Rɩ́ŋ nɩɛ nɛ́ faá zésíŋ wɩ́bʋlɛ́...
81
1 Azafɛ yɩl ná há dú Gatɛ cemo a yɩ, ʋ mɩ́ŋ gɔkɩ'áná gɔkɩ́ sɩɛrʋ.
2 Ɩ́ jʋ́ɔ́sɛ Wɩɩsɛ ná há ká ráá dóé yɩr mɛ́,
ɩ́ bɛ́ Zakɔbɛ Wɩɩsɛ mɛ́.
3 Ɩ́ ká gɔkɩ́ cɩksɛ dɔ́ŋ, ɩ́ pírsi béŋtéré,
arɩ́ lɔŋŋɔ liŋo há ŋmɔ́mɔ́, arɩ́ cemo.
4 Ɩ́ mú nyɩ́la, caŋfɛlɔ lɩ́ɩ́ mɛ́,
cana pɩ́ɩ́rɛ́ tɛ́ŋ mɛ́, arɩ́rá cana tápʋ́l.
5 Nyɛ́ ná ká wɩ́bilí rí a pá Ɩzɩrayɛl,
Zakɔbɛ Wɩɩsɛ há sʋ́ʋ́ ná nɛ́,
6 wɩ́makɩ́ rɛ́ a pá Zɔzɛfɛ dunɩɛ
tɛ́ŋ ná mɛ́ ʋ há ísé a cɛ́ Ezipiti tɔ́ɔ́ mɛ́:
Ŋ nɛ́ líŋo ká wɩ tɩ́na ɛ̃́;
7 ŋ cɩkɛ cɩka ʋ nyúú mí
kɔ́ʋ́ nɛ́ŋsa fɩ́ɛ́lɛ cɩkzímó pɛ́ɛ́ mɛ́.
8 Ɩ há cááse ɩ wɩ́ɩ́la sɩɛrʋ, ŋ lɛ́ɩ́ tá,
dopoo há tɔ́ɩ́ mɛ́, ŋ fɛ́ɩ́ búŋse,
Meriba nyii laka, ŋ mɩ́lɩ́ a ná.\qs Dɩfɩ́ɛ́lɩ́\qs
9 Ɩ́ zésíŋ rɩ́, ŋ nɩɛ, ká rɩ́ŋ cáánɩ́wa,
Ɩzɩrayɛl, rɩ́ɩ́ nɛ́ faá zésíŋ rɩ́,
10 veno fá wɩ́ɩ́ dɩhɩ̃́ mɩ́ŋ,
ɩ fá wɩ veno sɩ́ɛ́ ɓírmi rɩ́ɩ́ cʋɔlʋ́.
11 Ŋ nɛ́ ká Nyuutɩna, ɩ Wɩɩsɛ,
ŋ nɛ́ ɛ́ɛ́ ɩ lɩ Ezipiti mí.
Wuólí nʋɔ wérí, ŋ sɩ́ a rʋ́ʋ́ sú.
12 Amá, ɩ nɩɛ wɩ́ŋ líŋo zésé,
Ɩzɩrayɛl wɩ́ŋ jɛ́ɛ́,
13 ɛ́ nɛ́ tɛ́ ŋ vɛ́wɔ́ a tá, ɓa dɩlhɔ́ wɩ́ɛ́:
rɩ́wɔ́ tɩ́ŋ jáŋwa mɛ́.
14 Aáá! rɩ́ŋ nɩɛ faá zésíŋ líŋo rí,
rɩ Ɩzɩrayɛl nɛ́ faá tɩ́ŋɩ́ŋ ŋmɛ́ŋsɛ,
15 ŋ fa waá dáánɛ kaa hɩ̃́ɩ̃́sɩ́wɔ́ dɩŋdɔma,
ŋ nɛ́sɛ fa sɩ́ cɩ́ŋ nɩɛ ná haá bɛ́ŋsɩ́wɔ́ mɛ́.
16 Nɩɛ ná fa há bɛ́rɛ Nyuutɩna, sɩ́ ko bʋ́ɔ́lʋ́,
ɛ́ nɛ́ sɩ́ péríwó a de kaá mʋ́ wuu.
17 Ʋ fa sɩ́ dɩ́ɛ́sɛ Ɩzɩrayɛl rɩ́ míŋɓɩ́sɔ́,
ká a rɩ́wɔ́ dí tʋʋ má vɔkɛ.