Gɔkɔ sʋ́l Wɩɩsɛ a pá kuóro
72
1 Salomoŋ yɩl.
Wɩɩsɛ, píí sarɩyawa ná díí pá kuóro,
a píí taŋá ná má a pá kuóro bio né.
2 Rʋ́ʋ́ díí nɩɛ sɩ́ɛ́ arɩ́ taŋá,
a tʋ́mʋ́ ná há cɛ́rɛ́ a pá nɛ́múrtɩ́ɩ́na.
3 A tɩ́ŋ taŋá mɛ́, rɩ pallɛ arɩ́ dúŋduome
a rɩ nɩɛ nɛ́rɛ(tɛŋfɩ́ɛ́l).
4 Rʋ́ʋ́ (kuóro) tʋ́mʋ́ ná há cɛ́rɛ a pá nɛ́múrtɩ́ɩ́na,
rʋ́ʋ́ nɛ́ a summe laataarɔ́,
ká bɛ́ŋsɛ nɩvɩrdííre.
5 A makɛ rɩ wɩɩsɛ arɩ́ cana nɛ́ kóé póŋ wuu,
rɩ nɩɛ fɩ́fɛ́ɩ́,
a kaá mʋ́ wuu.
6 Rɩ kuóro nɛ́ dozeno, a tuwi dɩhɛ̃́ ná,
ɓa há kʋ́sɩ́wɔ́ nyɔ́ɔ́,
anɛ tɔ́lɩɩlɛ dóŋ a fɩɛlɛ tíé.
7 Rɩ nɩtaŋá yieri(nɛrɛ), ʋ kuorí díí tɛ́ŋ mɛ́,
a jigi kɩ́ŋkáŋ, a kaá já tɛ́ŋ ná mɛ́ cana há sɩ́ tuki bino.
8 Rʋ́ʋ́ (kuóro) kuorí díí pɔ́ mʋʋ mɛ́ ká mʋ́ yakɛ nɔŋɔ mɛ́,
a pɔ́ mʋnaa mɛ́ ká mʋ́ yakɛ tíé toko mí.
9 Nɩgʋɔrɛ́ sɩ́ gienú sɩ́ɛ́,
ká rʋ́ʋ́ dɩŋdɔma mʋsɛ kúŋkúlo.
10 Tarsiisi arɩ́ mʋʋ sɩɛrʋ tɔ́nɛ
sɩ́ pɔ́ʋ́ zile onni;
Saba arɩ́ Seeba kuoré sɩ́ túŋ loŋpo.
11 Kuoré wuu sɩ́ ɓírmú sɩ́ɛ́ a káŋwɔ́ sɩ́ɛ́cú tíé,
duó wuu sɩ́ tʋ́ŋ pɔ́ʋ́.
12 Oo, ʋ sɩ́ la nɩyaarɔ ná háá yɩ́rʋ́ a tá,
arɩ́ nɛ́mútɩ́ɩ́na ná há wɩ dɩtɩ́ɛ́lɩ́ kéné a tá.
13 Ʋ sɩ́ fa nɩyaarɔ arɩ́ pʋɔla súsú;
ʋ sɩ́ la nɩyaara mɩŋsa a tá:
14 Ʋ sɩ́ lɔ́wɔ́ tá bɩbarɩ́ arɩ́ sahaksɩ́ mɛ́,
ɓa mɩŋsa yɛlɩ́ sɩ́ a haakɛ a pɔ́ʋ́.
15 Rɩ kuóro ká mɩgho. Ɓa sɩ́ pɔ́ʋ́ Saba salmɛ,
ɓa sɩ́ sʋ́l Wɩɩsɛ aá pɔ́ʋ́ tɛ́ŋ wuu mí,
ɓa sɩ́ sʋ́l barká aá pɔ́ʋ́ tápʋ́l wuu.
16 Ɓɩdííle sɩ́ pʋ́rkɛ tɔ́ɔ́ ná,
a tɔ́ɔ́ ná wuu mí
a zɩ yakɛ pallɛ nyúú ɓóŋɓóŋ.
Bilewa nyúnni sɩ́ curi anɛ Liibaŋ pallɛ.
Tɔ́ɔ́ nɩbííne sɩ́ ná wér, anɛ nyɔ́ɔ́ há ná wér a biri ɛ́.
17 Rɩ kuóro dí yɩr dɩŋɛ,
rʋʋ yɩr lɩɩ céŋ dɩhɩ̃́ wuu anɛ wɩpomí,
a makɛ rɩ́wɔ́ yɩ́rʋ́ yɩr nɛ́, a hé barka aá pá náŋá,
ká rɩ duó wuu nɩɛ bʋ́lʋ́ ná wér.
18 Rɩ Nyuutɩna Wɩɩsɛ, Ɩzɩrayɛl Wɩɩsɛ yɩr lá píŋ,
ʋ dʋŋɔ léŋ ní ká wɩ́nyaŋ'aarɔ.
19 Rʋʋ yɩr ná há piŋo, la píŋ a kaá mʋ́ wuu.
Rʋʋ píŋ ná céŋ tíé wuu.
Amɩɩ, amɩɩ.
20 Zeese bio Davidi wɩsʋlɔwa dɩtenni nɛ́ nyɛ́.