɩɩsɛjaa ná wér
84
1 Yɩl ná Koore bɛlɛ há dú Gatɛ cemo a yɩ. Ʋ mɩŋ gɔk'áná gɔkɩ́ sɩɛrʋ.
2 Nyuutɩna Wɩɩsɛ, Doe wuu tɩna,
néí jaa colle há mɔ́ ɛ́, a mɩnɩ́ŋ mɛ́!
3 Nyuutɩna Wɩɩsɛ, ɩ jaa wɩ́ɛ́ nɛ́ hihííni, a cɛ́ rɩ́ŋ sʋwɛ.
Ŋ caasi arɩ́ satɔrɔ́ arɩ́rɩ́ŋ taŋá wuu aá bɛ́ Wɩɩsɛ ná há wommo mí.
4 Nyuutɩna Wɩɩsɛ, Doe wuu tɩna tɩna,
ŋ kuóro rɩ́rɩ́ŋ Wɩɩsɛ,
kaŋcɩlɩ́ kéŋ dal,
caalakuwie má ká dal aá tíésú bɛlɛ ráŋ,
ɩ korsi laka.
5 Nɩɛ ná há mɩnɩ́ jaa mɛ́ ná wér:
ɓaá sɩ́ bɩ́ɩ́ mɛ́ tɛ́ŋ wuu mí.\qs Dɩfɩɛlɩ́.\qs
6 Nɩɛ ná dóé há lɩ́ɩ́, ɓa ná wér:
ɓa zʋ́ ŋmɛ́nɔ arɩ́ sawér;
7 a tɩ́ŋ Sɩ́mɩɩrʋ polo,
a kánú bɩrmɛ nyibúbʋɔ,
dopuse nyii barakawa má ko tɔ́ʋ́ mɛ́.
8 Ɓa ná bacɩpɩrɩ́ aá mʋ́ sɩ́ɛ́,
a mʋ́ zʋ́ Wɩɩsɛ sɩ́ɛ́ Sɩɔŋ mɛ́.
9 Nyuutɩna Wɩɩsɛ, Doe wuu tɩna Wɩɩsɛ,
zésíŋ wɩ́sʋlɔ́;
Zakɔbɛ Wɩɩsɛ, ɓilí dɩllɛ caasɩ́ŋ.\qs Dɩfɩɛlɩ́.\qs
10 Wɩɩsɛ, ɩ nɛ́ kárá hɔkɛrɛ, wúrí sɩ́ɛ́ ná,
bélí nɩlɩsɛ sɩ́ɛ́ mɛ́.
11 Beé wɩ́ɛ́, ɩ wuolo sɩɛrʋ tápʋ́l bála
wér kɛ́ dɩhuo tápʋ́lɛ bʋ́ɩ́.
Ŋ nɛ́ bɛllɛ lɩsɛ́:
rɩ́ŋ cɩ́nɩ́ŋ Wɩɩsɛ jaa danʋɔ mɛ́
ʋ nɛ́ wérɩ́ŋ há zʋ́ɛ́ ké nɩbɔma jaa sɩɛrʋ.
12 Ʋ ká ɛ́ nɛ́, Nyuutɩna Wɩɩsɛ, á Wɩɩsɛ nɛ́ ká wɩpomí rɩ́ hɔkɛrɛ;
sawer arɩ́ píŋ wuu lɛ́ Nyuutɩna Wɩɩsɛ nɛ́,
nɩɛ ná há mɩ́ŋ taŋá sɩɛrʋ,
ʋ wɩ lóé rɩ wér mumuríwó.
13 Nɛ́ŋ ná háá yɩɛlɩ́, Nyuutɩna Wɩɩsɛ, Doe wuu tɩna,
ʋ tɩ́na ná wér.