Wɩɩsɛ nɛ́ ká sarɩ́yadííre nɔhɔ̃́
82
1 Azafɛ yɩl.
Wɩɩsɛ ísó cɩ́nʋ́ nɩɛ sɩɛrʋ,
venni sɩsɩɛnnʋwa, rʋʋ dí sarɩ́ya:
 
2 Tɛ́ŋ beé mí rí, rɩ́ɩ́wa dí sarɩ́ya arɩ́ taŋá,
a pi nyɩ́ɛ́rʋ pá nɩɛ nyɛ́tɩ́ɩ́na>>
3 Ɩ́ dí nɛ́múrtɩ́ɩ́nɔ́ arɩ́ bisimi sarɩ́ya taŋá sɩɛrʋ,
ɩ́ pi taŋá a pá summo arɩ́ wɩlnaarɔ́;
4 ɩ́ lá pʋ́ɔ́la arɩ́ yaarɩtɩ́ɩ́nɔ a tá,
ɩ́ láwɔ́ a tá nɩbɔma nɛ́sɛ mɛ́.
 
5 Amá (venni) ɓa wɩ wɩ́zɩ́ŋ kéné, ɓa wɩ́ɛ́ mʋ́ʋ́la nɛ́,
ɓaá gɛnnɛ bino sɩɛrʋ nɛ́,
dúníé mʋ́bíló wuu zɔkɔ́.
 
6 Ŋ́ nɛ́ bʋ́lɛ́ pɛ́ɩ́wa, ɩ́ ká wɩŋsa nɛ́,
ɩ́ wuu ká Wɩɩsɛ ná há mɩ́ŋ bána nyúú bɛlɛ nɛ́,
7 ká sʋ́sʋsɛ anɛ nɩbííne,
zɔkrʋ́ sɩ́ dííwa anɛ sɩ́dííre.
 
8 Wɩɩsɛ, ísí daha. Dí tíé nɩɛ sarɩ́ya,
beé wɩ́ɛ́, duówa ná wuu kɛ́ɩ́ tɩ́llɛ́ nɛ́.